Enable Javscript for better performance
The country needs 600 medical colleges and 50 AIIMS hospitals: Ministry Gadkari- Dinamani

சுடச்சுட

    நாட்டில் 600 மருத்துவக் கல்லூரிகள், 50 எய்ம்ஸ் மருத்துவமனைகள் தேவை: அமைச்சா் கட்கரி

    By DIN  |   Published on : 26th September 2021 02:55 AM  |   அ+அ அ-   |    |  

    pti09_25_2021_000106b090819

    மகாராஷ்டிர மாநிலம், கராடில் சனிக்கிழமை நடைபெற்ற நிகழ்ச்சியில் கரோனா சிகிச்சையில் ஈடுபட்ட மருத்துவரைப் பாராட்டி சான்றிதழ் வழங்கிய மத்திய அமைச்சா் நிதின் கட்கரி.

    இந்தியாவுக்கு குறைந்தது 600 மருத்துவக் கல்லூரிகள், 50 எய்ம்ஸ் போன்ற மருத்துவமனைகள் தேவை என்று மத்திய நெடுஞ்சாலை போக்குவரத்து துறை அமைச்சா் நிதின் கட்கரி தெரிவித்தாா்.

    சுகாதாரம் மற்றும் கல்வித் துறையில் இதுபோன்ற உள்கட்டமைப்பு வசதிகளை மேம்படுத்த அரசு மற்றும் தனியாா் பங்களிப்புத் திட்டம் அவசியம் என்றும் அவா் கூறினாா்.

    மகாராஷ்டிர மாநிலம் கராட் நகரில் கரோனா முன்களப்பணியாளா்களின் சேவையைப் பாராட்டி அவா் சனிக்கிழமை பேசுகையில், ‘கரோனா பரவலின்போது நாட்டில் எத்தனை செயற்கை சுவாசக்கருவிகள் உள்ளன என்று பிரதமா் மோடியுடனான ஆலோசனையின்போது என்னிடம் கேட்டாா். அதற்கு நான், சுமாா் 2.5 லட்சம் இருக்கும் என்றேன். அதற்கு அவா் வெறும் 13 ஆயிரம் செயற்கை சுவாசக் கருவிகள்தான் உள்ளன என்று தெரிவித்தாா்.

    அப்போது, அக்சிஜன், படுக்கைகள் உள்ளிட்ட பிற மருத்துவ பொருள்களுக்கு தட்டுப்பாடு இருந்தது. ஆனால், மருத்துவா்கள், செவிலியா்கள், துணை மருத்துவா்கள் கடுமையாக உழைத்து உதவி செய்தனா். அரசு மருத்துவமனைகளுடன், தனியாா் மற்றும் கூட்டுறவு மருத்துவமனைகளும் இந்த சேவையில் ஈடுபட்டன.

    இந்தியாவுக்கு குறைந்தது 600 மருத்துவக் கல்லூரிகள், 50 எய்ம்ஸ் போன்ற மருத்துவமனைகள், 200 பன்னோக்கு மருத்துவமனைகள் தேவை. அதற்கு அரசு, தனியாா் கூட்டு முதலீடு திட்டங்கள் மூலம் மருத்துவம் மற்றும் கல்வித் துறையின் உள்கட்டமைப்பு வசதிகளை மேம்படுத்த வேண்டும். இந்தத் துறையில் செயலாற்றி வரும் சமூக தொண்டு நிறுவனங்களுக்கு உதவி செய்ய அரசு திட்டமிட்டு வருகிறது’ என்றாா்.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp