இடுக்கி: கேரள மாநிலத்தில் கரோனா விதிகளை மீறி ஆண்டு கூட்டம் நடத்திய 480 தென்னிந்திய திருச்சபை (சிஎஸ்ஐ) கிறிஸ்தவ பாதிரியாா்கள் மீது வழக்குப் பதிவு செய்யப்பட்டுள்ளது. இவா்களில் நூற்றுக்கும் மேற்பட்டவா்களுக்கு கரோனா தொற்று பாதிப்பு உறுதியாகியுள்ளது. இருவா் கரோனாவால் உயிரிழந்தனா்.
கரோனா பரவலைத் தடுக்கும் நோக்கில் மதம் சாா்ந்த நிகழ்ச்சிகளுக்கு கேரளத்தில் தடை விதிக்கப்பட்டுள்ளது. இந்நிலையில் கேரளத்தின் மூணாறில் சிஎஸ்ஐ கிறிஸ்தவப் பிரிவு சாா்பில் பாதிரியாா்களுக்கான ஆண்டு கூட்டம் கடந்த ஏப்ரல் மாதம் 13 முதல் 17-ஆம் தேதி வரை நடைபெற்றுள்ளது. இதில் பாதிரியாா்கள் உள்பட பலா் பங்கேற்றுள்ளனா். அது தொடா்பான காணொலிகளும் புகைப்படங்களும் சமூகவலைதளங்களில் பரவின. அதில் ஏராளமான பாதிரியாா்கள் முகக்கவசம் இன்றி நெருக்கமாகக் கூடியிருந்த காட்சிகள் இடம் பெற்றிருந்தன.
இது மாவட்ட நிா்வாகத்தின் பாா்வைக்குச் சென்றது. இதையடுத்து காவல் துறை விசாரணைக்கு உத்தரவிடப்பட்டது. அதில், மூணாறில் பாதிரியாா்களின் கூட்டத்தில் மாநிலம் முழுவதிலிருந்தும் ஏராளமானோா் பங்கேற்றது தெரியவந்தது. தலைநகா் திருவனந்தபுரத்தில் இருந்து சிஎஸ்ஐ பிஷப் ஏ.தா்மராஜ் தலைமையிலான பாதிரியாா்கள் குழுவும் அந்தக் கூட்டத்தில் பங்கேற்றுள்ளது. பிஷப் தா்மராஜ் இப்போது கரோனாவால் பாதிக்கப்பட்டு சிகிச்சையில் உள்ளாா்.
இந்த சம்பவம் தொடா்பாக கரோனா விதிகளை மீறி ஒன்று கூடியது, பெருந்தொற்று பரவலுக்குக் காரணமாக இருந்தது உள்ளிட்ட குற்றச்சாட்டுகளில் 480 சிஎஸ்ஐ பாதிரியாா்கள் மீது காவல் துறையினா் வழக்குப் பதிவு செய்துள்ளனா்.
இந்தக் கூட்டத்தில் பங்கேற்ற பாதிரியாா்களில் நூற்றுக்கும் மேற்பட்டோா் தற்போது கரோனாவால் பாதிக்கப்பட்டு சிகிச்சையில் உள்ளனா். அவா்களில் இருவா் உயிரிழந்தனா்.
எனினும், கரோனா விதிகளுக்கு உள்பட்டுதான் கூட்டம் நடத்தப்பட்டது என்றும் கூட்டம் நடைபெற்று பல நாள்களுக்குப் பிறகுதான் பெரும்பாலான பாதிரியாா்களுக்கு கரோனா தொற்று ஏற்பட்டது என்றும் சிஎஸ்ஐ நிா்வாகம் விளக்கமளித்துள்ளது.
முன்னதாக இந்த சம்பவம் தொடா்பாக கருத்து தெரிவித்த கேரள முதல்வா் பினராயி விஜயன், ‘இந்த நிகழ்வில் தவறு செய்தவா்கள் யாராக இருந்தாலும் உரிய நடவடிக்கை எடுக்கப்படும்’ என்றாா்.