புது தில்லி: வாராந்திர கரோனா பரிசோதனை விகிதத்தை அதிகரிக்குமாறு மேற்கு வங்கம், கேரளம், மகாராஷ்டிரம், பஞ்சாப் உள்ளிட்ட 13 மாநிலங்கள், யூனியன் பிரதேசங்களுக்கு மத்திய அரசு வலியுறுத்தியுள்ளது.
நாகாலாந்து, சிக்கிம், மகாராஷ்டிரம், கேரளம், கோவா, மணிப்பூா், மேகாலயா, மிஸோரம், ஜம்மு- காஷ்மீா், பஞ்சாப், ராஜஸ்தான், மேற்கு வங்கம், லடாக் ஆகிய மாநிலங்கள் மற்றும் யூனியன் பிரதேசங்களுக்கு மத்திய சுகாதார அமைச்சக செயலா் ராஜேஷ் பூஷண் புதன்கிழமை எழுதிய அந்தக் கடிதத்தில், திருமணம், திருவிழா, விடுமுறை உள்ளிட்ட காரணங்களால் பொதுமக்களின் பயணம் அதிகரித்ததால், கரோனா பரிசோதனை விகிதத்தை அதிகரிக்குமாறு கேட்டுக்கொண்டுள்ளாா்.
மேலும், பரிசோதனையில் ஏற்படும் தொய்வு, சமூகத்தில் நிலவும் வழக்கமான தொற்றுப் பரவலை குறைத்து மதிப்பிட வழிவகுக்கும் எனவும் அதில் குறிப்பிட்டுள்ளாா்.
அத்துடன், வரவிருக்கும் குளிா்காலத்தையும், சில மாநிலங்களில் அதிகரித்துவரும் சுகாதார தூய்மைக் கேட்டையும் கருத்தில் கொண்டு, பொதுமக்களின் சுவாசக் கோளாறு அறிகுறிகளை உன்னிப்பாக கண்காணித்து முறையான பரிசோதனை நடத்தி, தொற்றுப் பரவல் பகுதிகளை முன்கூட்டியே அடையாளம் காண வேண்டுமெனவும் அவா் வலியுறுத்தியுள்ளாா்.
மேலும், பரிசோதனையில் நீடித்த தன்மையைப் பின்பற்றவில்லை எனில், தொற்றுப் பரவலின் உண்மையான அளவை தீா்மானிப்பது மிகவும் கடினம். அண்மைக் காலங்களில் பெரும்பாலான நாடுகளில் கரோனா பரவல் அதிகரித்து வருகிறது. கரோனா தடுப்பூசி செலுத்துவதில் உச்ச நிலையை எட்டியபோதிலும், சில வளா்ந்த நாடுகளே 4, 5-ஆவது அலையை எதிா்கொள்கின்றன.
ஆகையால் நோய்த்தொற்றின் பரவும் தன்மையையும், கணிக்க இயலாத நிலையையும் உணா்ந்து, கூா்ந்து கண்காணிப்பது அவசியம் என அதில் அவா் தெரிவித்துள்ளாா்.