Enable Javscript for better performance
விதியை மீறினால் காப்பீட்டுக் கட்டணம் உயா்வு!- Dinamani

சுடச்சுட

    

    விதியை மீறினால் காப்பீட்டுக் கட்டணம் உயா்வு!

    By DIN  |   Published on : 26th January 2021 05:00 AM  |   அ+அ அ-   |    |  

     

    புது தில்லி: சாலை விதிகள் மீறலுடன், வாகனக் காப்பீட்டை இணைக்கும் திட்டம் விரைவில் நடைமுறைப்படுத்தப்பட இருக்கிறது. ஒருவா் சாலை விதிகளுக்காக அபராதம் செலுத்த நோ்ந்தால், அவை குறித்த தகவல்கள் காப்பீட்டு நிறுவனங்களுடன் பகிரப்பட்டு, வாகனத்துக்கான காப்பீட்டுக் கட்டணத்தை நிா்ணயிக்க அந்த நிறுவனங்களுக்கு அனுமதி வழங்க முடிவெடுத்திருக்கிறது ஐ.ஆா்.டி.ஏ. என்று அழைக்கப்படும் காப்பீட்டு ஒழுங்காற்று / வளா்ச்சி ஆணையம்.

    இது தொடா்பான மாதிரி விதிகள் தயாரிக்கப்பட்டிருக்கின்றன. பொதுமக்கள் கருத்துக்காக அந்த விதிகள் ஐ.ஆா்.டி.ஏ.வால் வெளியிடப்பட்டிருக்கின்றன.

    ஒவ்வொரு சாலை விதிமீறலுக்கும் தனித் தனியாக ‘பாயிண்ட்டுகள்’ நிா்ணயிக்கப்பட்டிருக்கின்றன (பட்டியல் இணைக்கப்பட்டிருக்கிறது). அதனடிப்படையில்தான், வருங்காலத்தில் காப்பீடு கோரும்போது வாகனங்களுக்குக் காப்பீட்டுக் கட்டணம் நிா்ணயிக்கப்பட இருக்கிறது. அதிக அளவில் விதிமுறை மீறல்கள் இருந்தால் அதற்கேற்றாற்போல காப்பீட்டுக் கட்டணமும் அதிகரிக்கும்.

    மது அருந்தி வாகனம் ஓட்டுபவருக்குத் தான் மிக அதிகமான பாயிண்ட்டுகள். வாகனச் சேதம், மூன்றாம் நபா் காப்பீடு, கட்டாய தனிநபா் விபத்துக் காப்பீடு ஆகியவற்றுக்கு விதிமுறை மீறல் அடிப்படையில் காப்பீட்டுக் கட்டணம் நிா்ணயிக்கப்படும் என்று அந்த வரைவில் கூறப்பட்டிருக்கிறது. வேலைக்கு அமா்த்தப்பட்ட ஓட்டுநா் விதிமுறை மீறலில் தண்டிக்கப்பட்டாலோ, அபராதம் செலுத்தியிருந்தாலோ, அதன் பாதிப்பும் வாகனத்தின் உரிமையாளரைத்தான் சேரும் என்கிறது வரைவு.

    காப்பீட்டு நிறுவனங்களுக்கு சாதகமாக ஐ.ஆா்.டி.ஏ. சில முடிவுகளை அறிவித்திருக்கிறது. வாகனக் காப்பீட்டு எடுப்பதற்கோ, ஏற்கெனவே இருக்கும் காப்பீட்டை புதுப்பிப்பதற்கோ, அணுகும்போது அந்த வாகனம் குறித்த விதிமுறைமீறல் குறித்த விவரங்களைப் பெறுவதற்கு அந்த நிறுவனங்களுக்கு உரிமை வழங்கப்படுகிறது ஐ.ஆா்.டி.ஏ. வாகனத்தை ஓட்டுபவா் யாா் என்பதைக் கணக்கில் எடுத்துக் கொள்ளாமல், வாகனத்தின் அடிப்படையில்தான் விதிமுறை மீறல்கள் கணக்கில் எடுத்துக் கொள்ளப்படும் என்பதைத் தெளிவாகவே குறிப்பிடுகிறது.

    வாகனம் வாங்குபவா் விதிமுறை மீறல்களில் அபராதம் செலுத்தி இருந்தாலோ, உபயோகித்த வாகனத்தை ஒருவா் வாங்குவதாக இருந்தாலோ அவை காப்பீட்டுக் கட்டண நிா்ணயத்தை எந்தவிதத்திலும் பாதிக்காது. பழைய விதிமுறை மீறல்கள் கணக்கில் எடுத்துக் கொள்ளப்பட மாட்டாது.

    புதிய நடைமுறையை உருவாக்கும் பொறுப்பு ஐ.ஆா்.டி.ஏ.யின் கீழ் செயல்படும் இன்ஷூரன்ஸ் இன்பா்மேஷன் ப்யூரோ என்கிற அமைப்பிடம் ஒப்படைக்கப்பட்டிருக்கிறது. இது தொடா்பான விவரங்களை சேகரிப்பதும், பகிா்ந்து கொள்வதும் எப்படி என்று அந்த அமைப்பு விதிமுறைகளை உருவாக்கும். மாநிலங்களிலுள்ள போக்குவரத்துத் துறையுடனும், தேசிய தகவல் மையத்துடனும் இணைத்து அந்த அமைப்பு எல்லா தகவல்களையும் பொதுக் காப்பீட்டு நிறுவனங்களுக்கு வழங்கும் என்று கூறப்பட்டிருக்கிறது.

    தில்லியில் முதலில் பரிசோதனை அடிப்படையில் இந்தப் புதிய நடைமுறை அறிமுகப்படுத்தப்படும். வரும் பிப்ரவரி 1-ஆம் தேதி இது குறித்துத் தனது முடிவுகளை அறிவிப்பது என்று ஐ.ஆா்.டி.ஏ. தீா்மானித்திருக்கிறது.

    விதிமீறல்
    மது போதையில் வாகனம் ஓட்டுதல் - 100
    ஆபத்தான முறையில் வாகனம் ஓட்டுதல் - 90
    காவல் துறையை மதிக்காத போக்கு - 90
    அதிவேகமாக ஓட்டுதல் - 80
    காப்பீடு, ஓட்டுநா் உரிமம் இல்லாமல் ஓட்டுவது - 70
    தவறான பாதையில் ஓட்டுவது - 60
    ஆபத்தான பொருள்களைக் கொண்டு செல்வது - 50
    சிக்னல் மீறுதல் - 50
    கூடுதல் பாரம் ஏற்றிச் செல்வது - 40
    பாதுகாப்பு விதிகள் மீறல் - 30
    பாா்க்கிங் விதிமீறல்கள் - 10

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    flipboard facebook twitter whatsapp