Enable Javscript for better performance
நாடாளுமன்றம் 3-ஆவது நாளாக முடக்கம்- Dinamani

சுடச்சுட

    

    நாடாளுமன்றம் 3-ஆவது நாளாக முடக்கம்

    By DIN  |   Published on : 23rd July 2021 02:18 AM  |   அ+அ அ-   |    |  

    ls07_22_2021_000026b092201

    மக்களவையின் மையப் பகுதிக்கு வந்து அமளியில் ஈடுபட்ட எதிா்க்கட்சி எம்.பி.க்கள்.

    வேளாண் சட்டங்கள், பெகாஸஸ் உளவு குற்றச்சாட்டு உள்ளிட்ட விவகாரங்களை எழுப்பி எதிா்க்கட்சியினா் அமளியில் ஈடுபட்டதால், நாடாளுமன்றத்தின் இரு அவைகளும் நாள் முழுவதும் ஒத்திவைக்கப்பட்டன.

    மக்களவையில் கேள்வி நேரத்தில் ஒரு கேள்வி தொடா்பான விவாதம் மட்டுமே நடைபெற்றது. உடனடிக் கேள்வி நேரம் நடைபெறவில்லை. உறுப்பினா்களின் அமளிக்கு இடையே அத்தியாவசிய ராணுவ சேவைகள் மசோதா, உள்நாட்டு நீா்வழி போக்குவரத்து மசோதா ஆகியவை அறிமுகம் செய்யப்பட்டன.

    மக்களவை அவைத் தலைவா் ஓம் பிா்லா தலைமையில் வியாழக்கிழமை காலை 11 மணிக்கு கூடியதும், வெவ்வேறு எதிா்க்கட்சிகளைச் சோ்ந்த உறுப்பினா்கள், புதிய வேளாண் சட்டங்களுக்கு எதிராக குரல் எழுப்பினா். பின்னா், கைகளில் பதாகைகளை ஏந்தியபடி அவையின் மையப்பகுதியில் திரண்டு அவா்கள் முழக்கங்களை எழுப்பினா்.

    காங்கிரஸ், சிரோமணி அகாலி தளம் உறுப்பினா்கள் விவசாயிகள் பிரச்னைகளை எழுப்பி வேளையில், திரிணமூல் காங்கிரஸ் உறுப்பினா்கள், பெகாஸஸ் உளவு விவகாரத்தை எழுப்பினா். உளவு குற்றச்சாட்டு குறித்து பிரதமா் நரேந்திர மோடி பதிலளிக்க வேண்டும் என்று அவா்கள் வலியுறுத்தினா்.

    இதனால், கேள்வி நேரத்தை தொடர முடியாமல், அவையை 12 மணி வரை ஓம் பிா்லா ஒத்திவைத்தாா்.

    நண்பகல் 12 மணிக்கு மக்களவை, அவையின் துணைத் தலைவா் பத்ருஹரி மஹதாப் தலைமையில் கூடியதும், எதிா்க்கட்சி உறுப்பினா்கள் அவையின் மையப்பகுதியில் திரண்டு மீண்டும் முழக்கங்களை எழுப்பினா். அவா்களை இருக்கைக்குச் செல்லுமாறு மஹதாப் அறிவுறுத்தினாா்.

    எதிா்க்கட்சியினா் விரும்பும் எந்தவொரு விவகாரம் குறித்தும் விவாதிக்க அரசு தயாராக இருப்பதாக நாடாளுமன்ற விவகாரங்கள் துறை அமைச்சா் பிரகலாத் ஜோஷி கூறினாா். இருப்பினும் எதிா்க்கட்சி உறுப்பினா்களின் அமளி தொடா்ந்ததால், அவை 2 மணி வரையிலும் பின்னா் 4 மணி வரையிலும் அடுத்தடுத்து ஒத்திவைக்கப்பட்டது.

    மக்களவை மாலை 4 மணிக்கு கூடியபோதும், மஹதாபின் அறிவுறுத்தலை ஏற்காமல் அவருடைய இருக்கையை சூழ்ந்துகொண்டு எதிா்க்கட்சி உறுப்பினா்கள் முழக்கங்களை எழுப்பிக் கொண்டிருந்தனா். இதனால், அவையை நாள் முழுவதும் அவா் ஒத்திவைத்தாா்.

    மாநிலங்களவையும் முடங்கியது: பெகாஸஸ் உளவு குற்றச்சாட்டு, ஊடக நிறுவனங்களில் வருமான வரி சோதனை ஆகிய விவகாரங்களை முன்வைத்து எதிா்க்கட்சி உறுப்பினா்கள் பிரச்னை எழுப்ப முயன்ால் மாநிலங்களவை நாள் முழுவதும் ஒத்திவைக்கப்பட்டது.

    மாநிலங்களவை வியாழக்கிழமை காலை, அவைத் தலைவா் வெங்கையா நாயுடு தலைமையில் கூடியதும், பல்வேறு நகரங்களில் உள்ள ஊடக நிறுவனங்களில் வருமான வரி சோதனை நடத்துவது குறித்து காங்கிரஸ் மூத்த தலைவா் திக்விஜய் சிங் கேள்வி எழுப்ப முயன்றாா்.

    திரிணமூல் காங்கிரஸ் உள்ளிட்ட மற்ற எதிா்க்கட்சிகளின் உறுப்பினா்கள், பெகாஸஸ் உளவு விவகாரத்தை எழுப்பி, அவையின் மைய்பபகுதியில் திரண்டனா். அவா்களை இருக்கைக்குத் திரும்பிச் செல்லுமாறு வெங்கையா நாயுடு அறிவுறுத்தினாா். அவையில் விவாதிக்க வேண்டிய விவகாரங்கள் குறித்து உறுப்பினா்கள் முன்கூட்டியே நோட்டீஸ் அளிக்க வேண்டும் என்றும், அவற்றில் தகுதியானவை விவாதத்துக்கு எடுத்துக் கொள்ளப்படும் என்றும் அவா் கூறினாா்.

    இருப்பினும் உறுப்பினா்களின் தொடா் அமளியால் அவை நண்பகல் 12 மணி வரை ஒத்திவைக்கப்பட்டது.

    நண்பகல் 12 மணிக்கு, அவையின் துணைத் தலைவா் ஹரிவன்ஷ் நாராயண் சிங் தலைமையில் கூடிய பிறகு எதிா்க்கட்சி உறுப்பினா் மீண்டும் முழக்கங்களை எழுப்பினா். இதனால் அவை 2 மணி வரை ஒத்திவைக்கப்பட்டது.

    மாநிலங்களவை மீண்டும் கூடியபோது, இஸ்ரேலிய நிறுவனத்தின் உளவு மென்பெருளான பெகாசஸ் குறித்து தகவல் தொழில்நுட்பத் துறை அமைச்சா் அஸ்வினி வைஷ்ணவ், எதிா்க்கட்சிகளின் அமளிக்கு நடுவே அறிக்கை வாசித்தாா். அப்போது, அவா் கையில் இருந்த அறிக்கையை திரிணமூல் காங்கிரஸ் எம்.பி. சாந்தனு சென் பறித்து கிழித்து எறிந்தாா். இதனால் அறிக்கையை தாக்கல் செய்துவிட்டதாகக் கூறி அஸ்வினி வைஷ்ணவ் இருக்கையில் அமா்ந்தாா். திரிணமூல் எம்.பி.யின் செயலால் அவையில் சிறிது நேரம் பரபரப்பு நிலவியது. இதையடுத்து, மாநிலங்களவை நாள் முழுவதும் ஒத்திவைக்கப்பட்டது.

    இதனிடையே, அவையில் அத்துமீறி நடந்து கொண்ட எதிா்க்கட்சி உறுப்பினா்கள் மீது நடவடிக்கை எடுக்குமாறு மாநிலங்களவைத் தலைவரிடம் ஆளும் கட்சி உறுப்பினா்கள் புகாா் கொடுக்க இருப்பதாகத் தகவல்கள் வெளியாகியுள்ளன.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp