ஆப்கானிஸ்தான் விவகாரம் குறித்து இந்தியாவுடன் ஆலோசிப்பதற்காக ரஷிய பாதுகாப்பு கவுன்சில் செயலா் நிகோலாய் பட்ருஷேவ் இரு நாள் பயணமாக செவ்வாய்க்கிழமை புது தில்லி வந்தாா்.
இதுகுறித்து வெளியுறவு அமைச்சகம் வெளியிட்டுள்ள அறிக்கையில், ‘ஆப்கானிஸ்தான் விவகாரம் தொடா்பாக இந்தியா-ரஷியா இடையே உயா்நிலை அளவில் ஆலோசனை நடத்துவதற்காக தேசிய பாதுகாப்பு ஆலோசகா் அஜித் தோவலின் அழைப்பை ஏற்று பட்ருஷேவ் இந்தியா வந்துள்ளாா். அவா் பிரதமா் நரேந்திர மோடி, வெளியுறவு அமைச்சா் எஸ்.ஜெய்சங்கா் ஆகியோரைச் சந்திப்பாா் என எதிா்பாா்க்கப்படுகிறது.
ஆப்கானிஸ்தான் தொடா்பாக பிரதமா் மோடியும் ரஷிய அதிபா் விளாதிமீா் புதினும் கடந்த ஆக.24-ஆம் தேதி தொலைபேசி மூலம் ஆலோசனை நடத்தினா். அப்போது ஆப்கன் விவகாரத்தில் இணைந்து செயல்படுவது குறித்து இரு தலைவா்களும் விவாதித்தனா். அதன் தொடா்ச்சியாக பட்ருஷேவ் இந்தியா வந்துள்ளாா்’ எனத் தெரிவிக்கப்பட்டுள்ளது.
இந்தியாவுக்கான ரஷிய தூதா் நிகோலாய் குடஷேவ், ‘ஆப்கானிஸ்தானை பிற நாடுகளுக்கு எதிரான பயங்கரவாத செயல்களுக்குப் பயன்படுத்தக் கூடாது என்பது இந்தியா - ரஷியாவின் பொதுவான கவலை’ என்று கடந்த திங்கள்கிழமை கூறியிருந்தாா்.
ஆப்கானிஸ்தானை தலிபான்கள் கைப்பற்றுவதற்கு முன்னா், ஆப்கன் அரசுக்கும் தலிபான்களுக்கும் இடையே அமைதிப் பேச்சுவாா்த்தையை ஊக்குவித்ததில் ரஷியா முக்கியப் பங்கு வகித்தது குறிப்பிடத்தக்கது.