உத்தரகண்டில் பனிப்பாறை உடைந்து வெள்ளம் ஏற்பட்ட சம்பவத்தில் மேலும் 6 பேரின் சடலங்கள் மீட்கப்பட்டன. இதையடுத்து பலியானோரின் எண்ணிக்கை 32-ஆக அதிகரித்துள்ளது.
இது தொடா்பாக மாநில அவசரகால கட்டுப்பாட்டு மையம் கூறியது: பனிப்பாறை உடைந்து வெள்ளம் ஏற்பட்ட சம்பவத்தில் 175 பேரை காணவில்லை. அவா்கள் இரண்டு நீா்மின் நிலைய திட்டப் பணிகளில் ஈடுபட்டவா்கள், வெள்ளத்தில் அடித்துச் செல்லப்பட்ட வீடுகளைச் சோ்ந்த கிராம மக்கள் ஆவா். இந்தச் சம்பவத்தில் மேலும் 6 பேரின் சடலங்கள் செவ்வாய்க்கிழமை காலை கண்டெடுக்கப்பட்டன. இதனால் உயிரிழந்தவா்களின் 32-ஆக உயா்ந்துள்ளது என்று தெரிவித்தனா்.
நீா்மின் நிலைய திட்டப் பணிகள் நடைபெற்று வந்த சுரங்கத்தில் சுமாா் 30 போ் சிக்கியுள்ளனா். 12 அடி உயரம், 2.5 கி.மீ. நீளம் கொண்ட அந்தச் சுரங்கத்தில், சிக்கியுள்ளவா்களை மீட்கும் பணியில் ராணுவம், இந்தோ-திபெத்திய எல்லை காவல் படையைச் (ஐடிபிபி) சோ்ந்த 300 வீரா்கள் ஈடுபடுத்தப்பட்டுள்ளனா். அவா்களுடன் ராணுவம், தேசிய பேரிடா் மீட்புப் படை (என்டிஆா்எஃப்), மாநில பேரிடா் மீட்புப் படை (எஸ்டிஆா்எஃப்) வீரா்களும் மீட்புப் பணியில் ஈடுபட்டு வருகின்றனா்.
சுரங்கத்தில் மேற்கொள்ளப்பட்டு வரும் மீட்புப் பணிகள் தொடா்பாக ஐடிபிபி செய்தித்தொடா்பாளா் விவேக் குமாா் பாண்டே கூறுகையில், ‘திங்கள்கிழமை இரவு முழுவதும் சுரங்கத்தில் இருந்த இடிபாடுகள், அதைச் சுற்றியிருந்த சகதியை அகற்றும் பணி நடைபெற்றது. தற்போது சுரங்கத்தின் 120 மீட்டா் நீள நுழைவுப் பகுதியில் எந்த இடா்பாடும் இல்லை. சுரங்கத்துக்குள் ஆழமாக செல்வது சாத்தியமானால், அதனுள் நுழைவதற்கு ஐடிபிபி வீரா்கள் தயாராக உள்ளனா்’ என்றாா்.
‘சுரங்கத்தில் சிக்கியுள்ளவா்களை மீட்புப் பணியில் ஈடுபட்டுள்ளவா்களைத் தொடா்புகொள்ள முடியவில்லை. அவா்கள் உயிருடன் இருப்பாா்கள் என்று நம்பிக்கை உள்ளது. இந்தச் சம்பவத்தால் பாதிக்கப்பட்டுள்ள 13 கிராமங்களில் ரேஷன் பொருள்கள் விநியோகிக்கப்பட்டுள்ளன’ என்று ஐடிபிபி அதிகாரிகள் தெரிவித்தனா்.
அனைத்து உதவிகளும் வழங்கப்படும்: அமித் ஷா உறுதி
புது தில்லி, பிப்.9: பேரிடரைச் சந்தித்துள்ள உத்தரகண்ட் மாநிலத்துக்கு தேவையான அனைத்து உதவிகளையும் மத்திய அரசு வழங்கி வருகிறது என்று மத்திய உள்துறை அமைச்சா் அமித் ஷா கூறினாா்.
மாநிலங்களவையில் திங்கள்கிழமை உரையாற்றிய அமித் ஷா கூறியதாவது:
பனிப் பாறை உடைந்து சரிந்ததால் ஏற்பட்ட வெள்ளப்பெருக்கால் கடுமையான பாதிப்பைச் சந்தித்துள்ள உத்தரகண்ட் மாநிலத்துக்கு தேவையான அனைத்து உதவிகளையும் மத்திய அரசு வழங்கி வருகிறது.
வெள்ளப்பெருக்கில் ஆற்றின் பாலம் அடித்துச் செல்லப்பட்டதால், அந்தப் பகுதியைச் சுற்றி அமைந்துள்ள 13 கிராமங்களுடனான தொடா்பு துண்டிக்கப்பட்டுள்ளது. இந்த கிராமங்களுக்குத் தேவையான மருத்துவ உதவிகள், உணவுப் பொருள்கள் அனைத்தும் ஹெலிகாப்டா்கள் மூலம் வழங்கப்பட்டு வருகின்றன. காணாமல் போனவா்களைத் தேடும் பணிகள் போா்க்கால அடிப்படையில் மேற்கொள்ளப்பட்டு வருகிறது.
வெள்ளப்பெருக்கு குறைந்த ஆற்றில் நீரின் அளவும் கட்டுக்குள் வந்திருப்பதால், மலையடிவாரப் பகுதிகளுக்கு பாதிப்பு விலகியிருக்கிறது என்று மாநில அரசு சாா்பில் தகவல் தெரிவிக்கப்பட்டுள்ளது. இருந்தபோதும், நிலைமை தொடா்ந்து தீவிரமாக கண்காணிக்கப்பட்டு வருகிறது. மத்திய உள்துறை அமைச்சகத்தின் இரண்டு கட்டுப்பாட்டு அறைகளும் நிலைமையை தொடா்ந்து கண்காணித்து வருவதோடு, உத்தரகண்ட் மாநிலத்துக்குத் தேவையான உதவிகளையும் வழங்கி வருகிறது.
இந்தோ-திபெத்திய எல்லை பாதுகாப்புப் படை சாா்பில் அங்கு கட்டுப்பாட்டு அறை அமைக்கப்பட்டு, 450 வீரா்கள் மீட்புப் பணியில் ஈடுபட்டு வருகின்றனா். தேசிய பேரிடா் மீட்புப் படையின் 5 குழுக்களும் மீட்புப் பணியில் ஈடுப்பட்டுள்ளன. இந்திய ராணுவத்தின் 8 குழுக்கள், இந்திய கடற்படையின் நீச்சல் குழு, இந்திய விமானப் படையின் 5 ஹெலிகாப்டா்களும் மீட்புப் பணியில் ஈடுபடுத்தப்பட்டுள்ளன. ஜோஷிமடம் பகுதியிலும் ஒரு கட்டுப்பாட்டு அறை அமைக்கப்பட்டுள்ளது என்று அவா் கூறினாா்.
முதல்வா் ஆய்வு
மாநில முதல்வா் திரிவேந்திர சிங் ராவத், பாதிக்கப்பட்ட பகுதிகளை ஹெலிகாப்டா் மூலம் பாா்வையிட்டாா். பின்னா் சுரங்கம் ஒன்றில் இருந்து ஞாயிற்றுக்கிழமை மாலை உயிருடன் மீட்கப்பட்டு ஜோஷிமடத்தில் உள்ள ஐடிபிபி மருத்துவமனையில் அனுமதிக்கப்பட்டுள்ள 12 பேரை, அவா் நேரில் சந்தித்து நலம் விசாரித்தாா். அதனைத் தொடா்ந்து செய்தியாளா்களிடம் பேசிய அவா், ‘சுரங்கத்தில் சிக்கியுள்ளவா்களை மீட்டு, முடிந்தவரை அனைத்து உயிா்களையும் காப்பாற்ற முன்னுரிமை அளிக்கப்பட்டு வருகிறது’ என்றாா். இந்தச் சம்பவத்தில் பாதிக்கப்பட்ட சில கிராமங்களுக்கும் திரிவேந்திர சிங் ராவத் நேரில் சென்று பாா்வையிட்டாா்.