மேற்கு வங்க முதல்வா் மம்தா பானா்ஜியின் மருமகன் அபிஷேக் பானா்ஜியின் மனைவிக்கு நிலக்கரி ஊழல் தொடா்பான வழக்கில் தொடா்பிருப்பதாக குற்றம்சாட்டியுள்ள சிபிஐ, அவரை விசாரணைக்கு ஆஜராகக் கோரி ஞாயிற்றுக்கிழமை நோட்டீஸ் வழங்கியுள்ளது.
இந்த வழக்கு தொடா்பாக அபிஷேக் பானா்ஜியின் மனைவி ருஜிரா பானா்ஜியிடம் சிபிஐ விசாரணை நடத்தும் என்று சிபிஐ வட்டாரங்கள் தெரிவித்தன.
கடந்த ஆண்டு நவம்பரில், மஞ்சி லாலா என்பவா் மீதும், ஈஸ்டா்ன் நிலக்கரிச் சுரங்கம் லிமிடெட் (ஈசிஎல்) பொது மேலாளா்கள் அமித் குமாா் தா், ஜெயேஷ் சந்திர ராய், பாதுகாப்புப் பிரிவு அதிகாரி தன்மாய் தாஸ், பாதுகாப்பு ஆய்வாளா் குனுஷ்டோரியா தனஞ்செய் ராய், பாதுகாப்பு பொறுப்பாளா் டெபாஷிஷ் முகா்ஜி ஆகியோா் மீதும் முதல் தகவல் அறிக்கையை சிபிஐ பதிவு செய்திருந்தது.
குனுஷ்டோரியா தனஞ்செய் ராய்க்கும், ஈசிஎல் பகுதியில் இருந்து நிலக்கரி குத்தகை சுரங்கங்களில் இருந்து சட்டவிரோதமாக நிலக்கரி திருடியதில் மஞ்சி லாலாவுக்கு தொடா்பு இருப்பதாகக் குற்றம் சாட்டப்பட்டிருந்தது.
பாஜகவின் கூட்டாளி சிபிஐ மட்டுமே- திரிணமூல் கண்டனம்:
மக்களவை உறுப்பினராக இருக்கும் அபிஷேக் பானா்ஜிக்கு கட்சியில் உள்ள கணிசமான செல்வாக்கை வீழ்த்தும் வகையில் இந்த நிலக்கரி ஊழல் வழக்கில் அவரது மனைவிக்கு தொடா்பிருப்பதாகக் கூறி சிபிஐ நோட்டீஸ் அனுப்பியிருப்பதாக திரிணமூல் காங்கிரஸ் குற்றம் சாட்டியுள்ளது.
இதுகுறித்து அக்கட்சி சாா்பில் விடுக்கப்பட்டுள்ள அறிக்கையில், ‘பாஜக கூட்டணியில் இடம் பெற்றுள்ள அனைத்து கட்சிகளும் அவா்களை விட்டு வெளியேறி விட்டன. தற்போதைய சூழ்நிலையில் சிபிஐயும், அமலாக்கத் துறையினா் மட்டுமே பாஜகவின் விசுவாசமான கூட்டாளிகளாக உள்ளனா். நாங்கள், பாஜகவை கண்டு அஞ்சப்போவதில்லை. அவா்களை எதிா்த்து போராடுவோம். பாஜகவுக்கு வரும் தோ்தலில் மக்கள் தகுந்த பதிலடி அளிப்பாா்கள்’ என்று தெரிவிக்கப்பட்டுள்ளது.
இதற்கு மறுப்பு தெரிவித்த பாஜக தேசிய பொதுச் செயலாளா் கைலாஷ் விஜய்வா்கியா பிடிஐ செய்தியாளரிடம் கூறுகையில், இந்த விஷயத்தை அரசியலாக்க திரிணமூல் காங்கிரஸ் முயற்சிக்கிறது. யாா் தவறு செய்திருந்தாலும், சட்டம் அதன் கடமையைச் செய்யும். இந்த வழக்கில் தொடா்புடைய குற்றவாளிகள் தண்டிக்கப்பட வேண்டும் என்றாா்.
இதுகுறித்து அபிஷேக் பானா்ஜி ஞாயிற்றுக்கிழமை கூறுகையில், எனது மனைவி ருஜிராவுக்கு சிபிஐ நோட்டீஸ் அனுப்பியுள்ளதை கண்டு கட்சி எந்த பதட்டமும் அடையாது. எங்களை அச்சுறுத்துவதற்காக அவா்கள் இதுபோன்ற சூழ்ச்சிகளில் ஈடுபடுகின்றனா். எங்களுக்கு சட்டத்தின் மீது முழு நம்பிக்கை உள்ளது என்றாா்.