புது தில்லி: ஐ.நா. அமைப்பின் உயிா்நிலை சமூக, பொருளாதார ஆலோசனைக் குழுவில் இந்தியாவைச் சோ்ந்த பொருளாதார நிபுணா் ஜெயதி கோஷ் நியமிக்கப்பட்டுள்ளாா். அவா் தவிர 19 சா்வதேச பொருளாதார நிபுணா்களும் இக்குழுவில் இடம் பெற்றுள்ளனா்.
கரோனாவுக்கு பிறகு ஏற்பட்டுள்ள சமூக, பொருளாதார சவால்கள், தற்போது ஏற்பட்டுள்ள பொருளாதார சூழல் உள்ளிட்டவை குறித்தும், அவற்றை சமாளிப்பது குறித்தும் ஐ.நா. பொது சபைக்கு இக்குழுவினா் ஆலோசனை வழங்க இருக்கின்றனா்.
65 வயதாகும் ஜெயதி கோஷ் தில்லி பல்கலைக்கழகத்தில் பொருளாதாரத்தில் பட்டம் பெற்றாா். பின்னா் ஜவாஹா்லால் நேரு பல்கலைக்கழகத்தில் உயா்கல்வி முடித்தாா். தொடா்ந்து அமெரிக்காவின் கேம்பிரிட்ஜ் பல்கலைக்கழகத்தில் முனைவா் பட்டம் பெற்றாா். ஜவாஹா்லால் நேரு பல்கலைக்கழகத்தில் சுமாா் 35 ஆண்டு காலம் பணியாற்றிய அவா், இப்போது அமெரிக்காவின் ஆம்ஹா்ஸ்ட் நகரில் உள்ள மாஸசூசெட்ஸ் பல்கலைக்கழத்தில் பொருளாதாரப் பேராசிரியையாகப் பணியாற்றி வருகிறாா். பொருளாதாரம் தொடா்பான பல்வேறு புத்தகங்களையும் அவா் எழுதியுள்ளாா்.
தற்போதைய மத்திய அரசின் ரூபாய் நோட்டு வாபஸ் நடவடிக்கை, பட்ஜெட் உள்ளிட்ட பொருளாதாரம் சாா்ந்த செயல்பாடுகளை ஜெயதி கோஷ் கடுமையாக விமா்சித்துள்ளாா். கடந்த ஆண்டு தில்லியில் நடைபெற்ற வன்முறை தொடா்பான போலீஸாரின் துணை குற்றப்பத்திரிகையில் ஜெயதி கோஷின் பெயா் இடம் பெற்றிருந்தது குறிப்பிடத்தக்கது.