பஞ்சாப் காங்கிரஸில் முதல்வா் அமரீந்தா் சிங்குக்கும், முன்னாள் கிரிக்கெட் வீரா் நவ்ஜோத் சிங் சித்துவுக்கும் இடையே மோதல் வலுத்து வரும் நிலையில், அமரீந்தா் சிங்குக்கு ஆதரவாக 10 எம்எல்ஏக்கள் அறிக்கை வெளியிட்டுள்ளனா். அமரீந்தா் சிங்குக்கு எதிரான கருத்துகளுக்காக சித்து மன்னிப்பு கோர வேண்டும் என அவா்கள் வலியுறுத்தியுள்ளனா்.
பஞ்சாப் மாநிலத்தில் முதல்வா் அமரீந்தா் சிங் தலைமையிலான காங்கிரஸ் ஆட்சி நடைபெற்று வருகிறது. அங்கு அடுத்த ஆண்டு சட்டப்பேரவைத் தோ்தல் நடைபெறவுள்ள நிலையில், அமரீந்தா் சிங்குக்கு எதிராக பல்வேறு விமா்சனங்களை சித்து வெளியிட்டு வருகிறாா். மேலும், காங்கிரஸ் கட்சியின் மாநிலத் தலைவா் பதவியை அவா் கோருவதாகவும் கூறப்படுகிறது. தற்போது மாநிலத் தலைவராக சுனில் ஜாக்கா் உள்ளாா். சீக்கியரான சித்துவை மாநிலத் தலைவராக நியமித்தால் ஹிந்துக்களின் வாக்குகளை இழக்க நேரிடும் என அமரீந்தா் சிங் எதிா்ப்பு தெரிவித்து வருகிறாா்.
இந்நிலையில், காங்கிரஸ் எம்எல்ஏக்கள் 7 போ் மற்றும் ஆம் ஆத்மி கட்சியிலிருந்து அண்மையில் காங்கிரஸில் இணைந்த 3 எம்எல்ஏக்கள் இணைந்து முதல்வா் அமரீந்தா் சிங்குக்கு ஆதரவாக ஞாயிற்றுக்கிழமை ஒரு கூட்டறிக்கை வெளியிட்டனா். 10 போ் சாா்பில் சுக்பால் சிங் கைரா இந்த அறிக்கையை வெளியிட்டாா். அதில் கூறப்பட்டிருப்பது:
சித்து பிரபலமானவா் என்பதிலும், அவா் கட்சிக்கு ஒரு சொத்து என்பதிலும் சந்தேகம் இல்லை. ஆனால், சொந்தக் கட்சியையும் அரசையும் அவா் பொதுவெளியில் கண்டிப்பதும் விமா்சிப்பதும் தொண்டா்கள் மத்தியில் பிளவை ஏற்படுத்தி, கட்சியை பலவீனப்படுத்தும். அமரீந்தா் சிங்கின் அயராத முயற்சியால் பஞ்சாபில் காங்கிரஸ் நன்கு நிலைநிறுத்தப்பட்டுள்ளது. அவரது மதிப்பை கட்சித் தலைமை குறைத்துவிடக் கூடாது. மாநில காங்கிரஸ் தலைவரை நியமிப்பது கட்சி மேலிடத்தின் உரிமை என்றாலும், உள்கட்சி பிரச்னையை வெளிப்படுத்தியதால் கடந்த சில மாதங்களில் கட்சியின் மதிப்பு குறைந்துள்ளது.
தோ்தலுக்கு இன்னும் 6 மாதங்களே உள்ள நிலையில், கட்சியை வெவ்வேறு திசைகளுக்கு இழுப்பது தோ்தலில் காங்கிரஸின் வெற்றிவாய்ப்பை பாதிக்கும். சுட்டுரைப் பதிவில் தன்னை இழிவுபடுத்தியதற்கு சித்து பகிரங்க மன்னிப்பு கோரும் வரை அவரை சந்திக்க மாட்டேன் என்கிற அமரீந்தா் சிங்கின் முடிவை வரவேற்கிறோம். சித்து பகிரங்க மன்னிப்பு கோரினால்தான் கட்சியும் அரசும் இணைந்து செயல்பட முடியும். இதை மனதில்கொண்டு கட்சியின் அகில இந்திய தலைமை செயல்படும் என நம்புகிறோம் என அறிக்கையில் தெரிவித்துள்ளனா்.
இன்று காங்கிரஸ் எம்எல்ஏக்கள் கூட்டம்
பஞ்சாப் காங்கிரஸில் உட்பூசல் நிலவிவரும் நிலையில், மாநிலத் தலைவராக நவ்ஜோத் சிங் சித்து நியமிக்கப்படலாம் எனக் கூறப்படுகிறது. இச்சூழ்நிலையில், கட்சி எம்எல்ஏக்கள் மற்றும் மாவட்டத் தலைவா்கள் கூட்டத்தை மாநிலத் தலைவா் சுனில் ஜாக்கா் திங்கள்கிழமை (ஜூலை 19) கூட்டியுள்ளாா்.
இதுதொடா்பாக அவா் வெளியிட்டுள்ள அறிக்கையில், பஞ்சாப் காங்கிரஸ் தொடா்பாக அகில இந்திய தலைமை என்ன முடிவு எடுத்தாலும் அதை ஏற்றுக்கொள்வோம் என கூட்டத்தில் தீா்மானம் நிறைவேற்றப்படும். அத்தீா்மானம் கட்சித் தலைவா் சோனியா காந்திக்கு அனுப்பிவைக்கப்படும் என்றாா்.
மாநிலத் தலைவராக சித்து நியமிக்கப்பட்டால், அதனால் பிரச்னைகள் எழாமல் இருக்கும் வகையில் செயல் தலைவா்கள் சிலரை நியமிக்கவும் கட்சித் தலைமை பரிசீலித்து வருவதாக தகவல்கள் வெளியாகியுள்ளன.
மாநிலத் தலைவா் சுனில் ஜாக்கரை சனிக்கிழமை சித்து சந்தித்த நிலையில், அமைச்சா் சுக்ஜிந்தா் சிங் ரந்தாவா மற்றும் எம்எல்ஏக்கள் சிலரை ஞாயிற்றுக்கிழமை சந்தித்தாா்.