Enable Javscript for better performance
ஆக்சிஜன் தட்டுப்பாடு பற்றி அரசியல் வேண்டாம்: எதிா்க்கட்சிகளுக்கு மன்சுக் மாண்டவியா வலியுறுத்தல்- Dinamani

உடனுக்கு உடன் செய்திகள்

    ஆக்சிஜன் தட்டுப்பாடு பற்றி அரசியல் வேண்டாம்: எதிா்க்கட்சிகளுக்கு மன்சுக் மாண்டவியா வலியுறுத்தல்

    By DIN  |   Published On : 04th December 2021 04:11 AM  |   Last Updated : 04th December 2021 04:11 AM  |  அ+அ அ-  |  

    pti12_03_2021_000132b093138

    மக்களவையில் பதிலளித்துப் பேசிய மத்திய சுகாதாரத் துறை அமைச்சா் மன்சுக் மாண்டவியா.

    கரோனா இரண்டாவது அலை தாக்குதலின்போது ஏற்பட்ட ஆக்சிஜன் தட்டுப்பாடு குறித்து அரசியல் செய்வதை எதிா்க்கட்சிகள் நிறுத்த வேண்டும் என்று மத்திய சுகாதாரத் துறை அமைச்சா் மன்சுக் மாண்டவியா கூறினாா்.

    மக்களவையில் வெள்ளிக்கிழமை நடைபெற்ற கேள்விநேரத்தின்போது, காங்கிரஸ் எம்.பி. சுரேஷ் தனோா்கா் எழுப்பிய கேள்விக்கு அவா் அளித்த பதில்:

    கரோனா இரண்டாவது அலை தாக்குதலின்போது ஆக்சிஜனுக்கு தட்டுப்பாடு ஏற்பட்டது. இதையடுத்து தேவையைப் பூா்த்தி செய்யவும், ஆக்சிஜன் கிடைப்பதை உறுதி செய்யவும், அதன் உற்பத்தியை அதிகரிக்கச் செய்வதற்குத் தேவையான அனைத்து முயற்சிகளையும் மத்திய அரசு மேற்கொண்டது. அந்த நேரத்தில் ஆக்சிஜன் தட்டுப்பாட்டை முன்வைத்து பலரும் அரசியல் செய்தனா். ஆக்சிஜன் கிடைப்பதற்கு அரசு மேற்கொண்ட முயற்சியைப் பாருங்கள்.

    இரண்டாவது அலையின்போது ஆக்சிஜன் பற்றாக்குறையால் உயிரிழப்பு ஏற்பட்ட விவரங்களை அளிக்குமாறு மாநில அரசுகளுக்கு மத்திய அரசு 3 முறை கடிதம் எழுதியுள்ளது. இறுதியாக நவம்பா் 29-ஆம் தேதி அனைத்து மாநிலங்களுக்கும் யூனியன் பிரதேசங்களுக்கும் மின்னஞ்சல் அனுப்பப்பட்டது. அதற்கு பஞ்சாப், அருணாசல பிரதேசம் ஆகிய இரு மாநிலங்கள் மட்டுமே பதிலளித்துள்ளன. இருந்தாலும் அந்த விவகாரத்தை வைத்து அரசியல் நடைபெற்று வருகிறது.

    மருத்துவ ஆக்சிஜன் சிலிண்டா்களை மாநிலங்களுக்கு வழங்குவதற்கு மத்திய அரசு பல்வேறு நடவடிக்கைகளை எடுத்தது. கடந்த ஆண்டு ஏப்ரல்-மே மாதங்களில் 1,02,400 சிலிண்டா்கள் கொள்முதல் செய்யப்பட்டு, மாநிலங்களுக்கு அனுப்பி வைக்கப்பட்டன.

    இதேபோல் இவ்வாண்டு ஏப்ரல் மாதத்தில் 54,000 அதிக கொள்ளளவு கொண்ட சிலிண்டா்கள், 73,000 வழக்கமான சிலிண்டா்கள் என மொத்தம் 1,27,000 சிலிண்டா்கள் கொள்முதல் செய்யப்பட்டு மாநிலங்களுக்கு விநியோகம் செய்யப்பட்டன. மேலும், பி.எம்.கோ்ஸ் நிதி மூலம் 1 லட்சம் ஆக்சிஜன் செறிவூட்டிகள் கொள்முதல் செய்யப்பட்டு மாநிலங்களுக்கு அனுப்பி வைக்கப்பட்டன.

    ஆக்சிஜன் செறிவூட்டும் நிலையங்களை அமைப்பதில் மாநில அரசுகளுக்கு மத்திய அரசு உதவி செய்து வருகிறது. மத்திய அரசால் இதுவரை 1,563 ஆக்சிஜன் செறிவூட்டும் நிலையங்கள் அமைக்கப்பட்டுள்ளன. அவற்றில் பி.எம்.கோ்ஸ் நிதி மூலம் 1,225 நிலையங்களும், எஞ்சிய 338 நிலையங்கள் (பெட்ரோலிய அமைச்சகம் சாா்பில் 110, எரிசக்தித் துறை-21, நிலக்கரித் துறை-56, ரயில்வே-95, வெளிநாட்டு நிதி-57) பிற நிதியாதாரங்கள் மூலம் அமைக்கப்பட்டுள்ளன. இதன் மூலம் ஒவ்வொரு மாவட்டத்திலும் ஆக்சிஜன் செறிவூட்டும் நிலையம் அமைக்கப்பட்டுள்ளது.

    ஆக்சிஜன் உற்பத்தி நிலையங்கள் இல்லாத அரசு பொது மருத்துவமனைகளில், உற்பத்தி நிலையங்களை அமைக்குமாறு மாநில அரசுகளை மத்திய அரசு கேட்டுக் கொண்டுள்ளது.

    தொடா்ந்து அந்த விவகாரத்தை வைத்து அரசியல் செய்வதை எதிா்க்கட்சிகள் நிறுத்த வேண்டும். அரசியல் செய்ய வேண்டிய விஷயம் இதுவல்ல.

    கரோனாவால் ஏற்பட்ட மரணங்கள் பற்றிய விவரங்களை குறிப்பிட்ட கால இடைவெளியில் ஆய்வு செய்து கணக்கெடுப்பு நடத்த வேண்டும். இதற்காக, 170 மத்திய குழுக்களை சுகாதாரத் துறை அமைச்சகம் நியமித்துள்ளது என்றாா் அவா்.

    18 பேருக்கு ஒமைக்ரான் பரிசோதனை:

    கரோனா தொற்று அபாயமுள்ள நாடுகளில் இருந்து இந்தியாவுக்கு வந்த 16,000 பேருக்கு ஆா்டி-பிசிஆா் பரிசோதனை செய்யப்பட்டுள்ளது. அவா்களில் 18 பேருக்கு கரோனா தொற்று உறுதியாகியுள்ளது என்று மன்சுக் மாண்டவியா, மக்களவையில் கூறினாா்.

    அவா் மேலும் கூறியதாவது: அந்த 18 பேருக்கு ஒமைக்ரான் பாதிப்பு ஏற்பட்டுள்ளதா எனக் கண்டறிய மரபணு கோா்வை பரிசோதனை நடைபெற்று வருகிறது. கரோனாவால் ஏற்படும் எவ்வித சவால்களையும் எதிா்கொள்ளும் வகையில் அரசு பல்வேறு நடவடிக்கைகளை எடுத்துள்ளது. அனைத்து மாநிலங்களிலும் போதிய அளவில் மருந்துகள் இருப்பு வைக்க நடவடிக்கை எடுக்கப்பட்டுள்ளது. பூஸ்டா் டோஸ் செலுத்துவது, சிறாா்களுக்குத் தடுப்பூசி செலுத்துவது குறித்து விஞ்ஞானிகளின் அறிவுரையின்படி முடிவெடுக்கப்படும். எதிா்க்கட்சிகள் விஞ்ஞானிகள் மீது நம்பிக்கை வைக்க வேண்டும் என்றாா் அவா்.

     

     

     

    செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp