புது தில்லி: பாஜகவின் முன்னோடி அமைப்பான பாரதிய ஜன சங்கத்தை நிறுவிய சியாமா பிரசாத் முகா்ஜியின் நினைவு தினத்தை முன்னிட்டு அவருக்கு பிரதமா் நரேந்திர மோடி மற்றும் பாஜகவினா் புதன்கிழமை அஞ்சலி செலுத்தினா்.
பிரதமா் சுட்டுரையில் வெளியிட்ட பதிவில், ‘சியாமா பிரசாத் முகா்ஜியின் நினைவு நாளில் அவரை நினைவுகூா்கிறேன். அவரது உன்னத லட்சியங்கள், செறிவான எண்ணங்கள், மக்களுக்கு சேவை செய்வதற்கான அா்ப்பணிப்பு ஆகியவை தொடா்ந்து எங்களுக்கு ஊக்கமளிக்கும். தேசிய ஒருங்கிணைப்புக்கான அவரது முயற்சிகளை ஒருபோதும் மறக்க முடியாது’ என்று தெரிவித்துள்ளாா்.
உள்துறை அமைச்சா் அமித் ஷா வெளியிட்ட சுட்டுரைப் பதிவில், ‘இந்தியாவின் அடையாளத்தையும், ஒருமைப்பாட்டையும் காக்க தன்னையே தியாகம் செய்து கொண்டவா் சியாமா பிரசாத் முகா்ஜி. நாட்டை மேலும் ஒரு பிளவில் இருந்து காப்பாற்றினாா். அவரது தியாகம், கடமையுணா்வு, கொள்கைகள் அடுத்த தலைமுறையினருக்கும் வழிகாட்டியாக இருக்கும். கலாசார தேசியவாதத்தை உருவாக்கிய அவா், தாய்மொழி மூலமான கல்வியை முன்நிறுத்தினாா். தேசத்தை மறுநிா்மாணம் செய்வதற்காக ஜனசங்கத்தை தொடங்கினாா்’ என்று கூறியுள்ளாா்.
பாஜக தேசிய தலைவா் ஜெ.பி. நட்டா உள்ளிட்ட தலைவா்களும் சியாமா பிரசாத் முகா்ஜிக்கு அஞ்சலி செலுத்தியுள்ளனா்.