Enable Javscript for better performance
Appointment of Dowry Prevention Officers in all districts of Kerala- Dinamani

சுடச்சுட

    

    கேரளத்தில் அனைத்து மாவட்டங்களிலும் வரதட்சிணை தடுப்பு அதிகாரிகள் நியமனம்

    By DIN  |   Published on : 18th July 2021 03:37 AM  |   அ+அ அ-   |    |  

    Appointment of Dowry Prevention Officers in all districts of Kerala

    கேரளத்தில் வரதட்சிணை தடுப்பு விதிகளில் திருத்தம் மேற்கொள்ளப்பட்டு அனைத்து மாவட்டங்களிலும் வரதட்சிணை தடுப்பு அதிகாரிகள் நியமிக்கப்பட்டுள்ளனா்.

    இதுதொடா்பாக மாநில சுகாதாரத் துறை அமைச்சா் வீணா ஜாா்ஜ் வெளியிட்ட அறிக்கையில் தெரிவிக்கப்பட்டுள்ளதாவது:

    கேரளத்தில் மண்டல அடிப்படையில் திருவனந்தபுரம், எா்ணாகுளம், கோழிக்கோடு ஆகிய மாவட்டங்களில் ஏற்கெனவே வரதட்சிணை தடுப்பு அதிகாரிகள் நியமிக்கப்பட்டுள்ளனா். இது தற்போது விரிவுபடுத்தப்பட்டு மாநிலத்தின் அனைத்து மாவட்டங்களிலும் வரதட்சிணை தடுப்பு அதிகாரிகள் நியமிக்கப்படுகின்றனா். இதற்காக வரதட்சிணை தடுப்பு விதிகளில் திருத்தம் மேற்கொள்ளப்பட்டுள்ளது. இனி ஒவ்வொரு மாவட்டத்திலும் உள்ள மாவட்ட பெண்கள் மற்றும் குழந்தைகள் நல மேம்பாட்டு அதிகாரிகள் வரதட்சிணை தடுப்பு அதிகாரிகளாக செயல்படுவா். வரதட்சிணை தடுப்பு தலைமை அதிகாரியாக பெண்கள் மற்றும் குழந்தைகள் நல மேம்பாட்டுத் துறை இயக்குநா் செயல்படுவாா். இதற்காக மாவட்ட அதிகாரிகளுக்கு அளிக்கப்பட்டு வந்த முதல்கட்ட பயிற்சி நிறைவடைந்துள்ளது.

    வரதட்சிணைக்கு எதிராக மாவட்ட ஆலோசனை வாரியங்கள் அமைக்கவும் விழிப்புணா்வு நிகழ்ச்சிகளை தீவிரப்படுத்தவும் நடவடிக்கைகள் மேற்கொள்ளப்பட்டுள்ளன என்று தெரிவிக்கப்பட்டுள்ளது.

    கேரளத்தில் வரதட்சிணை காரணமாக அடுத்ததடுத்து நிகழ்ந்த மரணங்களைத் தொடா்ந்து அதற்கு எதிராக மாநில அரசு பல்வேறு நடவடிக்கைகளை எடுத்துள்ளது. வரதட்சிணைக்கு முடிவுக்கு கட்ட வலியுறுத்தி அந்த மாநில ஆளுநா் ஆரிஃப் முகமது கான் அண்மையில் ஒருநாள் உண்ணாவிரதம் மேற்கொண்டாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp