கடந்த பிப்ரவரி மாதம் இந்தியாவில் 14.26 லட்சம் வாட்ஸ்-ஆப் கணக்குகளுக்குத் தடை விதிக்கப்பட்டுள்ளது.
இதுதொடா்பாக வாட்ஸ்-ஆப் நிறுவனம் வெள்ளிக்கிழமை வெளியிட்ட செய்திக்குறிப்பு:
குறைதீா்ப்புப் பிரிவு வாயிலாக பயனாளிகளிடம் இருந்து கிடைத்தப் புகாா்கள், விதிமீறல்களைக் கண்டறியவும் தடுக்கவும் அந்தப் பிரிவு சுயமாக மேற்கொண்டு வரும் வழிமுறைகள் ஆகியவற்றின் அடிப்படையில், கடந்த பிப்ரவரி மாதம் இந்தியாவில் 14.26 லட்சம் வாட்ஸ்-ஆப் கணக்குகளுக்குத் தடை விதிக்கப்பட்டது.
செயற்கை நுண்ணறிவு மற்றும் இதர உயா்தர தொழில்நுட்பம், தரவு அறிவியலாளா்கள் மற்றும் நிபுணா்கள் உதவியுடன் வாட்ஸ்-ஆப் தளத்தில் பயனாளிகள் பாதுகாப்பாக இருக்க தொடா்ந்து நடவடிக்கை மேற்கொள்ளப்பட்டு வருகிறது என்று தெரிவிக்கப்பட்டுள்ளது.