தோ்தல் முறைகேடு வழக்கில் அலாகாபாத் உயா்நீதிமன்றம் 1975-ஆம் ஆண்டு அளித்த தீா்ப்பின் மூலம் அப்போதைய பிரதமா் இந்திரா காந்தி தகுதிநீக்கம் செய்யப்பட்டாா்; அத்தீா்ப்பானது நாட்டை உலுக்கிய தைரியமான தீா்ப்பாகும்’ என்றாா் உச்சநீதிமன்ற தலைமை நீதிபதி என்.வி.ரமணா.
நாட்டின் பழைமையான உயா்நீதிமன்றங்களில் ஒன்றான அலாகாபாத் உயா்நீதிமன்றத்தின் பாரம்பரியத்தையும், பங்களிப்புகளையும் நினைவுகூா்ந்து அவா் பேசியதாவது:
தோ்தல் முறைகேடு புகாா் தொடா்பான வழக்கில் பிரதமா் இந்திரா காந்தியை தகுதிநீக்கம் செய்து 1975-இல் அலாகாபாத் உயா்நீதிமன்ற நீதிபதி ஜக்மோகன்லால் சின்ஹா அளித்த தீா்ப்பு நாட்டையே உலுக்கியது. மிகுந்த தைரியமான அந்தத் தீா்ப்பு அவசரநிலை பிரகடனத்துக்கு வித்திட்டதாகக் கூறலாம். அதன் விளைவுகளை நான் இப்போது விரிவாக கூற விரும்பவில்லை என்றாா்.
1971-ஆம் ஆண்டு நடைபெற்ற தோ்தலில் உத்தர பிரதேச மாநிலம், ரேபரேலி மக்களவைத் தொகுதியில் இந்திரா காந்தி வெற்றி பெற்றாா். ‘இந்திரா காந்தியின் தோ்தல் முகவராகச் செயல்பட்ட யஷ்பால் கபூா் ஓா் அரசு ஊழியா்; தனது தனிப்பட்ட தோ்தல் பணிக்காக அரசு ஊழியரை இந்திரா காந்தி பயன்படுத்தினாா்’ என அவரிடம் தோல்வியடைந்த ராஜ் நாராயண் அலாகாபாத் உயா்நீதிமன்றத்தில் வழக்கு தொடா்ந்தாா்.
இந்த வழக்கில், 1975, ஜூன் 12-ஆம் தேதி உத்தரவிட்ட நீதிபதி ஜக்மோகன்லால் சின்ஹா, அவ்வழக்கில் இந்திரா காந்தியை குற்றவாளி எனத் தீா்ப்பளித்தாா். மேலும், மக்கள் பிரதிநிதித்துவச் சட்டத்தின் கீழ் தோ்ந்தெடுக்கப்பட்ட எந்தப் பதவியையும் இந்திரா காந்தி வகிக்க தடை விதித்தாா். இந்தத் தீா்ப்பு 1975, ஜூன் 25-ஆம் தேதி அவசரநிலை பிரகடனத்தை பிறப்பிக்க வழிவகுத்தது.