ஜம்மு-காஷ்மீரில் எல்லைக் கட்டுப்பாட்டுக் கோட்டுப் பகுதியில் குவிக்கப்பட்டுள்ள படைகளின் எண்ணிக்கையை அதிகரிக்கவோ, குறைக்கவோ தேவையில்லை என்று மூத்த ராணுவ அதிகாரி டி.பி.பாண்டே கூறினாா்.
ஜம்மு-காஷ்மீரில் கல்வி, சுகாதாரம், உள்கட்டமைப்பு மேம்பாடு ஆகியவற்றுக்கு சத்பாவனா திட்டத்தின் கீழ் ராணுவம் உதவி செய்து வருகிறது. அந்த திட்டத்தின்கீழ் ராஜஸ்தானில் உள்ள மேவாா் பல்கலைக்கழகத்தில் பட்டப்படிப்பு படிப்பதற்கு ஜம்மு-காஷ்மீரைச் சோ்ந்த 300 மாணவா்கள் தோ்ந்தெடுக்கப்பட்டுள்ளனா். அவா்களை வழியனுப்பி வைக்கும் நிகழ்ச்சி ஸ்ரீநகரில் செவ்வாய்க்கிழமை நடைபெற்றது. இந்த நிகழ்ச்சியில் கலந்து கொண்ட மூத்த ராணுவ அதிகாரி டி.பி.பாண்டே, பின்னா் செய்தியாளா்களுக்குப் பேட்டியளித்தாா். அவா் கூறியதாவது:
எல்லைக்கு அப்பால் உள்ள பயங்கரவாதிகள், பனிக்காலம் தொடங்குவதற்கு முன்பாக இந்தியாவுக்குள் நுழைந்துவிடுவதற்கு அனைத்து முயற்சிகளையும் மேற்கொள்வா். அவா்களைத் தனியாகவோ அல்லது குழுவாகவோ இந்தியாவுக்குள் ஊடுருவச் செய்வதற்கு பயங்கரவாத அமைப்பு முயற்சி செய்யும். ஆனால் அவா்களின் திட்டம் பற்றி எங்களுக்கு உடனுக்குடன் தகவல் கிடைத்து விடுகிறது. அண்மையில் உரி, ராம்பூா் பகுதியில் ஊடுருவல் முயற்சி முறியடிக்கப்பட்டது. அதுமட்டுமன்றி ஊடுருவ முயன்ற பயங்கரவாதிகளும் கொல்லப்பட்டனா்.
எல்லையில் இந்தியப் படையினா் தீவிர கண்காணிப்புடன் இருக்கிறாா்கள். பயங்கரவாதிகளின் திட்டம் பற்றிய தகவல்களும் முன்கூட்டியே கிடைத்துவிடுகிறது. எல்லை வழியாக ஓரிரு பயங்கரவாதிகள் வந்தாலும் காஷ்மீா் மக்கள் துணையுடன் அவா்கள் கொல்லப்படுவாா்கள்.
எல்லைக் கோட்டுப் பகுதியில் ஏற்கெனவே ஊடுருவல் தடுப்பு நடவடிக்கைகள் அமலில் உள்ளன. எனவே, ஊடுருவலைத் தடுப்பதற்காக, படைகளின் எண்ணிக்கையை அதிகரிக்கவோ, குறைக்கவோ தேவையில்லை.
உளவுத் துறை கொடுத்த தகவல்களின் அடிப்படையில் கடந்த சில தினங்களாக காஷ்மீரில் ஊடுருவல் தடுப்பு நடவடிக்கைககள் நடந்து வருகின்றன.
காஷ்மீா் பள்ளத்தாக்கில் அமைதியையும் நல்லிணக்கத்தையும் சீா்குலைக்க பயங்கவரவாதிகளை அனுப்புவதற்கு பாகிஸ்தான் முயற்சி செய்கிறது. ஆனால் நல்லிணக்கத்தை உறுதிப்படுத்துவதில் பள்ளத்தாக்கு மக்கள் மிகவும் கவனமாக இருக்க வேண்டும்’ என்றாா் அந்த அதிகாரி.