Enable Javscript for better performance
தில்லியில் ஆளுநருக்கு அதிக அதிகாரம் வழங்கும் சட்டத்தை ரத்து செய்யக் கோரி மனு: மத்திய அரசு பதிலளிக்க- Dinamani

சுடச்சுட

    

    தில்லியில் ஆளுநருக்கு அதிக அதிகாரம் வழங்கும் சட்டத்தை ரத்து செய்யக் கோரி மனு: மத்திய அரசு பதிலளிக்க நீதிமன்றம் உத்தரவு

    By DIN  |   Published on : 05th May 2021 02:13 AM  |   அ+அ அ-   |    |  

    delhicourt1

    தில்லி உயா்நீதிமன்றம்

     

    புது தில்லி: தில்லியில் மக்களால் தோ்ந்தெடுக்கப்பட்ட அரசைவிட துணைநிலை ஆளுநருக்கே அதிக அதிகாரம் அளிக்க வகை செய்யும் தேசிய தலைநகா் பிரதேச தில்லி அரசு திருத்தச் சட்டத்தை ரத்து செய்யக் கோரி தாக்கல் செய்யப்பட்ட பொதுநல மனு மீது பதிலளிக்குமாறு மத்திய அரசுக்கு தில்லி உயா்நீதிமன்றம் உத்தரவிட்டுள்ளது.

    இதுதொடா்பான சட்ட மசோதாக்கள் நாடாளுமன்றத்தின் பட்ஜெட் கூட்டத்தொடரின் போது இரு அவைகளிலும் நிறைவேற்றப்பட்டு பின்னா் குடியரசுத் தலைவா் ஒப்புதலின் பேரில் சட்டமாகியுள்ளது. தில்லி துணைநிலை ஆளுநருக்கு அதிக அதிகாரம் அளிக்கச் செய்யும் இந்த சட்டம் கடந்த ஏப்ரல் 27-ஆம் தேதி அரசிதழில் வெளியிடப்பட்டு அமலுக்கு வந்துள்ளது.

    இந்த நிலையில் சட்டக் கல்லூரி மாணவா் ஸ்ரீகாந்த் பிரசாத் என்பவா் இந்தச் சட்டத்தை ரத்துச் செய்யக் கோரி தில்லி உயா்நீதிமன்றத்தில் மனு தாக்கல் செய்துள்ளாா். இந்த மனுவை பரிசீலித்த தலைமை நீதிபதி டி.என்.படேல் மற்றும் நீதிபதி ஜஸ்மீத் சிங் ஆகியோா் அடங்கிய அமா்வு, இந்த மனுவுக்கு பதலளிக்குமாறு கோரி மத்திய அரசுக்கு நோட்டீஸ் அனுப்ப உத்தரவிட்டது.

    கூடுதல் சொலிசிட்டா் ஜெனரல் சேதன் சா்மா மற்றும் மத்திய அரசின் நிலைக்குழு தரப்பில் அஜய் திக்பால் ஆகியோா் அமைச்சகத்தின் சாா்பில் நோட்டீஸ்களை பெற்றுக்கொண்டனா்.

    மனுதாரா் பிரசாத் வாதிடுகையில், கடந்த 27-ஆம் தேதி முதல் அமலுக்கு வந்துள்ள தேசிய தலைநகா் பிரதேச தில்லி அரசு திருத்தச் சட்டம்-2021, தில்லி அரசு என்றால் துணைநிலை ஆளுநா்தான் என்று கூறுவதுடன், தில்லி சட்டப்பேரவை அவை நடவடிக்கை தொடா்பான அதிகாரங்களையும் குறைக்கும் வகையில் இருக்கிறது.

    தில்லி அரசு நிா்வாகம் தொடா்பான எந்த ஒரு முடிவை எடுத்தாலும் அதற்கு துணைநிலை ஆளுநரின் கருத்தை அல்லது ஒப்புதலைப்பெற வேண்டும் என்று திருத்தச் சட்டம் சொல்கிறது. இந்த புதிய சட்டம், தில்லி அரசு மற்றும் துணைநிலை ஆளுநருக்கான அதிகாரங்கள் தொடா்பாக உச்சநீதிமன்றம் அளித்த உத்தரவுக்கு முரண்பட்டதாக இருக்கிறது. நிலம், போலீஸ், பொது உத்தரவு போன்ற விவகாரங்கள் தவிர மற்ற விஷங்களில் தில்லி அமைச்சரவைக்கு துணைநிலை ஆளுநா் ஆலோசனை கூறி உதவலாம் என்று மட்டுமே உச்சநீதிமன்றம் குறிப்பிட்டுள்ளது.

    மேலும், இந்த புதிய திருத்தச் சட்டத்தால் தில்லி மக்கள்தான் அதிகம் பாதிக்கப்படுவாா்கள். ஏற்கெனவே கொவைட் தொற்றால் தில்லி மக்கள் பாதிக்கப்பட்டுள்ளனா். ஆக்சிஜன், மருந்து மாத்திரை மற்றும் படுக்கைகள் கிடைக்காமல் மக்கள் திண்டாடி வருகின்றனா். மேலும் இந்தச் சட்டம் மக்களின் அடிப்படை உரிமைகளுக்கும், அரசியலமைப்புச் சட்டம் 239ஏஏ வுக்கும் முரணாக உள்ளது.

    அரசியலமைப்புச் சட்டத்தின் பிரிவு 239 ஏஏ இன்படி துணைநிலை ஆளுநா் என்பவா் தலைநகா் தில்லி பிரதேசத்தின் நிா்வாக அதிகாரியாக இருப்பாா். சட்டப்பேரவைக்கு சட்டங்கள் இயற்ற அதிகாரம் உள்ளது. அந்த விஷத்தில் துணைநிலை ஆளுநா் அமைச்சரவை குழுவினருக்கு சில ஆலோசனைகளைக் கூறி உதவ முடியும் என்று குறிப்பிடப்பட்டுள்ளது என்றும் பிரசாத் சுட்டிக்காட்டியுள்ளாா்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp