Enable Javscript for better performance
Those who are against BJP, if they'll come together, they're welcome: NCP Chief Sharad Pawar- Dinamani

உடனுக்கு உடன் செய்திகள்

    பாஜகவுக்கு எதிராக யார் வந்தாலும் வரவேற்கப்படுவார்கள்: மம்தா சந்திப்புக்குப் பிறகு சரத் பவார்

    By DIN  |   Published On : 01st December 2021 05:06 PM  |   Last Updated : 01st December 2021 06:05 PM  |  அ+அ அ-  |  

    Those who are against BJP, if they'll come together, they're welcome: NCP Chief Sharad Pawar

    கோப்புப்படம்


    பாஜகவுக்கு எதிராக யார் வந்தாலும், அவர்கள் வரவேற்கப்படுவார்கள் என மேற்கு வங்க முதல்வர் மம்தா பானர்ஜியுடனான சந்திப்புக்குப் பிறகு தேசியவாத காங்கிரஸ் தலைவர் சரத் பவார் புதன்கிழமை தெரிவித்தார்.  

    மேற்கு வங்க முதல்வர் மம்தா பானர்ஜியும், தேசியவாத காங்கிரஸ் தலைவர் சரத் பவாரும் மும்பையில் புதன்கிழமை சந்தித்துக்கொண்டனர்.

    சந்திப்பு குறித்து சரத் பவார் கூறியது:

    "தலைமைக்கு வலிமையான மாற்றை உருவாக்க வேண்டும். நாங்கள் இன்றைய தினத்தைப் பற்றி சிந்திக்கவில்லை. தேர்தலை மனதில் கொண்டு சிந்திக்கிறோம். இந்த நோக்கத்தில்தான் மம்தா வந்திருக்கிறார். எங்கள் அனைவருடனும் நேர்மறையான ஆலோசனை நடத்தினார்.

    இதையும் படிக்கமம்தா பானர்ஜியுடன் சஞ்சய் ரௌத், ஆதித்ய தாக்கரே சந்திப்பு

    சஞ்சய் ரௌத் மற்றும் ஆதித்ய தாக்கரேவை அவர் சந்தித்தார். இன்று எங்களைச் சந்தித்து விரிவாகப் பேசினார். இன்றைய சூழலில் ஒற்றை சிந்தனை உடையவர்கள் தேசிய அளவில் ஒன்றிணைந்து, ஒருங்கிணைந்த தலைமையை உருவாக்க வேண்டும் என்பது அவரது நோக்கம்.

    காங்கிரஸோ அல்லது வேறு ஏதேனும் கட்சியோ, பாஜகவுக்கு எதிராக இருக்கும் யார் வந்தாலும், வரவேற்கப்படுவார்கள்."

    இதுபற்றி மம்தா கூறுகையில், "தற்போது நடைபெற்றுக் கொண்டிருக்கும் பாசிசத்துக்கு எதிராக யாரும் சண்டையிடாமல் இருப்பதால் உறுதியான ஒரு மாற்றை உருவாக்க வேண்டும். சரத் பவார் மிகவும் மூத்த தலைவர். எங்களது அரசியல் கட்சிகள் குறித்துப் பேச இங்கு வந்தேன். சரத் பவார் கூறியதை ஒப்புக்கொள்கிறேன். இது ஐக்கிய முற்போக்குக் கூட்டணி கிடையாது" என்றார்.

    மேற்கு வங்க முதல்வர் மம்தா பானர்ஜி 3 நாள் பயணமாக செவ்வாய்க்கிழமை பிற்பகல் மும்பை சென்றார். செவ்வாய்க்கிழமை இரவு சிவசேனை தலைவர்கள் சஞ்சய் ரௌத் மற்றும் ஆதித்ய தாக்கரேவை அவர் சந்தித்தார். மத்தியில் உள்ள பாஜகவுக்கு எதிராக எதிர்க்கட்சிகளை ஒன்றிணைக்கவே மம்தா பானர்ஜி இந்தப் பயணத்தை மேற்கொண்டிருப்பதாக அரசியல் நோக்கர்கள் கருதுகின்றனர்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp