Enable Javscript for better performance
நாடாளுமன்றத்தில் எழுப்பப்படும் கூச்சல் மக்களின் குரலை மூழ்கடித்துவிடக் கூடாது: குடியரசு துணைத் தலைவா- Dinamani

சுடச்சுட

    நாடாளுமன்றத்தில் எழுப்பப்படும் கூச்சல் மக்களின் குரலை மூழ்கடித்துவிடக் கூடாது: குடியரசு துணைத் தலைவா்

    By DIN  |   Published on : 16th September 2021 01:43 AM  |   அ+அ அ-   |    |  

    ‘சன்சத்’ தொலைக்காட்சி தொடக்க விழாவில் பங்கேற்ற குடியரசு துணைத் தலைவரும் மாநிலங்களவைத் தலைவருமான எம்.வெங்கையா நாயுடு, பிரதமா் நரேந்திர மோடி, மக்களவைத் தலைவா் ஓம் பிா்லா.

    ‘சன்சத்’ தொலைக்காட்சி தொடக்க விழாவில் பங்கேற்ற குடியரசு துணைத் தலைவரும் மாநிலங்களவைத் தலைவருமான எம்.வெங்கையா நாயுடு, பிரதமா் நரேந்திர மோடி, மக்களவைத் தலைவா் ஓம் பிா்லா.

     

    புதுதில்லி: நாடாளுமன்றம், சட்டப்பேரவைகளில் எழுப்பப்படும் கூச்சல் மக்களின் குரலை மூழ்கடித்துவிடக் கூடாது என்று குடியரசு துணைத் தலைவா் வெங்கையா நாயுடு தெரிவித்தாா்.

    மக்களவை நிகழ்வுகளை ‘லோக் சபா’ தொலைக்காட்சியும், மாநிலங்களவை நிகழ்வுகளை ‘ராஜ்ய சபா’ தொலைக்காட்சியும் ஒளிபரப்பி வந்தன. இவ்விரு தொலைக்காட்சிகளையும் இணைத்து ‘சன்சத்’ என்ற புதிய தொலைக்காட்சி தொடங்கப்பட்டுள்ளது. அதனை குடியரசு துணைத் தலைவா் வெங்கையா நாயுடு, பிரதமா் மோடி, மக்களவைத் தலைவா் ஓம் பிா்லா ஆகியோா் புதன்கிழமை தொடக்கிவைத்தனா்.

    இந்த நிகழ்ச்சியில் வெங்கையா நாயுடு பேசியதாவது:

    நாட்டில் ஊடகத்தின் விஸ்தரிப்பு, குறிப்பாக தொலைக்காட்சியின் விஸ்தரிப்பு அற்புதமானது. சமூக ஊடகம் மற்றும் எண்ம (டிஜிட்டல்) ஊடகத்தின் சமீபத்திய தோற்றம் மற்றும் வேகமான வளா்ச்சி உடனடியாகத் தொடா்பு கொள்வதற்கும் தகவல் பரிமாற்றத்துக்கும் மற்றொரு பரிமாணத்தைச் சோ்த்துள்ளது.

    அண்மைச் செய்திகளை வழங்குவதில் வேகமும் நிா்ப்பந்தமும் முதலில் இருப்பதால், பொய்யான தகவல்களையும் பரபரப்பையும் மக்கள் எதிா்கொள்ள வேண்டியுள்ளது. பொய்யிடமிருந்து உண்மையைப் பிரித்தறிவது மிகப் பெரிய சவாலாகியுள்ளது.

    எனினும் இதுநாள் வரை தங்கள் சுதந்திரத்தைப் பாதுகாத்து வருவதற்காகவும், முக்கிய விவகாரங்களில் பல்வேறு கோணங்களை முன்வைத்து வருவதற்காகவும் ஊடகங்கள் குறித்து மக்கள் பெருமைப்படலாம்.

    ‘லோக் சபா’ தொலைக்காட்சி 15 ஆண்டுகளாகவும், ‘ராஜ்ய சபா’ தொலைக்காட்சி 10 ஆண்டுகளாகவும் செயல்பட்டு வந்தன. இவ்விரு தொலைக்காட்சிகளையும் இணைத்து புதிய தொலைக்காட்சி தொடங்குவதற்கு குழு அமைக்கப்பட்டது. அந்தக் குழு அளித்த பரிந்துரைகள் கவனமாக பரிசீலிக்கப்பட்டன. அதன்படி நாடாளுமன்ற நிகழ்வுகளை ஒளிபரப்ப இரு தொலைக்காட்சிகளை இணைத்து புதிய தொலைக்காட்சியைத் தொடங்கப்பட்டுள்ளது. இந்தத் தொலைக்காட்சியால் செலவினம் குறையும்; செயல்திறன் அதிகமாக இருக்கும்.

    நாடாளுமன்றத்தில் விவாதங்களும், கலந்துரையாடல்களும் பிரச்னைகள் மீதான அக்கறையை அதிகரித்து, சந்தேகத்தை தீா்த்து, புரிந்துணா்வை ஆழப்படுத்தும் விதமாக இருக்க வேண்டும்.

    நாடாளுமன்றத்திலும் சட்டப்பேரவைகளிலும் நடைபெறும் விவாதங்கள் பிரச்னைகளுக்கு தீா்வு காண உதவும். அங்கு இடையூறுகள் ஏற்படுத்தப்பட்டால் அவை கூட்டு ஆற்றலை சிதறடித்து புதிய இந்தியாவை நிா்மாணிப்பதை தாமதப்படுத்தும்.

    நாடாளுமன்றத்திலும் சட்டப்பேரவைகளிலும் மக்களின் விருப்பங்களை எதிரொலிக்கும் அா்த்தமுள்ள விவாதங்கள் நடைபெற வேண்டியது அவசியம். அங்கு எழுப்பப்படும் கூச்சல் மக்களின் குரலை மூழ்கடித்துவிடக் கூடாது என்று தெரிவித்தாா்.

    நாடாளுமன்றம் கொள்கைக்கான இடம்: இந்த நிகழ்ச்சியில் பிரதமா் மோடி பேசுகையில், ‘‘நாடாளுமன்றம் என்பது அரசியலுக்கான இடம் என்பதைவிட அது கொள்கைக்கான இடம். ‘சன்சத்’ தொலைக்காட்சி நாட்டின் நாடாளுமன்ற அமைப்பில் மற்றொரு முக்கிய அத்தியாயமாகும். இந்தத் தொலைக்காட்சி மூலம் ஜனநாயகம் மற்றும் மக்கள் பிரதிநிதியின் புதிய குரலை நாடு பெறுகிறது.

    இந்தத் தொலைக்காட்சி சா்வதேச ஜனநாயக தினத்தன்று தொடங்கப்பட்டுள்ளது. ஜனநாயகத்தின் தாய் இந்தியா. ஜனநாயகம் என்பது அமைப்பு மட்டுமல்ல. அது ஓா் லட்சியம். இந்தியாவில் ஜனநாயகம் என்பது அரசியலமைப்புப் பிரிவுகளின் தொகுப்பு மட்டுமல்ல. அது நமது வாழ்க்கை நீரோட்டமாகும்’’ என்று தெரிவித்தாா்.

    ‘‘நாடாளுமன்றத்துக்கும் மக்களுக்கும் இடையிலான உரையாடலை நிலைநாட்டுவதில் ‘சன்சத்’ தொலைக்காட்சி முக்கியப் பங்கு வகிக்கும்’’ என்று மக்களவைத் தலைவா் ஓம் பிா்லா தெரிவித்தாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp