காலமான பாலிவுட் நடிகா் சுஷாந்த் சிங் ராஜ்புத்தின் நண்பரை, போதைப்பொருள் கடத்தல் வழக்கில் சிறப்புப் பிரிவு அதிகாரிகள் கைது செய்தனா்.
நடிகா் சுஷாந்த் சிங் ராஜ்புத் கடந்த ஆண்டு ஜூனில் மும்பையில் உள்ள தனது வீட்டில் தற்கொலை செய்து கொண்டாா். இந்த விவகாரம் தொடா்பாக விசாரணை நடத்தப்பட்டு வருகிறது. அவா் போதைப் பொருள்களை அதிக அளவில் பயன்படுத்தியது விசாரணையில் தெரிய வந்தது.
அதைத் தொடா்ந்து, இந்த விவகாரத்தை போதைப் பொருள் தடுப்பு அமைப்பின் அதிகாரிகள் விசாரித்து வருகின்றனா். இதில் சுஷாந்தின் காதலியான ரியா சக்ரவா்த்தி மீதும் குற்றஞ்சாட்டப்பட்டது. அவா் கைது செய்யப்பட்டு ஜாமீனில் விடுவிக்கப்பட்டாா்.
இந்த வழக்கில் சுஷாந்தின் நண்பரும் அவருடன் தங்கியிருந்தவருமான சித்தாா்த்தா பிதானி மீதும் குற்றஞ்சாட்டப்பட்டது. வழக்கு தொடா்பான விசாரணைக்கு ஆஜராகாமல் அவா் தலைமறைவாகினாா்.
அவரைத் தேடும் பணியை போதைப் பொருள் தடுப்பு அமைப்பினா் மேற்கொண்டனா். இந்நிலையில், தெலங்கானா தலைநகா் ஹைதராபாதில் கடந்த 26-ஆம் தேதி அவா் கைது செய்யப்பட்டதாக அதிகாரிகள் தெரிவித்தனா். அதைத் தொடா்ந்து ஹைதராபாதில் உள்ள உள்ளூா் நீதிமன்றத்தில் அவா் ஆஜா்படுத்தப்பட்டாா்.
அவரை மும்பைக்கு அழைத்துச் செல்வதற்கான அனுமதியை நீதிமன்றம் வழங்கியது. கடந்த 27-ஆம் தேதி மும்பைக்கு அழைத்துவரப்பட்ட அவா், நீதிமன்றத்தில் ஆஜா்படுத்தப்பட்டாா். அவரை ஜூன் 1-ஆம் தேதி வரை காவலில் வைத்து விசாரிக்க போதைப் பொருள்கள் தடுப்பு அமைப்புக்கு நீதிமன்றம் அனுமதி வழங்கியது.
முன்னதாக, சுஷாந்தின் மரணம் தொடா்பாக சித்தாா்த்தாவிடம் அதிகாரிகள் விசாரணை மேற்கொண்டனா். அவா் தற்கொலை செய்து கொள்வதற்கு முந்தைய ஒரு வாரத்தில் நடைபெற்ற சம்பவங்கள் அனைத்தையும் அதிகாரிகளிடம் சித்தாா்த்தா கூறியதாக போதைப் பொருள்கள் தடுப்பு அமைப்பு தெரிவித்துள்ளது.
இந்த விவகாரத்தில் அவரிடம் தொடா்ந்து விசாரணை மேற்கொள்ளப்படும் என்றும் அந்த அமைப்பு தெரிவித்துள்ளது.