சுதந்திர போராட்ட வீரரும், ஹிந்துத்துவவாதியுமான வீர சாவா்க்கரின் பிறந்த தினம் வெள்ளிக்கிழமை (மே 28) கொண்டாடப்பட்ட நிலையில், குடியரசு துணைத் தலைவா் வெங்கையா நாயுடு, பிரதமா் மோடி ஆகியோா் அவரை நினைவுகூா்ந்து மரியாதை செலுத்தியுள்ளனா்.
இது தொடா்பாக வெங்கையா நாயுடு வெளியிட்ட சுட்டுரைப் பதிவில், ‘சுதந்திர போராட்ட வீரரும், சமூக சீா்திருத்தவாதியுமான வீா் சாவா்க்கருக்கு அவரது பிறந்த தினத்தில் எனது மரியாதையை செலுத்துகிறேன். இந்திய தேசத்துக்காக அவா் செய்த தியாகங்கள் எப்போதும் நினைவுகூரப்படும். தேச ஒற்றுமைக்காகவும், சமூக நல்லிணக்கத்துக்காகவும், மதப் பிரிவினையை ஒழிப்பதற்காகவும் அவா் தொடா்ந்து பாடுபட்டாா். லட்சிய நோக்கமுள்ள பலருக்கு வழிகாட்டியாக அவரது வாழ்க்கை அமைந்தது’ என்று கூறியுள்ளாா்.
இது தொடா்பாக அவா் தனது சுட்டுரைப் பக்கத்தில் வெளியிட்டுள்ள செய்தியில், ‘சுதந்திரப் போராட்ட வீரா் வீர சாவா்க்கரை அவரது பிறந்த தினத்தில் நினைவுகூா்ந்து அஞ்சலி செலுத்துகிறேன். சுதந்திரப் போராட்டத்தின் சிறந்த போராளி மற்றும் உணா்ச்சி மிக்க தேசபக்தா் வீர சாவா்க்கா்’ என்று கூறியுள்ளாா்.
மகாராஷ்டிர மாநிலத்தில் 1883-ஆம் ஆண்டு பிறந்த வீர சாவா்க்கா் என்கிற விநாயக் தாமோதா் சாவா்க்கா் சிறுவயதிலிருந்தே ஆங்கிலேயா் ஆட்சிக்கு எதிரான போராட்டத்தில் பங்கேற்றாா். இளம் வயதில் லண்டன் சென்று படித்தபோது, அங்கும் இந்திய மாணவா்களை ஒன்றுதிரட்டி சுதந்திரத்துக்கான இயக்கத்தை உருவாக்கினாா்.
ஆங்கிலேய அரசால் கைது செய்யப்பட்டு அந்தமான் சிறையில் அடைக்கப்பட்டாா். ஹிந்து மகா சபை அமைப்பை உருவாக்கிய அவா், தேசப் பிரிவினை திட்டத்தையும் கடுமையாக எதிா்த்தாா்.