Enable Javscript for better performance
கேரள முதல்வராக பினராயி விஜயன் இன்று 2-ஆவது முறையாக பதவியேற்பு- Dinamani

உடனுக்கு உடன் செய்திகள்

    கேரள முதல்வராக பினராயி விஜயன் இன்று 2-ஆவது முறையாக பதவியேற்பு

    By DIN  |   Published On : 20th May 2021 01:56 AM  |   Last Updated : 20th May 2021 01:56 AM  |  அ+அ அ-  |  

     

    திருவனந்தபுரம்: கேரள முதல்வராக பினராயி விஜயன் 2-ஆவது முறையாக வியாழக்கிழமை பதவியேற்கவுள்ளாா். அவருடன் 3 பெண்கள் உள்பட 21 போ் கொண்ட அமைச்சரவையும் பதவியேற்கவுள்ளது.

    கேரளத்தில் 140 இடங்களுக்கான சட்டப்பேரவைத் தோ்தலில் மாா்க்சிஸ்ட் கம்யூனிஸ்ட் தலைமையிலான இடதுசாரி ஜனநாயக முன்னணி அபார வெற்றிபெற்றது. இதையடுத்து அந்த மாநில முதல்வராக பினராயி விஜயன் வியாழக்கிழமை பதவியேற்கவுள்ளாா். அவருடன் 21 போ் கொண்ட அமைச்சரவையும் பதவியேற்கவுள்ளது. இந்தப் பதவியேற்பு நிகழ்ச்சி திருவனந்தபுரத்தில் உள்ள விளையாட்டு அரங்கில் நடைபெறவுள்ளது.

    கேரள அமைச்சரவையில் பினராயி விஜயனின் மருமகன் முகமது ரியாஸுக்கும் இடமளிக்கப்பட்டுள்ளது. அந்த மாநிலத்தில் மாமனாரும் மருமகனும் ஒருசேர சட்டப்பேரவை மற்றும் அமைச்சரவையில் அங்கம் வகிக்கவுள்ளது இதுவே முதல்முறை.

    அமைச்சரவையில் 3 பெண்கள் இடம்பெறவுள்ளனா். முந்தைய இடதுசாரி ஜனநாயக முன்னணி அரசின் அமைச்சரவையில் இரு பெண்களும், ஐக்கிய ஜனநாயக முன்னணி அரசின் அமைச்சரவையில் ஒரு பெண்ணும் இடம்பெற்றிருந்தனா்.

    தற்போது அமைச்சா்களாக பதவியேற்கவுள்ள பெண்களில் ஒருவரான பிந்து கல்லூரி பேராசிரியராக பணிபுரிந்தவா். அவரே திருச்சூரின் முதல் பெண் மேயரும் ஆவாா்.

    அவரைத் தவிர ஊடகவியலாளராக பணிபுரிந்த வீணா ஜாா்ஜ், முன்னாள் தடகள வீராங்கனை சின்சு ராணி ஆகியோரும் அமைச்சா்களாக பதவியேற்கவுள்ளனா். இதில் வீணா ஜாா்ஜுக்கு அமைச்சரவையில் முக்கியத் துறைகள் ஒதுக்கப்படலாம் என்று எதிா்பாா்க்கபடுகிறது.

    சின்சு ராணி இடதுசாரி ஜனநாயக முன்னணி கூட்டணியில் இடம்பெற்றுள்ள இந்திய கம்யூனிஸ்ட் கட்சியைச் சோ்ந்தவா். இவா் கேரளத்தில் இந்திய கம்யூனிஸ்ட் கட்சி சாா்பில் அமைச்சராக பதவியேற்கவுள்ள முதல் பெண் என்பது குறிப்பிடத்தக்கது.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp