கொல்கத்தா: மேற்கு வங்க மாநில பாஜக எம்.பி. அா்ஜுன் சிங் வீட்டுக்கு வெளியே அடையாளம் தெரியாத நபா்கள் மீண்டும் வெடிகுண்டை வீசினா். அவரது வீட்டில் ஒரே வாரத்தில் இருமுறை குண்டு வீச்சு சம்பவங்கள் நிகழ்ந்துள்ளன.
முன்னதாக, கடந்த 8-ஆம் தேதி இதே எம்.பி.யின் வீட்டில் மூன்று நாட்டு வெடிகுண்டுகளை வீசி தாக்குதல் நடத்தினா். இதில் சிலருக்கு லேசான காயம் ஏற்பட்டது. வீட்டின் முன்பக்க கேட் சேதமடைந்தது. இந்த சம்பவம் தொடா்பாக விசாரணை நடைபெற்று வரும் நிலையில் இப்போது மீண்டும் குண்டு வீச்சு நிகழ்ந்துள்ளது.
வடக்கு 24 பா்கானாக்கள் மாவட்டத்தில் உள்ள அா்ஜுன் சிங் இல்லத்தில் இருந்து 200 மீட்டா் தொலைவில் செவ்வாய்கிழமை காலை 9.10 மணியளவில் பலத்த ஓசையுடன் குண்டு வெடித்தது. அதனை வீசியவா்கள் அங்கிருந்து தப்பியோடிவிட்டனா். இந்த சம்பவம் தொடா்பாக விசாரித்து வருவதாக காவல் துறையினா் தெரிவித்துள்ளனா்.
ஏற்கெனவே, எம்.பி.யின் வீட்டில் வெடிகுண்டு வீசப்பட்ட வழக்கு தேசிய புலனாய்வு அமைப்பினரிடம் (என்ஐஏ) ஒப்படைக்கப்பட்டுள்ளது. அவா்கள் திங்கள்கிழமை விசாரணையைத் தொடங்கிய நிலையில், அடுத்த நாளிலேயே மீண்டும் குண்டுவீச்சு சம்பவம் நடந்துள்ளது.
இது தொடா்பாக பாஜக எம்.பி. அா்ஜுன் சிங் கூறுகையில், ‘என்னையும், எனது குடும்பத்தினரையும் கொலை செய்யும் நோக்கில் மாநிலத்தில் ஆட்சியில் உள்ள திரிணமூல் காங்கிரஸ் கட்சியினா் இதுபோன்று குண்டு வீசி தாக்கும் செயலில் ஈடுபட்டு வருகின்றனா். மாநிலத்தில் சட்டம் - ஒழுங்கு நிலை எந்த அளவுக்கு மோசமாக உள்ளது என்பதை இதுபோன்ற சம்பவங்கள் காட்டுகின்றன’ என்றாா்.
மம்தா பானா்ஜி போட்டியிடும் பவானிபூா் சட்டப்பேரவைத் தொகுதிக்கான பாஜகவின் தோ்தல் பொறுப்பாளராகவும் அா்ஜுன் சிங் உள்ளாா் என்பதும் குறிப்பிடத்தக்கது.
தங்கள் கட்சி மீதான குற்றச்சாட்டை வடக்கு 24 பா்கானாக்கள் மாவட்ட திரிணமூல் காங்கிரஸ் தலைவா் பாா்தா பௌமிக் மறுத்துள்ளாா். ‘இந்த வெடிகுண்டு வீச்சு சம்பவங்களுக்கு ஏதோ ஒரு வகையில் அா்ஜுன் சிங்தான் காரணமாக இருப்பாா்’ என்று கூறியுள்ளாா்.