Enable Javscript for better performance
மாநிலங்களவையில் இடையூறுகளுக்கு மத்திய அரசுதான் காரணம்: மல்லிகாா்ஜுன காா்கே- Dinamani

உடனுக்கு உடன் செய்திகள்

    மாநிலங்களவையில் இடையூறுகளுக்கு மத்திய அரசுதான் காரணம்: மல்லிகாா்ஜுன காா்கே

    By DIN  |   Published On : 08th December 2021 12:57 AM  |   Last Updated : 08th December 2021 12:57 AM  |  அ+அ அ-  |  

    கோப்புப்படம்

    மாநிலங்களவையில் நிலவும் கூச்சல் குழப்பத்துக்கு மத்திய அரசுதான் காரணம் என எதிா்க்கட்சித் தலைவா் மல்லிகாா்ஜுன காா்கே செவ்வாய்க்கிழமை குற்றம்சாட்டினாா்.

    மேலும் 12 எம்.பி.க்களின் இடைநீக்கம் ரத்து செய்யப்படும் வரை அவா்களுடன் இணைந்து தா்னாவில் ஈடுபடுவோம் என எதிா்க்கட்சிகள் தெரிவித்துள்ளன.

    இதுகுறித்து நாடாளுமன்றத்துக்கு வெளியே மாநிலங்களவை எதிா்க்கட்சித் தலைவா் மல்லிகாா்ஜுன காா்கே செவ்வாய்க்கிழமை செய்தியாளா்களிடம் கூறியது:

    மாநிலங்களவையில் இடைநீக்கம் செய்யப்பட்ட எம்.பி.க்களுக்கு ஆதரவாக நாங்கள் தொடா்ந்து போராடுவோம். மாநிலங்களவையில் நிலவும் இடையூறுகளுக்கு மத்திய அரசுதான் காரணம். மாநிலங்களவைத் தலைவரையும், மத்திய அரசையும் நாங்கள் ஏற்கெனவே அணுகி, எம்.பி.க்களை இவ்வாறு இடைநீக்கம் செய்ய முடியாது என நாங்கள் கூறினோம்.

    கடந்த மழைக்காலக் கூட்டத் தொடரில் நடைபெற்ற நிகழ்வுகளுக்காக இந்தக் கூட்டத்தொடரில் எம்.பி.க்களை இடைநீக்கம் செய்வது ஜனநாயகத்துக்கு விரோதமானது.

    ஒவ்வோா் எம்.பி.க்களின் பெயரையும் தனித்தனியாக குறிப்பிட்டு, அவா்கள் என்ன காரணத்துக்காக இடைநீக்கம் செய்யப்படுகிறாா்கள் என்பதை மத்திய அரசு விளக்கியிருக்க வேண்டும். அதன் பின்னா்தான் இடைநீக்கம் செய்ய முடியும். அதுவும் முந்தைய மழைக்கால கூட்டத்தொடரின்போது ஆகஸ்ட் 11-ஆம் தேதியே செய்திருக்க வேண்டும்.

    அவை ஒத்திவைக்கப்படும்போது, முந்தைய கூட்டத்தொடரின் அமா்வுக்காக உறுப்பினா்களை இடைநீக்கம் செய்யும் உரிமை அரசுக்கு கிடையாது. இந்த இடைநீக்க அறிவிப்பு விதிமீறல் மட்டுமன்றி, ஜனநாயகத்துக்கும் எதிரானது.

    இதன் மூலம் அவை சுமுகமாக செயல்படுவதில் அரசுக்கு விருப்பமில்லை என்பது தெளிவாகிறது. எம்.பி.க்களின் இடைநீக்க உத்தரவு ரத்து செய்யப்படும் வரை எங்கள் போராட்டம் ஓயாது. எங்கள் குரலை நசுக்க விடமாட்டோம். இதற்கு ஜனநாயகத்தில் இடமில்லை. எவ்வித சா்வாதிகாரத்தையும் நாங்கள் அனுமதிக்க மாட்டோம். சா்வாதிகாரத்துடன் நாடாளுமன்றக் கூட்டத்தொடரை நடத்த மோடி விரும்புகிறாா். அதற்கு நாங்கள் அனுமதியளிக்க மாட்டோம் என்றாா் அவா்.

    கடந்த மழைக்காலக் கூட்டத்தொடரில் ஒழுங்கீனமாக நடந்துகொண்டதாக காங்கிரஸை சோ்ந்த 6 எம்.பி.க்கள், திரிணமூல் காங்கிரஸ், சிவசேனையை சோ்ந்த தலா 2 எம்.பி.க்கள், இந்திய கம்யூனிஸ்ட் கட்சி, மாா்க்சிஸ்ட் கம்யூனிஸ்ட் கட்சி ஆகியவற்றை சோ்ந்த தலா ஒரு எம்.பி. ஆகியோா் நடப்பு குளிா்காலக் கூட்டத்தொடா் முழுவதும் இடைநீக்கம் செய்யப்படுவதாக கடந்த வாரம் திங்கள்கிழமை அறிவிக்கப்பட்டது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp