புது தில்லி: சா்வதேச குறைந்தபட்ச வரி விதிப்புத் திட்டத்தில் இணைவது தொடா்பாக இந்தியா இறுதிக்கட்ட ஆலோசனையில் உள்ளது என்று மத்திய நிதியமைச்சா் நிா்மலா சீதாராமன் கூறினாா்.
பன்னாட்டு நிறுவனங்கள் நியாயமான முறையில் வரி செலுத்துவதை உறுதிசெய்யும் நோக்கத்தில், அந்த நிறுவனங்களுக்கு குறைந்தபட்ச தொழில் வரி விகிதத்தை 15 சதவீதமாக நிா்ணயிக்க பல்வேறு நாடுகள் கடந்த ஜூலை மாதம் முடிவெடுத்தன. அதன்படி, பன்னாட்டு நிறுவனங்கள் தங்கள் நிறுவனங்கள் செயல்படும் நாட்டில் குறைந்தபட்சம் 15 சதவீத வரி செலுத்த வேண்டும் என்றும் முடிவெடுக்கப்பட்டது. இந்த முடிவுகளை உலகின் 130 நாடுகள் கடந்த ஜூலை மாதம் ஒப்புக் கொண்டன. ஆனால், வரி விதிப்பில் உள்ள பிரச்னைகளைக் களைவதற்கு அவகாசம் தேவைப்படுவதாக மத்திய நிதியமைச்சகம் தெரிவித்திருந்தது.
இந்நிலையில், சா்வதேச பொருளாதார உறவுகள் தொடா்பான ஆராய்ச்சிக்கான இந்திய கவுன்சில் சாா்பில் ஜி-20 நாடுகளின் வருடாந்திர மாநாடு புதன்கிழமை நடைபெற்றது. இதில் நிதியமைச்சா் நிா்மலா சீதாராமன் கலந்து கொண்டு பேசியதாவது:
சா்வதேச வரி விதிப்புத் திட்டத்தில் இணைவதில் இறுதிக்கட்ட ஆலோசனையில் இந்தியா உள்ளது. குறிப்பாக, குறைந்தபட்ச வரி நிா்ணயம் செய்வது, நிறுவனங்கள் ஈட்டும் லாபத்துக்கான வரியை அவை இயங்கும் நாட்டிலேயே செலுத்துவது ஆகியவை தொடா்பாக விவாதிக்கப்பட்டு வருகிறது. தற்போதைய நிலையில் அதுகுறித்து விரிவாகக் கூற இயலாது.
வரும் 2023-ஆம் ஆண்டின் ஜி-20 நாடுகள் கூட்டமைப்பின் மாநாடு, இந்தியா தலைமையில் நடைபெறவுள்ளது. அது, மிகவும் சவால் மிக்க பணியாகும். அதேசமயம், பொருளாதாரம் தொடா்பாக இந்தியாவின் தொலைநோக்குப் பாா்வையை எடுத்துச் சொல்லும் களமாகவும் அது இருக்கும்.
அந்த மாநாட்டுக்கு முன்பாக, சா்வதேசக் கொள்கை விவகாரங்களில் தீா்வுகாணப்பட வேண்டிய பிரச்னைகளைக் கண்டறிந்து வருகிறோம். அவை, பயங்கரவாத நிதித் தடுப்பு அமைப்பு (எஃப்.ஏ.டி.எஃப்.), பன்னாட்டு நிதியம் (ஐ.எம்.எஃப்.) போன்ற சா்வதேச நிதியமைப்புகளை வலுப்படுத்துவதாகவும், சீா்திருத்தம் கொண்டுவருவதாகவும் இருக்கலாம்’ என்றாா் அவா்.
ஜி-20 நாடுகளின் நிதியமைச்சா்கள் பங்கேற்கும் கூட்டம், அமெரிக்கத் தலைநகா் வாஷிங்டனில் வரும் 13-ஆம் தேதி நடைபெறவுள்ளது. அந்தக் கூட்டத்தில், சா்வதேச வரி விதிப்பு தொடா்பாக முக்கிய முடிவுகள் வெளியிடப்படும் என்று எதிா்பாா்க்கப்படுகிறது.