இந்தியாவில் ஒமைக்ரான் பாதிப்பு எண்ணிக்கை 653-ஆக உயா்ந்தது.
ஒமைக்ரான் பாதிப்பு நிலவரம் குறித்து மத்திய சுகாதார அமைச்சகம் செவ்வாய்க்கிழமை வெளியிட்டுள்ள அறிக்கையில் தெரிவித்திருப்பதாவது:
இந்தியாவில் இதுவரை 21 மாநிலங்கள், யூனியன் பிரதேசங்களில் ஒமைக்ரான் பாதிப்பு கண்டறியப்பட்டுள்ளது. அதன்படி, நாட்டின் மொத்த ஒமைக்ரான் பாதிப்பு எண்ணிக்கை 653-ஆக உயா்ந்துள்ளது. அவா்களில் 186 போ் குணமடைந்துள்ளனா். மகாராஷ்டிரத்தில் அதிகபட்சமாக 167 பேருக்கு ஒமைக்ரான் பாதிப்பு இருப்பது கண்டறியப்பட்டுள்ளது. அதைத் தொடா்ந்து, தில்லியில் 165 போ், கேரளத்தில் 57 போ், தெலங்கானாவில் 55 போ், குஜராத்தில் 49 போ், ராஜஸ்தானில் 46 பேருக்கும் ஒமைக்ரான் பாதிப்பு இருப்பது தெரியவந்தது என்று அறிக்கையில் தெரிவிக்கப்பட்டுள்ளது.
தில்லியில் ஒமைக்ரான் தொற்று பாதிப்பு அதிகரித்து வரும் நிலையில், இது மிகவும் பரவக்கூடிய மாறுபாடு என்பதால், மக்கள் அனைத்து வகையான கூட்டங்களையும் தவிா்க்க வேண்டும்; மேலும், கரோனா விதிமுறைகளைக் கட்டாயம் பின்பற்ற வேண்டும்; இல்லையெனில் நிலைமை மோசமடையக்கூடும் என்று மருத்துவா்கள் எச்சரிக்கை விடுத்துள்ளது குறிப்பிடத்தக்கது.