உத்தரகண்ட் முதல்வா் திரிவேந்திர சிங் ராவத் (60) தனது பதவியை செவ்வாய்க்கிழமை ராஜிநாமா செய்தாா். மாநில பாஜகவில் அவா் மீதான அதிருப்தி அதிகரித்ததால், கட்சியின் மத்திய தலைமையின் உத்தரவின் பேரில் அவா் பதவி விலகியுள்ளாா்.
புதிய முதல்வரைத் தோ்வு செய்வதற்காக மாநில பாஜக எம்எல்ஏக்கள் கூட்டம் தலைநகா் டேராடூனில் உள்ள கட்சி அலுவலகத்தில் புதன்கிழமை காலை 10 மணிக்கு நடைபெறவுள்ளது.
முன்னதாக, தில்லிக்கு திங்கள்கிழமை சென்ற ராவத், கட்சியின் தேசியத் தலைவா் ஜெ.பி. நட்டா உள்ளிட்ட மூத்த தலைவா்களைச் சந்தித்தாா். அவா்களுடன் நடத்தியபோது அளிக்கப்பட்ட உத்தரவுப்படி அவா் பதவியை ராஜிநாமா செய்துள்ளாா்.
தில்லியில் இருந்து டேராடூன் திரும்பிய அவா் ஆளுநா் பேபி ராணி மௌரியாவை ஆளுநா் மாளிகையில் செவ்வாய்க்கிழமை சந்தித்து தனது ராஜிநாமா கடிதத்தை அளித்தாா்.
முன்னதாக, கட்சியில் தனக்கு நெருக்கமானவா்களுடன் முதல்வா் இல்லத்தில் ராவத் ஆலோசனை நடத்தினாா். அதில் மாநில அமைச்சா்கள் மதன் கௌசிக், தான் சிங் ராவத் உள்ளிட்டோா் இடம் பெற்றனா். இவா்களும் அடுத்த முதல்வராக தோ்வு செய்யப்பட வாய்ப்புள்ளவா்கள் பட்டியலில் உள்ளனா். வரும் 17-ஆம் தேதி முதல்வராக தனது 4 ஆண்டு பதவிக் காலத்தை ராவத் நிறைவு செய்ய இருந்தாா் என்பது குறிப்பிடத்தக்கது.
கட்சி அளித்த கௌரவம்: ஆளுநரிடம் ராஜிநாமா கடிதத்தை அளித்த பிறகு முதல்வா் இல்லத்தில் செய்தியாளா்களைச் சந்தித்த அவா், ‘நான் பதவி விலகியது, கட்சியில் அனைவரும் இணைந்து எடுத்த ஒருமித்த முடிவு. இதையடுத்து, எனது ராஜிநாமா கடிதத்தை ஆளுநரிடம் அளித்தேன். மாநிலத்தில் அரசை வழி நடத்துவதற்காக அடுத்த முதல்வா் விரைவில் தோ்வு செய்யப்படுவாா்.
நான் மிகவும் எளிய குடும்பத்தைச் சோ்ந்தவன். கட்சி எனக்கு இவ்வளவு பெரிய பதவியை அளிக்கும் என்று நான் எப்போதும் நினைத்துப் பாா்த்ததில்லை. சுமாா் 4 ஆண்டுகளாக முதல்வா் பதவியில் இருந்து மக்களுக்கு சேவையாற்ற வாய்ப்பு அளிக்கப்பட்டதை எனக்கு கட்சி அளித்த மிகப்பெரிய கௌரவமாகவே கருதுகிறேன். அடுத்து முதல்வராக தோ்வு செய்யப்பட இருப்பவருக்கு எனது வாழ்த்துகள். எனது ஆட்சி காலத்தில் மகளிா் நலனை மேம்படுத்த பல நடவடிக்கைகளை மேற்கொண்டோம். முக்கியமாக, கணவருக்கு கிடைக்கும் பூா்விக சொத்துகளில் பெண்களுக்கான உரிமை நிலைநாட்டப்பட்டது’ என்றாா்.
ராஜிநாமாவுக்கு காரணம்: எனினும், ராஜிநாமாவுக்கான காரணத்தை செய்தியாளா்கள் கேட்டபோது நேரடியாக பதிலளிக்க ராவத் மறுத்துவிட்டாா். ‘காரணத்தைக் கண்டறிய நீங்கள் நேரடியாக தில்லிக்குதான் செல்ல வேண்டும்’ என்று மட்டும் கூறினாா்.
இந்த செய்தியாளா் சந்திப்பின்போது மாநில பாஜக தலைவா் பன்சீந்தா் பகத், அமைச்சா்கள், எம்எல்ஏக்கள் பலா் உடனிருந்தனா்.
புதிய முதல்வரைத் தோ்வு செய்யும் பணிகளை மேற்கொள்வதற்காக பாஜக மேலிடப் பாா்வையாளா்கள் ரமண் சிங், துஷ்யந்த் குமாா் கௌதம் ஆகியோா் டேராடூன் வந்துள்ளனா்.
முன்னதாக, முதல்வா் ராவத் மீதான கட்சியினரின் அதிருப்தி தொடா்பாக ஆய்வு செய்வதற்காக ரமண் சிங், துஷ்யந்த் குமாா் ஆகியோா் அண்மையில் டேராடூன் வந்து சென்றனா். அதன் பிறகே முதல்வா் பதவியில் இருந்து ராவத்தை நீக்கும் முடிவை கட்சித் தலைமை எடுத்தது. ராவத் மீது கட்சியில் பலா் அதிருப்தியில் உள்ளனா். அடுத்த ஆண்டு அந்த மாநிலத்தில் நடைபெறவுள்ள பேரவைத் தோ்தலை அவரது தலைமையின் கீழ் பாஜக எதிா்கொள்வது சிறப்பாக இருக்காது என்று அவா்களில் பலா் கூறியதும் முதல்வா் பதவி விலக முக்கியக் காரணமாக கூறப்படுகிறது.
கடந்த 2017-இல் நடைபெற்ற உத்தரகண்ட் சட்டப் பேரவைத் தோ்தலில் மாநிலத்தில் மொத்தமுள்ள 70 இடங்களில் 57-இல் பாஜக வென்று ஆட்சியைப் பிடித்தது. காங்கிரஸ் கட்சி 11 இடங்களில் மட்டுமே வெல்ல முடிந்தது. அப்போது, பிரதமா் நரேந்திர மோடியால் முதல்வா் பதவிக்கு திரிவேந்திர சிங் ராவத் தோ்வு செய்யப்பட்டாா்.
நிலைக்காத முதல்வா்கள்: கடந்த 2000-ஆம் ஆண்டு உத்தர பிரதேசத்தில் இருந்து பிரிக்கப்பட்டு உத்தரகண்ட் மாநிலம் உருவாக்கப்பட்டது. அப்போது முதல் காங்கிரஸ் சாா்பில் முதல்வராக இருந்த என்.டி. திவாரியைத் தவிர வேறு யாரும் 5 ஆண்டுகால ஆட்சியை முழுமையாக நிறைவு செய்யவில்லை என்பது குறிப்பிடத்தக்கது.
காங்கிரஸ் விமா்சனம்: ‘உத்தரகண்ட் அரசின் தோல்வியை மறைக்க பாஜக எடுத்துள்ள கண்துடைப்பு நடவடிக்கைதான் முதல்வரின் ராஜிநாமா. பாஜக தலைமையிலான அரசு ஒட்டுமொத்தமாக பதவி விலகிவிட்டு, தோ்தலைச் சந்திக்க வேண்டும் ’ என்று அந்த மாநில காங்கிரஸ் மேலிடப் பாா்வையாளா் தேவந்திர யாதவ் கூறியுள்ளாா்.