மும்பை: ‘ஸ்ரீராமா் பெயரில் சில மோசடி நபா்கள் பணம் வசூலித்து வருகின்றனா்; அவா்களைப் பற்றி சிவசேனை தொண்டா்கள், மக்களிடம் எடுத்துரைக்க வேண்டும்’ என்று அக்கட்சியின் தலைவரும், மகாராஷ்டிர முதல்வருமான உத்தவ் தாக்கரே கூறியுள்ளாா்.
அயோத்தியில் ராமா் கோயில் கட்டுவதற்கு பாஜகவினா் நிதி திரட்டி வரும் நிலையில், அவா்களை மறைமுகமாகச் சாடும் விதமாக உத்தவ் தாக்கரே இவ்வாறு கூறியிருக்கிறாா்.
சிவசேனை கட்சியின் நிா்வாகிகள் கூட்டம், செவ்வாய்க்கிழமை நடைபெற்றது. அதில், உத்தவ் தாக்கரே கூறியதாக, அவருக்கு நெருக்கமான ஒருவா் தெரிவித்ததாவது:
மாநிலம் முழுவதும் கட்சியை மேலும் வலுப்படுத்த, வரும் 22-ஆம் தேதி முதல் 27-ஆம் தேதி வரை மக்கள் சந்திப்பு பிரசாரம் நடைபெறும். இந்த பிரசாரத்தின்போது, சிவசேனை கூட்டணி அரசின் சாதனைகளை மக்களிடம் கட்சித் தொண்டா்கள் எடுத்துரைக்க வேண்டும்.
இதேபோன்று, மக்களின் எதிா்பாா்ப்புகளையும், கோரிக்கைகளையும் கேட்டு அரசுக்குத் தெரிவிக்க வேண்டும்.
ஸ்ரீராமா் பெயரில் சிலா் பணம் வசூலித்து வருகிறாா்கள். அவா்களைப் போன்ற மோசடியாளா்களிடம் இருந்து எச்சரிக்கையுடன் இருக்குமாறு மக்களுக்கு சிவசேனை தொண்டா்கள் எடுத்துரைக்க வேண்டும்.
மக்கள் பிரச்னையை சந்திக்கும்போதெல்லாம் சிவசேனையை நாடுகின்றனா். மக்களுக்கும் கட்சிக்கும் இடையேயான உறவு மேலும் வலுப்பட வேண்டும் என்று உத்தவ் தாக்கரே கூறியதாக அவா் தெரிவித்தாா்.
