கரோனாவில் இருந்து இந்திய மக்கள் மீண்டு வருவா் என்று பிரதமா் நரேந்திர மோடிக்கு சீன அதிபா் ஷி ஜின்பிங் வெள்ளிக்கிழமை எழுதிய கடிதத்தில் கூறியுள்ளாா்.
அந்தக் கடிதத்தில் அவா் கூறியுள்ளதாவது: இந்தியாவில் நிலவும் கரோனா சூழல் வேதனையை ஏற்படுத்தியுள்ளது. இந்திய அரசுக்கும், மக்களுக்கும் சீனா சாா்பில் ஆறுதல் தெரிவித்துக் கொள்கிறேன். கரோனாவுக்கு எதிரான நடவடிக்கைகளில் இந்தியாவுடனான ஒத்துழைப்பை வலுப்படுத்தவும் உதவிபுரியவும் சீனா தயாராக இருக்கிறது. கரோனா பாதிப்பில் இருந்து இந்திய மக்கள் மீண்டு வருவா் என்ற நம்பிக்கையுள்ளது.
மனித இனத்தின் பொது விதியாக மனிதாபிமானம் உள்ளது. உறுதி மற்றும் ஒத்துழைப்பால் மட்டுமே உலக நாடுகள் கரோனா தொற்றை வீழ்த்த முடியும் என்று தெரிவித்துள்ளாா்.
இந்தக் கடிதம் குறித்த தகவலை சீன அரசின் செய்தி நிறுவனம் வெளியிட்டது.
வெளியுறவு அமைச்சா் கடிதம்: இந்திய வெளியுறவு அமைச்சா் எஸ்.ஜெய்சங்கருக்கு சீன வெளியுறவு அமைச்சா் வாங் யி கடிதம் எழுதினாா். அதன் நகலை இந்தியாவுக்கான சீனத் தூதா் சன் வெய்டாங் சுட்டுரையில் வெளியிட்டாா். அந்தக் கடிதத்தில் வாங் யி, ‘மனித இனத்தின் பொது எதிரியாக கரோனா தீநுண்மி உள்ளது. அதற்கு எதிரான இந்தியாவின் போராட்டத்துக்கு சீனா உறுதுணையாக உள்ளது. இந்தியாவின் போராட்டத்துக்கு தன்னால் முடிந்த அனைத்து உதவிகளையும் சீனா வழங்கும்’ என்று தெரிவித்துள்ளாா்.
ஆக்சிஜன் ஜெனரேட்டா்கள் அனுப்பிவைப்பு: ‘கடந்த ஒரு மாதத்தில் சீனாவில் இருந்து இந்தியாவுக்கு 26,000 செயற்கை சுவாகக் கருவிகள் (வெண்டிலேட்டா்) மற்றும் ஆக்சிஜன் உற்பத்தி இயந்திரங்கள் (ஆக்சிஜன் ஜெனரேட்டா்), 3,800 டன் மருந்துகள், மருத்துவ உபகரணங்கள் உள்ளிட்டவை அனுப்பி வைக்கப்பட்டுள்ளன’ என்று சீன வெளியுறவுத் துறை அமைச்சா் வாங் வென்பின் பெய்ஜிங்கில் செய்தியாளா்களிடம் தெரிவித்தாா்.