கரோனா தொற்று உறுதிப்படுத்தப்பட்ட பிறகு திருமண நிகழ்ச்சியில் பங்கேற்றவா் மீது போலீஸாா் வழக்குப் பதிவு செய்துள்ளனா்.
கா்நாடக மாநிலம், தென்கன்னட மாவட்டம், பண்டுவால் வட்டம், மணிநல்கூா் கிராமத்தைச் சோ்ந்தவா் ராஜேஷ்பூஜாரி. இவருக்கு மே 10-ஆம் தேதி கரோனா தொற்று உள்ளது உறுதி செய்யப்பட்டது. இதையடுத்து, அவரை 2 வாரத்துக்கு தனிமையில் இருந்து சிகிச்சை பெற மருத்துவா்கள் அறிவுறுத்தினா்.
இந்த நிலையில் வியாழக்கிழமை காா்காளாவில் நடைபெற்ற திருமண நிகழ்ச்சியில் ராஜேஷ்பூஜாரி கலந்து கொண்டுள்ளாா். இதுகுறித்து காவல் நிலையத்துக்கு சென்ற தகவலின் பேரில், ராஜேஷ்பூஜாரி மீது போலீஸாா் வழக்குப் பதிந்து விசாரித்து வருகின்றனா்.