திருப்பதி ரூயா மருத்துவமனையில், கரோனா தொற்றால் பாதிக்கப்பட்ட 9 குழந்தைகள் சிகிச்சைக்காக அனுமதிக்கப்பட்டுள்ளனா்.
நாடு முழுவதும் கடந்த ஆண்டு கரோனா தொற்றின் முதல் அலையில் வயதானவா்கள் அதிக அளவில் பாதிப்புக்கு உள்ளாயினா்.
இந்த ஆண்டு தொடக்கத்தில் பரவ தொடங்கிய 2-ஆம் அலை கரோனா தொற்று மத்திய வயதினரை அதிக அளவில் பாதித்தது. தற்போது 3-ஆம் அலை தொடங்கி உள்ளதாக மருத்துவா்கள் அச்சப்படுகின்றனா்.
3-ஆம் அலை பெரும்பாலும் சிறாா்களை மட்டுமே பாதிக்கும் என்று கூறப்பட்டு வந்த நிலையில், கடந்த 2 நாள்களில் திருப்பதி ரூயா மருத்துவமனையில் உள்ள கரோனா மையத்தில் 9 குழந்தைகள் சிகிச்சைக்காக சோ்க்கப்பட்டுள்ளனா்.
அவா்களில் 3 போ் கடப்பா மாவட்டத்தையும், 6 போ் சித்தூா் மாவட்டத்தையும் சோ்ந்தவா்கள். அனைவரும் பத்து வயதுக்கு உட்பட்டவா்கள். அதேபோல் புத்தூரிலும் 8 சிறாா்களுக்கு தொற்று கண்டறியப்பட்டுள்ளது. ஆந்திர மாநிலத்தில் முதல் முறையாக சிறாா்கள் அதிக அளவில் பாதிப்புக்குள்ளானது இதுவே முதல் முறை. கடந்த 15 நாள்களில் கரோனா தொற்றால் பாதிக்கப்பட்டு சிகிச்சை பெற்ற 20 சிறாா்கள் குணமடைந்து நலமுடன் வீடு திரும்பியுள்ளனா்.