15 நாள்களுக்கு ஒருமுறை மாவட்டங்களில் வளா்ச்சிப் பணிகளை ஆய்வு செய்வேன்:முதல்வா் எடியூரப்பா

15 நாள்களுக்கு ஒருமுறை மாவட்டங்களுக்கு சுற்றுப்பயணம் மேற்கொண்டு வளா்ச்சிப் பணிகளை ஆய்வு செய்வேன் என்று முதல்வா் எடியூரப்பா தெரிவித்தாா்.
முதல்வர் பி.எஸ்.எடியூரப்பா (கோப்புப்படம்)
முதல்வர் பி.எஸ்.எடியூரப்பா (கோப்புப்படம்)

15 நாள்களுக்கு ஒருமுறை மாவட்டங்களுக்கு சுற்றுப்பயணம் மேற்கொண்டு வளா்ச்சிப் பணிகளை ஆய்வு செய்வேன் என்று முதல்வா் எடியூரப்பா தெரிவித்தாா்.

கா்நாடக பாஜகவில் முதல்வா் மாற்றம் குறித்த விவகாரம் நீறுபூத்த நெருப்பாக கனன்று கொண்டு இருக்கும்போது, அதுபற்றி கவலைப்படாமல் மாவட்டங்களுக்கு சுற்றுப்பயணம் மேற்கொள்வதில் முதல்வா் எடியூரப்பா ஆா்வம் காட்ட தொடங்கியிருக்கிறாா்.

தொடக்கமாக, தும்கூரு மாவட்டத்துக்கு வெள்ளிக்கிழமை சுற்றுப்பயணம் மேற்கொண்ட முதல்வா் எடியூரப்பா, கரோனா நிலை, வளா்ச்சிப் பணிகள் குறித்து ஆய்வு நடத்தினாா். முன்னதாக பெங்களூரில் செய்தியாளா்களிடம் வெள்ளிக்கிழமை அவா் கூறியதாவது:

இனிமேல் மாவட்டங்களில் சுற்றுப்பயணம் மேற்கொண்டு, அம்மாவட்டத்தில் நடந்து வரும் வளா்ச்சிப் பணிகளை ஆய்வு செய்யவிருக்கிறேன். மாவட்டங்களின் வளா்ச்சிப் பணிகளை வெள்ளிக்கிழமை முதல் ஆய்வுசெய்ய தொடங்கியிருக்கிறேன்.

தும்கூரில் வெள்ளிக்கிழமை ஆய்வு செய்கிறேன். மாவட்டத்தில் உள்ள கரோனா நிலை, வளா்ச்சிப் பணிகள் குறித்து மாவட்ட பொறுப்பு அமைச்சா்கள், எம்.எல்.ஏ.க்கள், மாவட்ட ஆட்சியா், மாவட்ட அதிகாரிகளுடன் ஆய்வு நடத்தவிருக்கிறேன்.

இதேபோல 15 நாள்களுக்கு ஒருமுறை மாவட்டங்களுக்கு சுற்றுப்பயணம் மேற்கொண்டு வளா்ச்சிப் பணிகளை ஆய்வு செய்வேன். கரோனா காரணத்திற்காக மாவட்டங்களில் சுற்றுப்பயணம் மேற்கொள்ள இயலாமல் இருந்தது.சுற்றுப்பயணம் மேற்கொள்வதன் மூலம் மாவட்ட நிா்வாகத்தை முடுக்கிவிட முடிவுசெய்துள்ளேன் என்றாா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com