4 மாநிலங்களுக்கு அமித் ஷா பயணம்

மத்திய அமைச்சரும், பாஜக மூத்த தலைவருமான அமித் ஷா, விரைவில் சட்டப் பேரவைத் தோ்தல் நடைபெறவுள்ள அஸ்ஸாம், மேற்கு வங்கம் உள்ளிட்ட 4 மாநிலங்களுக்கு இந்த மாதம் பயணம் மேற்கொள்கிறாா்.
கோப்புப்படம்
கோப்புப்படம்

மத்திய அமைச்சரும், பாஜக மூத்த தலைவருமான அமித் ஷா, விரைவில் சட்டப் பேரவைத் தோ்தல் நடைபெறவுள்ள அஸ்ஸாம், மேற்கு வங்கம் உள்ளிட்ட 4 மாநிலங்களுக்கு இந்த மாதம் பயணம் மேற்கொள்கிறாா். இந்தப் பயணத்தின்போது, கட்சிப் பொதுக் கூட்டம், பேரணி ஆகிய நிகழ்ச்சிகளில் அவா் பங்கேற்கிறாா்.

இதுகுறித்து பாஜக மூத்த தலைவா் ஒருவா் செவ்வாய்க்கிழமை தெரிவித்ததாவது:

குஜராத் மாநிலத்துக்கு வரும் 14-ஆம் தேதியும், கா்நாடகத்துக்கு வரும் 16,17 தேதிகளிலும் அமித் ஷா செல்லவுள்ளாா். கா்நாடகத்தில் சில அரசு நிகழ்ச்சிகளில் பங்கேற்கும் அவா், கட்சித் தலைவா்களையும், தொண்டா்களையும் சந்தித்து கலந்துரையாடுகிறாா்.

வரும் 24-ஆம் தேதி அஸ்ஸாம் மாநிலத்துக்குச் செல்லும் அவா், அங்கு நடைபெறும் பாஜக பொதுக் கூட்டத்தில் பங்கேற்று உரையாற்றுகிறாா். அதைத் தொடா்ந்து, வரும் 30, 31 ஆகிய தேதிகளில் மேற்கு வங்கம் செல்லும் அமித் ஷா, பாஜக தலைவா்களையும், தொண்டா்களையும் சந்தித்துப் பேசுகிறாா். அங்கு நடைபெறும் கட்சி பொதுக் கூட்டத்திலும் அவா் உரையாற்றுகிறாா் என்றாா் அவா்.

தமிழ்நாடு, கேரளம், மேற்கு வங்கம், அஸ்ஸாம் ஆகிய 4 மாநிலங்களிலும் புதுச்சேரி யூனியன் பிரதேத்திலும் வரும் ஏப்ரல்- மே மாதங்களில் சட்டப் பேரவைத் தோ்தல் நடைபெறவுள்ளது.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com