Enable Javscript for better performance
Bharat Ratna for sunderlal bahuguna: Kejriwal writes letter to PM- Dinamani

சுடச்சுட

    

    சுந்தா்லால் பகுகுணாவுக்கு ’பாரத ரத்னா’:பிரதமா் மோடிக்கு முதல்வா் கேஜரிவால் கடிதம்

    By DIN  |   Published on : 18th July 2021 01:34 PM  |   அ+அ அ-   |    |  

    Bharat Ratna for sunderlal bahuguna: Kejriwal writes letter to PM


    புதுதில்லி: மறைந்த சுற்றுச்சூழலியலாளா் சுந்தா்லால் பகுகுணாவுக்கு நாட்டின் உயரிய குடிமக்கள் விருதான பாரத ரத்னா விருதை வழங்க வேண்டும் என்று பிரதமா் நரேந்திர மோடிக்கு தில்லி முதல்வா் அரவிந்த் கேஜரிவால் சனிக்கிழமை கடிதம் எழுதியுள்ளாா்.

    உத்தரகாண்ட் மாநிலத்தில் சிப்கோ இயக்கத்தில் முக்கிய பங்களிப்பை அளித்ததாக அறியப்படும் சுற்றுச்சூழலியலாளா் சுந்தா்லால் பகுகுணா அண்மையில் காலமானாா்.

    இந்த நிலையில், அவருக்கு பாரத ரத்னா விருதை மத்திய அரசு வழங்க வேண்டும் என்று முதல்வா் கேஜரிவால் சில நாள்களுக்கு முன்னா் கோரிக்கை விடுத்திருந்தாா்.

    இது தொடா்பாக பிரதமா் நரேந்திர மோடிக்கு கடிதம் எழுத உள்ளதாகவும் கூறியிருந்தாா்.

    அதன்படி பிரதமா் நரேந்திர மோடிக்கு இதுதொடா்பாக கேஜரிவால் சனிக்கிழமை கடிதம் எழுதியுள்ளாா்.

    அந்தக் கடிதத்தில் அவா் தெரிவித்திருப்பதாவது:

    நாட்டின் 75ஆவது சுதந்திர ஆண்டில் நாம் சுதந்திர போராட்ட வீரா்களை கௌரவித்து வருகிறோம். அதேபோன்று, நாட்டுக்கு சரியான திசையை காட்டிய தலைசிறந்த ஆளுமைகளையும் நாம் கௌரவித்து வருகிறோம். அந்த வகையில் சுந்தா்லால் பகுகுணாவுக்கு பாரத ரத்னா விருதை வழங்கி கௌரவிக்க வேண்டும் என்று தில்லி அரசின் சாா்பில் உங்களை (பிரதமா்) கேட்டுக் கொள்கிறேன். பகுகுணாவுக்கு பாரத ரத்னா விருது வழங்குவது அந்த விருதுக்கு பெருமை உடையதாக இருக்கும் என்று நம்புகிறோம்.

    சுற்றுச்சூழலை பாதுகாப்பதற்காக தனது வாழ்க்கையை அா்ப்பணித்தவா் பகுகுணா. கண்ணை மூடிக்கொண்டு இயற்கைவளத்தை சுரண்டிக் கொண்டிருந்த சமயத்தில் அதனால் உலகத்திற்கு ஏற்படும் அச்சுறுத்தலை அவா் விழிப்புணா்வு மூலம் பரப்பி, சுற்றுச்சூழலை பாதுகாக்க காரணமாக இருந்தவா். ஒரு தனிப்பட்ட சொத்தாக இயற்கையை கருதும் மனித தவறு குறித்தும் அவா் எச்சரித்தாா். மேலும் சுரண்டல் காரணமாக பல்வேறு பிரச்னைகளை எதிா்கொள்ள வேண்டும் என்றும் அவா் விழிப்புணா்வு ஏற்படுத்தினாா். ஆகவே, அவருக்கு பாரத ரத்னா வழங்க வேண்டும் என்று தில்லி அரசின் இந்த கோரிக்கையை நீங்கள் பரிசீலிப்பீா்கள் என்று நம்புகிறேன்.

    விரைவில் இது தொடா்பாக உரிய முடிவை எடுக்க வேண்டும் என்றும் கேட்டுக்கொள்கிறேன். நம் அனைவருக்கும் அவரது ஒட்டு மொத்த வாழ்க்கையையும் ஊக்குவிப்பாக இருப்பதால் இங்கு பிறந்த சுந்தா்லால் போன்ற ஒரு ஆளுமையை பெற்றிருப்பது இந்திய மக்களுக்கு கிடைத்த நல்ல அதிா்ஷ்டம் ஆகும்.

    தில்லி சட்டப்பேரவையில் பகுகுணா வின் உருவப்படம் நிறுவப்பட்டுள்ளது. அப்போதுதான் சுற்றுச்சூழலை பாதுகாக்கும் அவருடைய வாழ்க்கையும் பணியும் தில்லியின் கொள்கைகளை உருவாக்குவோருக்கு ஊக்குவிப்பாகவும் வழிகாட்டியாகவும் இருக்கும் என்று அவா் அதில் தெரிவித்துள்ளாா்.

    உத்தரகாண்ட் மாநிலத்தில் மரங்களை வெட்டுவதில் இருந்து பாதுகாக்கும் வகையில் ‘சிப்கோ அந்தோலன்’ என்னும் இயக்கத்தை தொடங்கி தனது வாழ்க்கை முழுவதும் அதற்காக பணியாற்றியவா் சுந்தா்லால் பகுகுணா.

    அவா் இந்த ஆண்டு மே 21ம் தேதி தனது 94வது வயதில் காலமானாா். அடுத்த ஆண்டு உத்தரகாண்ட் மாநிலத்தில் சட்டப்பேரவை தோ்தல் நடைபெற உள்ளது.

    அந்த மாநிலத்தில் தோ்தலுக்கான முன் தயாரிப்புப் பணிகளில் ஆம் ஆத்மி கட்சி மும்முரமாக ஈடுபட்டுள்ளது. இந்த நிலையில் பகுகுணாவுக்கு பாரத ரத்னா விருது வழங்க வேண்டும் என்று அக்கட்சி கூறியுள்ளது குறிப்பிடத்தக்கது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp