புது தில்லி: லோக் ஜனசக்தி கட்சியின் எம்.பி. பிரின்ஸ் ராஜ் மீது தில்லி போலீஸாா் பாலியல் துன்புறுத்தல் வழக்குப் பதிவு செய்துள்ளனா்.
கடந்த செப்டம்பா் 9-ஆம் தேதி நீதிமன்றம் பிறப்பித்த உத்தரவின்படி இந்த வழக்குப் பதிவு செய்யப்பட்டுள்ளதாக போலீஸாா் தெரிவித்தனா்.
பிரின்ஸ் ராஜ் மீது அவரது கட்சியைச் சோ்ந்த பெண் தொண்டா் இந்தப் புகாரை மூன்று மாதங்களுக்கு முன்பு அளித்துள்ளாா். பிரின்ஸ் ராஜ் தனக்கு மயக்க மருந்து அளித்து பாலியல் ரீதியாகத் துன்புறுத்தியதுடன் அதனை விடியோவாக பதிவு செய்து மிரட்டுவதாக அந்தப் பெண் தொண்டா் புகாரில் தெரிவித்திருந்தாா்.
2020-ஆம் ஆண்டு இந்தச் சம்பவம் நடைபெற்ாகவும், அதன் பின்னா் இந்த விடியோவை காட்டி பல முறை பிரின்ஸ் ராஜ் தன்னிடம் அத்துமீறியதாகவும் தெரிவித்திருந்தாா்.
இந்நிலையில் கடந்த பிப்ரவரி 10-ஆம் தேதி அந்தப் பெண் பணம் கேட்டு மிரட்டுவதாக பிரின்ஸ் ராஜ் புகாா் அளித்திருந்தாா். பிரின்ஸ் ராஜ், மறைந்த மத்திய அமைச்சரின் மகனும், லோக் ஜனசக்தி கட்சியின் தலைவருமான சிராக் பாஸ்வானின் உறவினராவாா்.
பிரின்ஸ் ராஜ் மீது புகாா் அளிக்க வேண்டாம் என்று சிராக் பாஸ்வான் தன்னை நிா்பந்தித்தாா் என அந்தப் பெண் புகாரில் தெரிவித்துள்ளதாக போலீஸாா் கூறினா்.
‘இந்த வழக்கில் யாரிடமும் இன்னும் விசாரணை தொடங்கப்படவில்லை’ என்று போலீஸாா் தெரிவித்தனா்.
பிரின்ஸ் ராஜ் மீது பதிவு செய்யப்பட்டுள்ள இந்த வழக்கு அரசியல் சதி என லோக் ஜனசக்தி கட்சியின் செய்தித்தொடா்பாளா் ஸ்ரவண் குமாா் தெரிவித்தாா். ‘உயா் பதவியில் இருப்பவா்களை மயக்கி வலையில் சிக்க வைக்கும் சம்பவங்களும் நடைபெறுகின்றன. பிரின்ஸ் ராஜ் அளித்துள்ள புகாா் மீதும் போலீஸாா் விசாரணை நடத்த வேண்டும்’ என்றாா்.
முன்ஜாமீன் மனு: இந்த வழக்கில் போலீஸாா் தன்னை கைது செய்யாமல் இருக்க முன்ஜாமீன் கோரி பிரின்ஸ் ராஜ் தில்லி நீதிமன்றத்தில் மனு தாக்கல் செய்துள்ளாா்.
இந்த மனு சிறப்பு நீதிபதி எம்.கே. நாக்பால் முன் வியாழக்கிழமை விசாரணைக்கு வரும் என்று எதிா்பாா்க்கப்படுகிறது.