பிளஸ் 2 பொதுத் தோ்வை ஹிமாசல பிரதேச அரசு ரத்து செய்து அறிவித்துள்ளது. மாநில முதல்வா் தலைமையில் சனிக்கிழமை நடைபெற்ற அமைச்சரவைக் கூட்டத்தில் இதற்கான முடிவு எடுக்கப்பட்டுள்ளது.
நாடு முழுவதும் கரோனா தொற்று பரவல் காரணமாக சிபிஎஸ்இ பிளஸ் 2 பொதுத் தோ்வை ரத்து செய்து மத்திய அரசு கடந்த செவ்வாய்க்கிழமை அறிவிப்பு வெளியிட்டது. ஐசிஎஸ்இ வாரிய பிளஸ் 2 பொதுத் தோ்வும் ரத்து செய்யப்பட்டது.
மத்திய அரசின் இந்த அறிவிப்பைத் தொடா்ந்து, மாணவா்களின் நலன் கருதி குஜராத், மத்திய பிரதேசம், உத்தர பிரதேசம், ராஜஸ்தான், மகாராஷ்டிரம் ஆகிய மாநிலங்களும் மாநில கல்வி வாரியத்தின் கீழான பிளஸ் 2 பொதுத் தோ்வை ரத்து செய்தன.
இப்போது தமிழகம், ஹிமாசல பிரதசே மாநிலங்களும் மாநில வாரிய பிளஸ் 2 பொதுத் தோ்வை ரத்து செய்து சனிக்கிழமை அறிவிப்பு வெளியிட்டன.
இதுகுறித்து ஹிமாசல பிரதேச கல்வி அமைச்சா் கோவிந்த் சிங் தாக்குா் கூறுகையில், ‘பிளஸ் 2 பொதுத் தோ்வு குறித்து மத்திய அரசு எடுத்த முடிவின் அடிப்படையில், மாநில கல்வி வாரியத்தின் கீழான 10-ஆம் வகுப்பு மற்றும் பிளஸ் 2 பொதுத் தோ்வுகள் ரத்து செய்யப்பட்டுள்ளன.
மேலும் மாநிலத்தில் இப்போது நடைமுறையில் இருக்கும் வருகிற 7-ஆம் தேதி வரையிலான கரோனா ஊரடங்கு வரும் 14-ஆம் தேதி வரை நீட்டித்தும் மாநில அரசு அறிவிப்பு வெளியிட்டுள்ளது.
மாநில முதல்வா் ஜெய்ராம் தாக்குா் தலைமையில் சனிக்கிழமை நடைபெற்ற அமைச்சரவைக் கூட்டத்தில் இந்த முடிவுகள் எடுக்கப்பட்டன.
மாநில பிளஸ் 2 பொதுத் தோ்வு ரத்து செய்யப்பட்டுள்ளதைத் தொடா்ந்து, மதிப்பெண் மதிப்பீடு முறை மூலம் மாணவா்களுக்கு மதிப்பெண்கள் நிா்ணயிக்கப்படும். அதில் திருப்தியில்லாத மாணவா்களுக்கு, கரோனா நிலைமை சீரான பிறகு எழுத்துத் தோ்வு நடத்தப்படும் என்று அவா் கூறினாா்.