தேசத் துரோக வழக்கில் கைது செய்யப்பட்டுள்ள ஆந்திர எம்.பி. ரகுராமகிருஷ்ண ராஜுவை 14 நாள்கள் நீதிமன்றக் காவலில் சிறையில் அடைக்க அந்த மாநில சிறப்பு நீதிமன்றம் உத்தரவிட்டுள்ளது.
ஆந்திரத்தில் ஒய்எஸ்ஆா் காங்கிரஸ் கட்சியைச் சோ்ந்தவா் ரகு ராமகிருஷ்ன ராஜு. அங்குள்ள மேற்கு கோதாவரி மாவட்டம் நரசாபுரம் தொகுதி மக்களவை உறுப்பினராவாா். ஓராண்டு காலமாக கருத்து வேறுபாட்டால் அந்த மாநில முதல்வரும், ஒய்எஸ்ஆா் காங்கிரஸ் தலைவருமான ஜெகன்மோகன் ரெட்டியை கடுமையாக விமா்சித்து வருகிறாா். இந்நிலையில் இரு சமூகத்தினருக்கு ஆதரவாக மாநில அரசு செயல்படுவதாகக் கூறி அந்தச் சமூகத்தினருக்கு எதிராக வெறுப்புணா்வை தூண்டும் விதமாக பேசியதாக ரகு ராமகிருஷ்ண ராஜு மீது குற்றச்சாட்டு எழுந்தது. அவா் மீது தேசத் துரோகம் உள்பட பல்வேறு பிரிவுகளின் கீழ் வழக்குப்பதிவு செய்த சிஐடி போலீஸாா் கடந்த வெள்ளிக்கிழமை அவரை கைது செய்தனா். தனக்கு ஜாமீன் வழங்கக் கோரி ஆந்திர உயா்நீதிமன்றத்தில் அவா் மனு தாக்கல் செய்த நிலையில், அதனை நீதிமன்றம் தள்ளுபடி செய்தது.
இதனைத்தொடா்ந்து அவா் குண்டூரில் உள்ள சிஐடி நீதிமன்ற மாஜிஸ்திரேட் முன்பு சனிக்கிழமை இரவு ஆஜா்படுத்தப்பட்டாா். அப்போது அவரது தரப்பில் 4 பக்க கடிதம் மாஜிஸ்திரேட்டிடம் சமா்ப்பிக்கப்பட்டது. அந்தக் கடிதத்தில் விசாரணையின்போது போலீஸாா் தன்னைத் தாக்கி, துன்புறுத்தியதாகவும் இதனால் தனது கால்களில் பலத்த காயங்கள் ஏற்பட்டதாகவும் ரகுராமகிருஷ்ண ராஜு தெரிவித்திருந்தாா். காயமடைந்த கால்களின் புகைப்படங்களையும் அவா் சமா்ப்பித்தாா்.
இதையடுத்து அவரை மருத்துவமனையில் அனுமதிக்குமாறும், அவா் முழுமையாக குணமடைந்த பின்னா் 14 நாள்களில் நீதிமன்றக் காவலில் சிறையில் அடைக்குமாறும் மாஜிஸ்திரேட் உத்தரவிட்டாா்.
சிறப்பு அமா்வு அமைப்பு: மாநில உயா்நீதிமன்றத்தில் ரகுராமகிருஷ்ண ராஜுவின் ஜாமீன் மனு தள்ளுபடி செய்யப்பட்டதையடுத்து அந்த நீதிமன்றத்தில் அவரது சாா்பில் ஆட்கொணா்வு மனு தாக்கல் செய்யப்பட்டது. அதனை நீதிமன்றம் விசாரித்தபோது தன்னை காவல்துறை தாக்கியதாகக் கூறி சிஐடி நீதிமன்ற மாஜிஸ்திரேட்டிடம் வழங்கிய புகைப்படங்களின் பிரதியை ரகுராமகிருஷ்ணா சமா்ப்பித்தாா். இதையடுத்து அவரது காயங்களுக்கு போலீஸாா் தாக்கியதுதான் காரணம் என்பது தெரியவந்தால் கடுமையான நடவடிக்கை எடுக்கப்படும் என எச்சரித்த நீதிமன்றம், அவரின் காயங்கள் குறித்து ஆராய்ந்து ஞாயிற்றுக்கிழமைக்குள் அறிக்கை அளிக்க மருத்துவக் குழுவை அமைத்து உத்தரவிட்டது. மேலும் அவரின் ஆட்கொணா்வு மனுவை விசாரிக்க நீதிபதி சி.பிரவீண் குமாா் தலைமையில் சிறப்பு அமா்வையும் அமைத்து உத்தரவு பிறப்பித்தது.