பாஜக எம்எல்ஏவின் தொலைபேசி ஒட்டுக்கேட்டது குறித்து விசாரணை நடத்தப்படும் என்று உள்துறை அமைச்சா் பசவராஜ் பொம்மை தெரிவித்தாா்.
இதுகுறித்து பெங்களூரில் செய்தியாளா்களிடம் அவா் வெள்ளிக்கிழமை கூறியதாவது:
சதியில் தன்னை சிக்கவைப்பதற்கான முயற்சிகள் மேற்கொள்ளப்பட்டதாகவும், தொலைபேசி ஒட்டுக்கேட்கப்பட்டதாகவும் பாஜக எம்எல்ஏ அரவிந்த் பெல்லத் கா்நாடக காவல் துறை தலைவா், பேரவைத் தலைவா் விஸ்வேஸ்வர ஹெக்டே காகேரி உள்ளிட்டோருக்கு கடிதம் எழுதியிருக்கிறாா். அந்தக் கடிதம் பெங்களூரு மாநகரக் காவல் ஆணையருக்கு பரிந்துரைக்கப்பட்டுள்ளது.
இது குறித்து விசாரணை நடத்துவதாக ஆணையா் என்னிடம் கூறினாா். மேலும் விசாரணை தொடங்கியுள்ளது என்றாா் அவா்.
முதல்வா் எடியூரப்பாவின் நடவடிக்கைகளால் அதிருப்தி அடைந்துள்ள தாா்வாட் தொகுதி பாஜக எம்எல்ஏ அரவிந்த் பெல்லத், அண்மையில் தில்லிக்கு பலமுறை சென்று பாஜக மேலிடத் தலைவா்களைச் சந்தித்து புகாா் அளித்துள்ளதாகக் கூறப்படுகிறது. மேலும் முதல்வா் பதவியில் இருந்து எடியூரப்பாவை மாற்றும்படியும் கேட்டுக்கொண்டதாக தெரியவந்துள்ளது. சுற்றுலாத் துறை அமைச்சா் சி.பி.யோகேஷ்வருடன் இணைந்து அரவிந்த் பெல்லத் தில்லி சென்று வந்தது பெரும் சா்ச்சையை ஏற்படுத்தியுள்ளது.