Enable Javscript for better performance
விவசாய சங்கத் தலைவா்களைக் கொல்ல சூழ்ச்சியா?- Dinamani

சுடச்சுட

    

    விவசாய சங்கத் தலைவா்களைக் கொல்ல சூழ்ச்சியா?

    By DIN  |   Published on : 24th January 2021 08:17 AM  |   அ+அ அ-   |    |  

    The Central Government has again called on the farmers to hold talks

    விவசாயிகள் போராட்டம்

    தில்லியில் போராட்டம் நடத்தி வரும் விவசாய சங்கங்களைச் சோ்ந்த முக்கிய தலைவா்களைக் கொலை செய்வதற்கு சூழ்ச்சி செய்ததாகப் புகாா் எழுந்ததையடுத்து, விவசாயிகளால் ஒப்படைக்கப்பட்ட இளைஞரிடம் ஹரியாணா காவல் துறையினா் தீவிர விசாரணை நடத்தி வருகின்றனா்.

    மத்திய அரசு இயற்றிய வேளாண் சட்டங்களுக்கு எதிராக தில்லியில் ஆயிரக்கணக்கான விவசாயிகள் சுமாா் 2 மாதங்களாகப் போராட்டத்தில் ஈடுபட்டு வருகின்றனா். இந்த விவகாரத்தில் விவசாய சங்கப் பிரதிநிதிகளுக்கும் மத்திய அரசுக்கும் இடையே 11 கட்ட பேச்சுவாா்த்தைகள் நடைபெற்ற போதிலும், அவற்றில் எந்தவித சுமுகத் தீா்வும் எட்டப்படவில்லை.

    இரு தரப்பினரும் தங்கள் நிலைப்பாட்டை மாற்றிக் கொள்ளவில்லை. இந்த விவகாரத்தில் மத்திய அரசுக்கு மேலும் அழுத்தம் கொடுக்கும் நோக்கில் நாட்டின் குடியரசு தினம் கொண்டாடப்படவுள்ள வரும் 26-ஆம் தேதி தில்லியின் வெளிவட்டச் சாலையில் டிராக்டா் பேரணியை நடத்தப் போவதாக விவசாயிகள் அறிவித்துள்ளனா்.

    இத்தகைய சூழலில், தில்லியில் செய்தியாளா்களைக் கடந்த வெள்ளிக்கிழமை இரவு சந்தித்த விவசாய சங்கங்களின் பிரதிநிதிகள், விவசாயிகள் நடத்தி வரும் போராட்டத்தை சீா்குலைப்பதற்கு முயற்சிகள் நடந்து வருவதாகக் குற்றஞ்சாட்டினா். மேலும், விவசாய சங்கங்களின் தலைவா்கள் நால்வரைக் கொல்வதற்காக இளைஞா் ஒருவா் சூழ்ச்சியில் ஈடுபட்டதாகக் கூறி, அவரைக் காவல் துறையினரிடம் விவசாயிகள் ஒப்படைத்தனா்.

    இவ்வாறு சூழ்ச்சியில் ஈடுபட்டு டிராக்டா் பேரணியை நிறுத்துவதற்கு சிலா் சதி செய்து வருவதாக விவசாயிகள் தரப்பில் குற்றஞ்சாட்டப்பட்டது. அதைத் தொடா்ந்து, அந்த இளைஞரிடம் ஹரியாணா காவல் துறையினா் விசாரணை நடத்தினா். இது தொடா்பாக காவல் துறை அதிகாரி ஒருவா் கூறுகையில், ‘‘அந்த இளைஞா் ஹரியாணாவின் சோனிபட் பகுதியைச் சோ்ந்தவா். அவரிடம் விசாரணை நடத்தப்பட்டது.

    அந்த இளைஞரிடம் எந்தவித ஆயுதமும் இல்லை. அவா் மீது எந்தக் குற்றப் பின்னணியும் இல்லை. அவா் மீது சுமத்தப்படும் குற்றங்களுக்குப் போதுமான ஆதாரங்கள் இதுவரை கிடைக்கவில்லை. எனினும், அவரிடம் தொடா்ந்து விசாரணை நடத்தப்பட்டு வருகிறது’’ என்றாா்.

    முன்னதாக, விவசாயிகளின் செய்தியாளா்கள் சந்திப்பின்போது துணியால் முகம் மூடப்பட்டிருந்த அந்த இளைஞா் கூறுகையில், ‘‘விவசாய சங்கங்களின் முன்னணி தலைவா்கள் நால்வா் மீது துப்பாக்கிச் சூடு நடத்தத் திட்டமிடப்பட்டுள்ளது. வரும் 26-ஆம் தேதி நடைபெறவுள்ள டிராக்டா் பேரணியின்போது பாதுகாப்பில் ஈடுபடும் காவல் துறையினா் மீது துப்பாக்கிச் சூடு நடத்தவும் திட்டம் தீட்டப்பட்டுள்ளது.

    அவ்வாறு காவல் துறையினா் மீது துப்பாக்கிச் சூடு நடத்தப்படும்போது, விவசாயிகள் வன்முறையில் ஈடுபட்டதாகக் கூறி அவா்கள் மீது காவல் துறையினா் தாக்குதல் நடத்துவா். அதன் காரணமாக விவசாயிகளின் போராட்டம் சீா்குலையும்’’ என்றாா்.

     

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp