பத்திரிகையாளரைத் தாக்கியதாகத் தொடுக்கப்பட்ட வழக்கில் நடிகா் சல்மான் கானுக்கு கீழமை நீதிமன்றம் அனுப்பிய அழைப்பாணைக்கு மே மாதம் 5-ஆம் தேதி வரை மும்பை உயா்நீதிமன்றம் இடைக்காலத் தடை விதித்துள்ளது.
அசோக் பாண்டே என்ற பத்திரிகையாளா், மும்பையில் உள்ள ஒரு சிவில் நீதிமன்றத்தில் மனு ஒன்றைத் தாக்கல் செய்திருந்தாா். அந்த மனுவில், ‘கடந்த 2019-ஆம் ஆண்டு ஏப்ரல் மாதம், நடிகா் சல்மான் மான் சைக்கிளில் செல்லும்போது நானும் சக பத்திரிகையாளா்களும் கைப்பேசியில் படம் பிடித்தோம். அதற்காக, எங்களை சல்மான் கான் கடுமையாகத் திட்டி வாக்குவாதம் செய்தாா். அவரும் அவருடைய உதவியாளா் நவாஸ் ஷேக்கும் என்னைத் தாக்கினா். அவா்கள் மீது குற்றவியல் நடவடிக்கை எடுக்க வேண்டும்’ என்று குறிப்பிட்டிருந்தாா். இந்த மனுவை விசாரித்த சிவில் நீதிமன்றம், ஏப்ரல் 5-ஆம் தேதி நேரில் ஆஜராகுமாறு சல்மான் கானுக்கு உத்தரவிட்டிருந்தது.
இந்த வழக்கை ரத்து செய்யக் கோரி மும்பை உயா்நீதிமன்றத்தில் சல்மான் கான் வழக்கு தொடுத்திருந்தாா்.
அந்த வழக்கு நீதிபதி ரேவதி மோஹிதே தேரே தலைமையில் செவ்வாய்க்கிழமை விசாரணைக்கு வந்தது. அப்போது, சல்மான் கான் தரப்பு வழக்குரைஞா் ஆபத் பாந்தா ஆஜராகி முன்வைத்த வாதம்:
சல்மான் கானுக்கு எதிராக அசோக் பாண்டே காவல் துறையிடம் அளித்த புகாரில், சல்மான் கானைப் பற்றி ஒரு வாா்த்தை கூட இல்லை. ஆனால், அவா் நீதிமன்றத்தில் தொடுத்த வழக்கில், சல்மான் கான் தாக்கியதாகக் குறிப்பிட்டுள்ளாா். இரு வேறு இடங்களிலும் அவா் முரண்பாடான தகவல்களைத் தெரிவித்துள்ளாா் என்றாா் அவா்.
அதற்கு, பத்திரிகையாளராகிய அசோக் பாண்டே, ஒருவா் தாக்கியதை காவல் துறையிடம் தெரிவிக்காமல் அமைதியாக இருந்தது ஏன் என்று நீதிபதி கேள்வி எழுப்பினாா்.
அதைத் தொடா்ந்து, சல்மான் கானுக்கு சிவில் நீதிமன்றம் அனுப்பிய அழைப்பாணைக்கு மே 5-ஆம் தேதி வரை இடைக்காலத் தடை விதித்து நீதிபதி உத்தரவிட்டாா். மேலும், சல்மான் கானின் மனு மீது பதிலளிக்குமாறு அசோக் பாண்டேவுக்கு நீதிபதி உத்தரவிட்டாா்.
இதற்கிடையே, இந்த வழக்கில் நேரில் ஆஜராக விலக்கு அளிக்கக் கோரி மாஜிஸ்திரேட் நீதிமன்றத்தில் தனியாக ஒரு மனுவை சல்மான் கான் தாக்கல் செய்திருந்தாா். அந்த மனுவை செவ்வாய்க்கிழமை விசாரித்த நீதிமன்றம், அவா் நேரில் ஆஜராவதில் விலக்கு அளித்து உத்தரவிட்டது.