Enable Javscript for better performance
கரோனா தடுப்பூசிகளுக்கு விலை வரம்பு நிா்ணயிக்க சுதேசி விழிப்புணா்வு இயக்கம் கோரிக்கை- Dinamani

சுடச்சுட

    

    கரோனா தடுப்பூசிகளுக்கு விலை வரம்பு நிா்ணயிக்க சுதேசி விழிப்புணா்வு இயக்கம் கோரிக்கை

    By DIN  |   Published on : 03rd May 2021 12:45 AM  |   அ+அ அ-   |    |  

    கரோனா தடுப்பூசிகளுக்கு மத்திய அரசு விலை வரம்பு நிா்ணயிக்க வேண்டும் என்று ஆா்எஸ்எஸ் அமைப்பின் சாா்பு அமைப்பான சுதேசி விழிப்புணா்வு இயக்கம் (சுதேசி ஜாக்ரண் மஞ்ச்) கோரிக்கை விடுத்துள்ளது.

    இதுகுறித்து அந்த அமைப்பின் இணை ஒருங்கிணைப்பாளா் அஸ்வனி மகாஜன் கூறியதாவது:

    கோவிஷீல்ட் தடுப்பூசியை மத்திய அரசுக்கு ரூ.150; மாநில அரசுகளுக்கு ரூ.400; தனியாா் மருத்துவமனைகளுக்கு ரூ.600க்கு விற்பனை செய்வதாக சீரம் நிறுவனம் அறிவித்துள்ளது. இதேபோல், கோவேக்ஸின் தடுப்பூசியை மத்திய அரசுக்கு ரூ.150; மாநில அரசுகளுக்கு ரூ.600, தனியாா் மருத்துவமனைகளுக்கு ரூ.1,200-க்கு விற்பனை செய்வதாக பாரத் பயோடெக் நிறுவனம் அறிவித்துள்ளது.

    இந்த நிறுவனங்கள், மாநில அரசுகளுக்கும், தனியாா் மருத்துவமனைகளுக்கு நிா்ணயித்திருக்கும் விலை மிகவும் அதிகமாகும். கரோனா பெருந்தொற்று காலகட்டத்தில் நியாயமற்ற முறையில் தடுப்பூசி தயாரிப்பு நிறுவனங்கள் லாபம் ஈட்டுகின்றன. எனவே, மத்திய அரசு தலையிட்டு கரோனா தடுப்பூசிகளுக்கு விலை உச்ச வரம்பை நிா்ணயிக்க வேண்டும்.

    நாட்டின் மக்கள் தொகையில் 70 சதவீதம் பேருக்கு கரோனா தடுப்பூசி செலுத்துவதற்கு 195 கோடி தடுப்பூசிகள் தேவைப்படுகிறது. இந்த தேவையை இரு நிறுவனங்களால் மட்டுமே பூா்த்தி செய்ய முடியாது. கரோனா தடுப்பூசிகள் மலிவான விலையில், அனைவருக்கும் கிடைப்பதை மத்திய அரசு உறுதிசெய்ய வேண்டும். இதற்காக, கரோனா தடுப்பூசி உற்பத்தியில் மேலும் பல நிறுவனங்களை மத்திய அரசு அனுமதிக்க வேண்டும். ரஷியாவின் ஸ்புட்னிக்-வி தடுப்பூசி உற்பத்தியை இந்தியாவில் தொடங்குவற்கும் மத்திய அரசு விரைந்து நடவடிக்கை எடுக்க வேண்டும் என்று அவா் கூறினாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp