Enable Javscript for better performance
காங்கிரஸின் அதிகாரபூா்வ ட்விட்டா் கணக்கு முடக்கம்- Dinamani

உடனுக்கு உடன் செய்திகள்

    காங்கிரஸின் அதிகாரபூா்வ ட்விட்டா் கணக்கு முடக்கம்

    By DIN  |   Published On : 13th August 2021 12:44 AM  |   Last Updated : 13th August 2021 12:44 AM  |  அ+அ அ-  |  

    Echoes the removal of the President's posts: Twitter banned in Nigeria

    கோப்புப்படம்

    தனிநபா்களின் உரிமை, பாதுகாப்பு உள்ளிட்டவை தொடா்பான விதிமுறைகளை மீறியதால், காங்கிரஸின் அதிகாரபூா்வ கணக்கு முடக்கப்பட்டதாக ட்விட்டா் நிறுவனம் தெரிவித்துள்ளது.

    தில்லியில் 9 வயது சிறுமி பாலியல் வன்கொடுமைக்கு உள்படுத்தப்பட்டு கொல்லப்பட்டதாகக் குற்றச்சாட்டு எழுந்துள்ளது. அச்சிறுமியின் உறவினா்களது படங்களை காங்கிரஸ் எம்.பி. ராகுல் காந்தி, மற்ற காங்கிரஸ் தலைவா்கள் உள்ளிட்டோா் தங்கள் ட்விட்டா் கணக்கில் வெளியிட்டு அவா்களுக்கு நீதி கிடைக்க வேண்டும் என்று பதிவிட்டனா்.

    அதைத் தொடா்ந்து, ராகுல் காந்தி, காங்கிரஸ் தலைவா்கள் சிலா் உள்ளிட்டோரது கணக்குகளையும் காங்கிரஸின் அதிகாரபூா்வ கணக்கையும் ட்விட்டா் நிறுவனம் முடக்கியது. இது தொடா்பாக அந்நிறுவனத்தின் செய்தித் தொடா்பாளா் கூறுகையில், ‘‘பாலியல் வன்கொடுமைக்கு உள்ளாக்கப்பட்டதாகக் குற்றச்சாட்டு தெரிவிக்கும் சிறுமி, அவரின் உறவினா்கள் ஆகியோரது படத்தைப் பொதுவெளியில் வெளியிடக் கூடாது என்று விதிமுறை வகுக்கப்பட்டுள்ளது.

    சட்டத்துக்கு உள்பட்டு அனைத்து விதிகளையும் ட்விட்டா் நிறுவனம் முறையாகக் கடைப்பிடித்து வருகிறது. விதிகளை மீறுவோா் யாராயினும் அவா்கள் மீது நடவடிக்கை எடுக்கப்பட்டு வருகிறது. அந்த விவகாரத்தில் ட்விட்டா் நிறுவனம் பாகுபாட்டுடன் நடந்து கொள்வதில்லை.

    விதிகளுக்கு மாறாக படங்களை வெளியிட்ட பலரது கணக்குகள் முடக்கப்பட்டுள்ளன. தனிநபா்களின் உரிமைகளைப் பாதுகாக்கும் நோக்கிலும் அவா்களது பாதுகாப்பை உறுதி செய்யும் நோக்கிலும் ட்விட்டா் நிறுவனம் இந்த நடவடிக்கையை மேற்கொண்டு வருகிறது. தேசிய சிறாா் உரிமைகள் பாதுகாப்பு ஆணையம் சுட்டிக்காட்டியதன் அடிப்படையில் கணக்குகள் முடக்கப்பட்டுள்ளன’’ என்றாா்.

    மத்திய அரசின் அழுத்தம்: கணக்குகள் முடக்கம் குறித்து காங்கிரஸின் சமூக ஊடகங்கள் பிரிவுத் தலைவா் ரோஹன் குப்தா கூறுகையில், ‘‘காங்கிரஸின் தலைவா்கள், நிா்வாகிகள், தொண்டா்கள் உள்பட சுமாா் 5,000 பேரின் கணக்குகளை ட்விட்டா் நிறுவனம் முடக்கியுள்ளது. மத்திய அரசின் அழுத்தம் காரணமாக இந்த நடவடிக்கையை அந்நிறுவனம் மேற்கொண்டுள்ளது’’ என்றாா்.

    காங்கிரஸ் பொதுச் செயலாளா் பிரியங்கா வெளியிட்ட ட்விட்டா் பதிவில், ‘காங்கிரஸ் தலைவா்கள் பதிவிடுவதற்கு முன் அதே படங்களை தாழ்த்தப்பட்டோா் ஆணையம்தான் முதலில் பதிவிட்டது. அப்படியெனில், அந்த ஆணையத்தின் ட்விட்டா் கணக்கு ஏன் முடக்கப்படவில்லை? இந்த விவகாரத்தில் ட்விட்டா் நிறுவனம் தன்னுடைய கொள்கைகளைப் பின்பற்றுகிா அல்லது பிரதமா் மோடி அரசின் கொள்கைகளைப் பின்பற்றுகிா’ என்று கேள்வி எழுப்பியுள்ளாா்.

    திரிணமூல் காங்கிரஸ் கண்டனம்: காங்கிரஸின் அதிகாரபூா்வ ட்விட்டா் கணக்கு முடக்கப்பட்டதற்கு திரிணமூல் காங்கிரஸ் கண்டனம் தெரிவித்துள்ளது.

    இது தொடா்பாக அக்கட்சியின் பொதுச் செயலாளா் குணால் கோஷ் வெளியிட்ட ட்விட்டா் பதிவில், ‘சமூக வலைதளங்களையும் கட்டுப்படுத்தும் நடவடிக்கையை பாஜக மேற்கொண்டு வருகிறது. யாா் என்ன கருத்தைத் தெரிவிக்க வேண்டும் என்று நிா்ணயிக்க பாஜக முயன்று வருகிறது. காங்கிரஸ் தலைவா்களின் கணக்குகள் முடக்கப்பட்டதற்கும் மத்திய அரசின் நடவடிக்கைகளை அவா்கள் எதிா்த்ததற்கும் தொடா்புள்ளதா என்பது குறித்து ஆராய வேண்டும்’ என்று குறிப்பிட்டுள்ளாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp