அரசுப் பணிகளுக்கான பொது தகுதித் தோ்வு (சிஇடி) வரும் செப்டம்பா் மாதம் நடத்தப்பட வாய்ப்பு உள்ளது என்று மத்திய பணியாளா் நலத்துறை இணையமைச்சா் ஜிதேந்திர சிங் கூறினாா்.
இதுதொடா்பாக தில்லியில் சனிக்கிழமை அவா் அளித்த பேட்டி:
மத்திய அரசுப் பணி வாய்ப்புகளுக்காக காத்திருக்கும் இளைஞா்களுக்கு சிறந்த வாய்ப்பை ஏற்படுத்தித் தரும் வகையில், இந்த ஆண்டு முதல் நாடு முழுவதும் பொது தகுதித் தோ்வு (சிஇடி) நடத்தப்பட உள்ளது. இந்தத் தோ்வு மூலம் தகுதிவாய்ந்த இளைஞா்கள் தெரிவு செய்யப்பட்டு குரூப் ‘பி’ மற்றும் ‘சி’ மத்திய அரசுப் பணிகளில் (தொழில்நுட்பம் அல்லாத) பணியமா்த்தப்படுவா்.
மத்திய அமைச்சரவை ஒப்புதலுடன் அமைக்கப்பட்டிருக்கும் தன்னாட்சி அமைப்பான தேசிய பணியாளா் தோ்வு முகமை (என்ஆா்ஏ) இந்தத் தகுதித் தோ்வை நடத்தும். முதல் சிஇடி தோ்வு இணைய வழியில் வரும் செப்டம்பரில் நடத்தப்பட வாய்ப்பு உள்ளது.
மிகவும் பின்தங்கிய பகுதிகளில் உள்ள இளைஞா்கள், பெண்கள் மற்றும் மாற்றுத்திறனாளிகள் சிரமமின்றி இந்தத் தகுதித் தோ்வில் பங்கேற்கும் விதமாக, நாடு முழுவதும் ஒவ்வொரு மாவட்டத்திலும் குறைந்தபட்சம் ஒரு தோ்வு மையம் அமைக்கப்பட உள்ளது.
மத்திய அரசு பணியாளா் தோ்வுகளை ஏற்கெனவே நடத்தி வரும் பணியாளா் தோ்வு ஆணையம் (எஸ்எஸ்சி), ரயில்வே தோ்வு வாரியங்கள் (ஆா்ஆா்பி), வங்கி பணியாளா் தோ்வு நிறுவனம் (ஐபிபிஎஸ்) ஆகிய முகமைகளும் தேவைக்கேற்ப குறிப்பிட்ட பணியாளா் தோ்வுகளை தொடா்ந்து நடத்தும். அதில் சிஇடி தகுதித் தோ்வு, பணிக்கு தகுதியானவா்களை அடையாளம் காணும் முதல்நிலை தோ்வு நடைமுறையாக மட்டும் கருதப்படும் என்றாா் அவா்.
