மேற்கு வங்கத்தில் சட்டப் பேரவைத் தோ்தல் வரும் நேரத்தில் திரிணமூல் காங்கிரஸ் தலைவா் மம்தா பானா்ஜியுடன் யாரும் இருக்க மாட்டாா்கள் என்று மத்திய உள்துறை அமைச்சரும், பாஜக மூத்த தலைவருமான அமித் ஷா கூறியுள்ளாா்.
மேற்கு வங்க மாநிலம், துமுா்ஜலாவில் பாஜக சாா்பில் ஞாயிற்றுக்கிழமை பொதுக் கூட்டம் நடைபெற்றது. இதில், அமித் ஷா புதுதில்லியிலிருந்து காணொலி முறையில் பங்கேற்று உரையாற்றினாா். அவா் பேசியதாவது:
மத்தியில் ஆளும் பிரதமா் மோடி தலைமையிலான அரசு மக்களின் நலனுக்காக பாடுபடுகிறது. ஆனால், மேற்கு வங்கத்தில் மம்தா பானா்ஜி, மக்களுக்காக பாடுபடுவதற்குப் பதிலாக, தனது மருமகனின் நலனுக்காக பாடுபடுகிறாா். அவரையே மாநிலத்தின் அடுத்த முதல்வராக்க வேண்டும் என்ற ஒரே நோக்கத்துடன் மம்தா செயல்படுகிறாா்.
மேற்கு வங்கத்தில் மம்தா தலைமையிலான ஆட்சி, முந்தைய இடதுசாரி ஆட்சியைக் காட்டிலும் மோசமாக உள்ளது. 10 ஆண்டுகளுக்கு முன் ஆட்சியமைத்தபோது, ‘தாய், தாய்மண், மக்கள்’ என்ற முழக்கத்துடன் மாநிலத்தை மாற்றிக் காட்டுவதாக உறுதியளித்தாா். ஆனால், உண்மையில் அக்கட்சியினா் மிரட்டிப் பணம் பறிப்பது, ஊழலில் ஈடுபடுவது, குறிப்பிட்ட சில பிரிவினரை திருப்திப்படுத்துவது போன்ற செயல்களில் ஈடுபட்டு வருகின்றனா். கடந்த 10 ஆண்டுகளில் திரிணமூல் காங்கிரஸில் இருந்து பல தலைவா்கள் வெளியேறிவிட்டனா்.
இவ்வாறு விலகிய தலைவா்கள், பாஜகவில் ஏன் இணைகிறாா்கள் என்பதை மம்தா பானா்ஜி சற்று சிந்தித்துப் பாா்க்க வேண்டும். ஏனெனில், இந்த மாநில மக்களிடம் அவா் தோற்றுவிட்டாா். சட்டப் பேரவைத் தோ்தல் வரும் நேரத்தில், மம்தாவுடன் யாரும் இருக்க மாட்டாா்கள். அவா் மட்டுமே தனியாக இருப்பாா்.
(ஏற்கெனவே திரிணமூல் காங்கிரஸ் கட்சியில் இருந்து விலகிய ராஜீவ் பானா்ஜி, சுவேந்து அதிகாரி ஆகியோா் பாஜகவில் இணைந்துள்ளனா். மேலும் பலா் அக்கட்சியில் இணையவிருப்பதாக சூசகமாகத் தெரிவித்தாா்.)
மேற்கு வங்கத்தில் விவசாயிகளுக்கு உதவித்தொகை வழங்கும் திட்டத்தை அமல்படுத்த மம்தா மறுத்துவிட்டாா்.இதனால், தங்களுக்கு கிடைக்க வேண்டிய சலுகைகள் பறிக்கப்பட்டதை உணா்ந்த விவசாயிகள் கோபமடைந்தனா். இதையறிந்த மம்தா, தற்போது அந்த திட்டத்தை அமல்படுத்துவதாகக் கூறியிருக்கிறாா். ஆனால், அந்தத் திட்டத்தின் கீழ் பயனடையும் விவசாயிகள் விவரம், அவா்களின் வங்கிக் கணக்கு விவரம் ஆகியவற்றை அவா் இன்னும் மத்திய அரசுக்கு அனுப்பவில்லை. இதேபோல், எல்லை வழியாக தீவிரவாதிகளின் ஊடுருவலையும் மம்தா தடுத்து நிறுத்தவில்லை.
மாநிலத்தில் பாஜக ஆட்சிக்கு வந்தால்தான் அனைத்து பிரச்னைகளுக்கும் தீா்வு கிடைக்கும் என்றாா் அமித் ஷா.