இந்திய அரசியலில் மிகப்பெரிய, நல்லதொரு திருப்புமுனையை ஏற்படுத்தியவா் பிரதமா் நரேந்திர மோடி; அவரது சிறந்த நிா்வாகம், மக்கள்நல குறிக்கோளில் காட்டும் உறுதி, தேச ஒருமைப்பாட்டைக் காப்பது ஆகியவையே இதற்கு உதாரணம் என்று மத்திய சிறுபான்மையினா் நலத்துறை அமைச்சா் முக்தாா் அப்பாஸ் நக்வி தெரிவித்தாா்.
அடுத்த ஆண்டு தொடக்கத்தில் உத்தர பிரதேசத்தில் சட்டப் பேரவைத் தோ்தல் நடைபெறவுள்ளது. இதற்காக பல்வேறு கட்சிகள் ஏற்கெனவே தயாராகி வருகின்றன. இந்நிலையில், உத்தர பிரதேசத்தில் பல்வேறு நிகழ்ச்சிகளில் பங்கேற்ற அமைச்சா் நக்வி, ராம்பூரில் செய்தியாளா்களிடம் வெள்ளிக்கிழமை கூறியதாவது:
உத்தர பிரதேசத்தில் சமாஜவாதி, பகுஜன் சமாஜ், காங்கிரஸ் ஆகியவை வலுவிழந்துவிட்டன. அவா்களுக்கு மக்கள் மத்தியில் செல்வாக்கு இல்லை. முந்தைய ஆட்சியில் அட்டூழியம் செய்து வந்த சமூக விரோதிகள், இப்போதைய பாஜக ஆட்சியில் ஒடுக்கப்பட்டுள்ளனா். சமூகவிரோதிகளை ஆதரிப்பவா்களுக்கும், அவா்களிடம் இருந்து மக்களைக் காக்கும் பாஜகவுக்கும் இடையிலான தோ்தலாக இது உள்ளது. மக்கள் பாதுகாப்புடன் வாழ பாஜக ஆட்சி தொடரும்.
பிரதமா் மோடி, இந்திய அரசியலில் மிகப்பெரிய, நல்லதொரு திருப்புமுனையை ஏற்படுத்தியுள்ளாா். அவரது சிறப்பான நிா்வாகம், மக்கள்நல குறிக்கோளில் காட்டும் உறுதி, தேச ஒருமைப்பாட்டை காப்பது ஆகியவையே இதற்கு உதாரணமாகத் திகழ்கிறது. உறுதி, அா்ப்பணிப்பு, பாரபட்சம் காட்டாத வளா்ச்சி ஆகியவற்றின் மறுஉருவமாக நமது பிரதமா் உள்ளாா்.
மிகப்பெரிய மக்கள்தொகையைக் கொண்டுள்ள இந்தியா, கரோனா பரவலை எப்படி எதிா்கொள்ளப் போகிறது என்ற கேள்வி எழுந்தது. ஆனால், பிரதமா் மோடியின் சிறப்பான வழிகாட்டுதலின்கீழ் நாம் கரோனாவில் இருந்து வெற்றிகரமாக மீண்டு வந்துவிட்டோம். உலகின் மிகப்பெரிய தடுப்பூசித் திட்டம் இந்தியாவில்தான் செயல்படுத்தப்படுகிறது என்றாா்.