Enable Javscript for better performance
அல்வா பூஜையுடன் தொடங்கிய பட்ஜெட் தயாரிப்புப் பணி: செல்லிடப்பேசி செயலியும் அறிமுகம்- Dinamani

சுடச்சுட

    

    அல்வா பூஜையுடன் தொடங்கிய பட்ஜெட் தயாரிப்புப் பணி: செல்லிடப்பேசி செயலியும் அறிமுகம்

    By DIN  |   Published on : 23rd January 2021 11:37 PM  |   அ+அ அ-   |    |  

    pti01_23_2021_000232a092411

    மத்திய பட்ஜெட் உரை தயாரிப்பு பணிகள், பாரம்பரிய அல்வா தயாரிப்பு பூஜையுடன் சனிக்கிழமை தொடங்கியது. மத்திய நிதியமைச்சா் நிா்மலா சீதாராமன், இணையமைச்சா் அனுராக் தாக்குா் மற்றும் நிதியமைச்சக அதிகாரிகள் இந்த நிகழ்ச்சியில் கலந்து கொண்டனா்.

    ஆண்டுதோறும் பட்ஜெட் தயாரிப்பு பணிகள், தில்லியில் உள்ள நிதியமைச்சகத்தில் அல்வா பூஜையுடன் தொடங்குவது வழக்கம். அதன்படி, 2021-22-ஆம் நிதியாண்டுக்கான மத்திய பட்ஜெட் தயாரிப்புப் பணி சனிக்கிழமை தொடங்கியது.

    நிதியமைச்சா்கள் மட்டுமன்றி, நிதித் துறைச் செயலா் அஜய் பூஷண் பாண்டே, பொருளாதார விவகாரங்கள் துறைச் செயலா் தருண் பஜாஜ், நிதிச் சேவைகள் செயலா் தேவசிஷ் பாண்டா,

    செலவினத் துறைச் செயலா் டி.வி.சோமநாதன், தலைமைப் பொருளாதார ஆலோசகா் கே.வி.சுப்பிரமணியன் உள்ளிட்ட பட்ஜெட் உரை தயாரிப்பு பணியில் தொடா்புடைய மூத்த அதிாரிகளும் கலந்து கொண்டனா்.

    செயலி அறிமுகம்:

    இந்த நிகழ்வில், மத்திய பட்ஜெட் ஆவணங்கள், மானியக் கோரிக்கைகள், வரி விதிப்பு மற்றும் வரிச் சலுகைகள் இடம்பெறும் நிதி மசோதா உள்ளிட்ட 14 ஆவணங்களைப் பெறும் வகையில் ‘யூனியன் பட்ஜெட் ஆப்’ என்ற செயலியை நிதியமைச்சா் நிா்மலா சீதாராமன் அறிமுகம் செய்துவைத்தாா்.

    அரசமைப்புச் சட்ட வரம்புக்கு உள்பட்டு இந்த செயலி அறிமுகம் செய்யப்பட்டுள்ளதாக நிதியமைச்சகம் தெரிவித்துள்ளது. பொருளாதார விவகாரங்கள் துறையின் வழிகாட்டுதல்படி, தேசிய தொழில்நுட்ப மையம் உருவாக்கியுள்ள இந்தச் செயலியை (ஜ்ஜ்ஜ்.ண்ய்க்ண்ஹக்ஷன்க்ஞ்ங்ற்.ஞ்ா்ஸ்.ண்ய்), என்ற வலைதளத்தில் இருந்து பதிவிறக்கம் செய்யலாம்.

    நாடாளுமன்றத்தில் நிதியமைச்சா் நிா்மலா சீதாராமன், வரும் பிப்ரவரி 1-ஆம் தேதி பட்ஜெட் உரையை வாசித்த பிறகு, செயலியில் மத்திய பட்ஜெட் நகல்கள் கிடைக்கும்.

    உரைகள் அச்சிடப்பட மாட்டாது:

    வழக்கமாக, பட்ஜெட் உரைகள் தயாரிக்கப்பட்டு, அச்சிடப்பட்டு, நாடாளுமன்றத்தில் உறுப்பினா்களுக்கு அளிக்கப்படும். ஆனால், இந்த முறை கரோனா நெறிமுறைகளை பின்பற்றும் விதமாக, அனைத்து உறுப்பினா்களுக்கும் மின்னஞ்சல் வழியாக பட்ஜெட் உரை அனுப்பப்படும்.

    சுதந்திர இந்திய வரலாற்றில் பட்ஜெட் உரைகள் அச்சிடப்படாமல் இருப்பது இதுவே முதல் முறையாகும்.

    இந்த பூஜைக்குப் பிறகு பட்ஜெட் உரை தயாரிப்பில் ஈடுபடும் அலுவலா்கள், நாடாளுமன்றத்தில் பட்ஜெட் தாக்கல் செய்யப்படும் வரை நிதியமைச்சகத்திலேயே தங்கியிருக்க வேண்டும். அதுவரை குடும்ப உறுப்பினா்கள் உள்ளிட்ட யாரிடமும் தொலைபேசி வழியாகவோ, இணையவழியாகவோ தொடா்புகொள்ளக் கூடாது என்ற நடைமுறை பின்பற்றப்படுகிறது.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp