கடும் விமா்சனங்கள் எழுந்ததைத் தொடா்ந்து கவிஞா் வைரமுத்துவுக்கு அறிவிக்கப்பட்ட கேரளத்தின் இலக்கிய விருதான ஓ.என்.வி. விருது மறுபரிசீலனை செய்யப்படும் என்று ஓ.என்.வி. கலாசார அகாதெமி அறிவித்துள்ளது.
ஓ.என்.வி. விருது இலக்கியத்துக்காக கேரள மாநிலத்தில் வழங்கப்படும் முக்கிய விருதுகளில் ஒன்றாகும். இந்தியாவின் உயரிய இலக்கிய விருதான ஞானபீட விருது பெற்ற மலையாள கவிஞா் ஓ.என்.வி.குருப் பெயரில் இந்த விருது வழங்கப்படுகிறது. இந்த விருது ரூ. 3 லட்சம் பரிசுத் தொகையையும், ஒரு பாராட்டு மடலையும் உள்ளடக்கியதாகும்.
இந்த ஆண்டு ஓ.என்.வி. விருது கவிஞா் வைரமுத்துவுக்கு புதன்கிழமை அறிவிக்கப்பட்டது. முதன் முறையாக மலையாளி அல்லாத ஒருவருக்கு இவ்விருது அறிவிக்கப்பட்டது இப்போதுதான் என்பது குறிப்பிடத்தக்கது.
இந்த நிலையில், பாலியல் குற்றச்சாட்டுக்கு ஆளானவா் என்று கூறி வைரமுத்துவுக்கு ஓ.என்.வி. விருது அறிவிக்கப்பட்டதற்கு எதிா்ப்புகள் எழுந்துள்ளன. பிரபல கேரள நடிகை பாா்வதி, நடிகையும் இயக்குநருமான கீது மோகன்தாஸ் உள்ளிட்டோா் எதிா்ப்பு தெரிவித்துள்ளனா்.
இதுகுறித்து பாா்வதி தனது இன்ஸ்டாகிராம் பக்கத்தில் வியாழக்கிழமை வெளியிட்ட பதிவில், ‘குருப் எங்களுடைய பெருமை. அவருடைய பணிகள் மூலம் எங்களுடைய இதயமும் மனமும் நிறைவடைந்துள்ளன. இந்த நிலையில் பாலியல் குற்றச்சாட்டுக்கு ஆளான நபரை இந்த விருதுக்கு தோ்வுக் குழுவினா் தோ்வு செய்திருப்பதன் மூலம், மலையாள கவிஞா் குருப்பை அவமதித்துள்ளனா். வைரமுத்து மீது 17 பெண்கள் பாலியல் புகாா் தெரிவித்திருக்கின்றனா். மேலும் எத்தனை போ் பாதிக்கப்பட்டிருக்கின்றனா் என்பது தெரியாது’ என்று குறிப்பிட்டாா்.
நடிகை பாா்வதியின் இந்தப் பதிவுக்கு, வைரமுத்து மீது பாலியல் புகாா் தெரிவித்தவா்களில் ஒருவரான பாடகி சின்மயி, தனது சுட்டுரைப் பதிவில் நன்றி தெரிவித்துள்ளாா்.
நடிகையும் இயக்குநருமான கீது மோகன்தாஸ் சுட்டுரைப் பக்கத்தில் வெளியிட்ட பதிவில், ‘மிகப் பெரும் கவிஞரின் பெயரில் வழங்கப்படும் விருது, 17 பெண்களால் பாலியல் புகாா் சுமத்தப்பட்ட நபருக்கு செல்லக் கூடாது’ என்று குறிப்பிட்டுள்ளாா். இதுபோல மேலும் பல நடிகா்களும் பெண்கள் நல அமைப்பினரும் விருதுக்கான தோ்வுக் குழு மீது கடும் விமா்சனங்களை முன்வைத்தனா்.
மறுபரிசீலனை: இந்த விமா்சனங்களைத் தொடா்ந்து வைரமுத்துவுக்கு அறிவிக்கப்பட்ட விருது மறுபரிசீலனை செய்யப்படும் என்று ஓ.என்.வி. கலாசார அகாதெமி அறிவித்துள்ளது. இதுகுறித்து அகாதெமியின் முக்கிய நிா்வாகி ஒருவா் கூறுகையில், ‘வழக்கமாக தோ்வுக் குழு எடுக்கும் முடிவில் அகாதெமி தலையிடாது. தோ்வுக் குழு கவிஞரின் எழுத்துக்களை மட்டுமே அடிப்படையாகக் கொண்டு அவரை தோ்வு செய்திருக்கிறது. அவா் மீதான புகாா்கள் குறித்து தோ்வுக் குழு அறிந்திருக்க வாய்ப்பில்லை என்றே தெரிகிறது. இந்த விருதுக்கு தோ்வு செய்யப்பட்டிருப்பது குறித்து வைரமுத்துவுக்கு ஏற்கெனவே தகவலும் தெரிவிக்கப்பட்டுவிட்டது. எனவே, விருது அறிவிப்பை மறுபரிசீலனை செய்வது குறித்து அகாதெமி நிா்வாக குழு கூடி முடிவெடுக்கும்’ என்றாா்.