Enable Javscript for better performance
நகா்ப்புற உள்ளாட்சி தோ்தலில் காங்கிரஸ் வெற்றி- Dinamani

சுடச்சுட

    

    நகா்ப்புற உள்ளாட்சி தோ்தலில் காங்கிரஸ் வெற்றி

    By DIN  |   Published on : 01st May 2021 12:26 AM  |   அ+அ அ-   |    |  

    நகா்ப்புற உள்ளாட்சி தோ்தலில் அதிக வாா்டுகளைக் கைப்பற்றி காங்கிரஸ் கட்சி வெற்றி பெற்றுள்ளது.

    கா்நாடகத்தில் உள்ள நகா்ப்புற உள்ளாட்சி அமைப்புகளில் ஒரு மாநகராட்சி, 5 நகராட்சி, 2 பேரூராட்சி, 2 நகரப் பஞ்சாயத்துகளில் உள்ள 263 வாா்டுகளுக்கும், ஒரு நகராட்சி, ஒரு நகரப் பஞ்சாயத்தின் 2 வாா்டுகளுக்கும் ஏப். 27-ஆம் தேதி தோ்தல் நடைபெற்றது.

    இந்தத் தோ்தலில் பதிவான வாக்குகள் வெள்ளிக்கிழமை எண்ணப்பட்டு முடிவுகள் அறிவிக்கப்பட்டன. இந்த தோ்தலில் மொத்தமுள்ள 265 வாா்டுகளில் 12 வாா்டுகளைக் கைப்பற்றி காங்கிரஸ் கட்சி வெற்றி பெற்றுள்ளது. மஜதவுக்கு 66 வாா்டுகளும், பாஜகவுக்கு 59 வாா்டுகளும், எஸ்.டி.பி.ஐ. கட்சிக்கு 5 வாா்டுகளும், ஆம் ஆத்மி கட்சி, ஐ.எம்.எம்.ஐ.எம். கட்சிக்கு தலா ஒரு வாா்டும், சுயேச்சைகளுக்கு 14 வாா்டுகளும் கிடைத்துள்ளன.

    39 வாா்டுகளைக் கொண்ட பெல்லாரி மாநகராட்சித் தோ்தலில் 21 இடங்களைக் கைப்பற்றி மாநகராட்சி நிா்வாகத்தை காங்கிரஸ் கட்சி கைப்பறியுள்ளது. இங்கு பாஜகவுக்கு 13 இடங்களும், சுயேச்சைகளுக்கு 5 இடங்களும் கிடைத்தன. பீதா் நகராட்சியில் மொத்தமுள்ள 33 வாா்டுகளில் 15 இடங்களைக் காங்கிரசும், 9 இடங்களை பாஜகவும், 7 இடங்களை மஜதவும், பிற கட்சிகள் 2 இடங்களையும் கைப்பற்றியுள்ளன.

    ராமநகரம் நகராட்சியில் உள்ள 31 வாா்டுகளில் 19 இடங்களை கைப்பற்றி காங்கிரஸ் கட்சி வென்றுள்ளது. மஜதவுக்கு 11 இடங்கள் கிடைத்துள்ளன. ராமநகரம் மாவட்டத்தின் சென்னப்பட்டணா நகராட்சியில் உள்ள 31 வாா்டுகளில் 16 இடங்களைக் கைப்பற்றி மஜத வெற்றி பெற்றுள்ளது. இங்கு காங்கிரஸ், பாஜக தலா 7 வாா்டுகளைக் கைப்பற்றியுள்ளன. சிவமொக்கா மாவட்டத்தின் பத்ராவதி நகராட்சியில் உள்ள 34 வாா்டுகளில் 18 இடங்களைக் கைப்பற்றி காங்கிரஸ் கட்சி வென்றுள்ளது. இங்கு மஜதவுக்கு 11, பாஜகவுக்கு 4 இடங்கள் கிடைத்தன.

    குடகு மாவட்டத்தின் மடிக்கேரி நகராட்சியில் மொத்தமுள்ள 23 வாா்டுகளில் 16 வாா்டுகளைக் கைப்பற்றி பாஜக வென்றுள்ளது. இங்கு காங்கிரஸ், மஜதவுக்கு தலா ஓா் இடங்கள் கிடைத்துள்ளன.

    ஹாசன் மாவட்டம், பேளூா் பேரூராட்சியில் உள்ள 23 வாா்டுகளில் 17 இடங்களில் வென்று காங்கிரஸ் கட்சி வெற்றி பெற்றுள்ளது. இங்கு மஜத 5 இடங்களிலும், பாஜக ஓா் இடத்திலும் வென்றுள்ளன. பெங்களூரு ஊரக மாவட்டத்தின் விஜயபுரா பேரூராட்சியில் உள்ள 23 வாா்டுகளில் 13 இடங்களைக் கைப்பற்றி மஜத வென்றுள்ளது. இங்கு காங்கிரஸ் 7, பாஜக ஓா் இடத்திலும் வென்றுள்ளன. சிவமொக்கா மாவட்டத்தின் தீா்த்தஹள்ளி நகரப் பஞ்சாயத்தில் உள்ள 15 இடங்களில் 9 வாா்டுகளைக் கைப்பற்றி காங்கிரஸ் வென்றுள்ளது. பாஜகவுக்கு 6 இடங்கள் கிடைத்துள்ளன. 11 வாா்டுகள் கொண்ட சிக்கபளாப்பூா் மாவட்டத்தின் குடிபண்டே நகர பஞ்சாயத்து தோ்தலில் 6 இடங்களைக் கைப்பற்றி காங்கிரஸ் வென்றுள்ளது. மஜதவுக்கு 2 இடங்களும், சுயேச்சைகளுக்கு 3 இடங்களும் கிடைத்துள்ளன.

    பீதா் மாவட்டத்தின் ஹள்ளிகேடாபி நகராட்சியில் காலியாக இருந்த ஒரு வாா்டுக்கு நடந்த தோ்தலில் காங்கிரஸ் கட்சி வென்றுள்ளது. அதேபோல, ஹாவேரி மாவட்டத்தின் ஹிரேகேரூா் நகர பஞ்சாயத்தில் காலியாக இருந்த ஒரு வாா்டுக்கு நடந்த தோ்தலில் சுயேச்சை வெற்றி பெற்றுள்ளாா்.

    நகா்ப்புற உள்ளாட்சித் தோ்தலில் பெல்லாரி மாநகராட்சி, பீதா், ராமநகரம், பத்ராவதி, பேளூரு பேரூராட்சி, தீா்த்தஹள்ளி, குடிபண்டே நகரப் பஞ்சாயத்துகளையும் காங்கிரஸ் கைப்பற்றியுள்ளது. சென்னப்பட்டணா நகராட்சி, விஜயபுரா பேரூராட்சியை மஜதவும், மடிக்கேரி நகராட்சியை பாஜகவும் கைப்பற்றியுள்ளன.

    நகா்ப்புற உள்ளாட்சித் தோ்தலில் காங்கிரஸ் கட்சியின் வேட்பாளா்களை ஆதரித்து வெற்றிபெற வைத்ததற்காக வாக்காளா்களுக்கு நன்றி கூறுவதாக எதிா்க்கட்சித் தலைவா் சித்தராமையா, காங்கிரஸ் மாநிலத் தலைவா் டி.கே.சிவக்குமாா் உள்ளிட்டோா் தெரிவித்துள்ளனா்.

    சட்டப்பேரவை, மக்களவைத் தோ்தல், சட்டப்பேரவை இடைத்தோ்தல்களில் தோல்வியைக் கண்டிருந்த காங்கிரஸ் கட்சிக்கு, நகா்ப்புற உள்ளாட்சித் தோ்தலில் கிடைத்துள்ள வெற்றி ஆறுதல் அளித்துள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp