நீதித்துறையில் ஏராளமான பணியிடங்கள் நிரப்பப்படாமல் உள்ளதால், வழக்குகளில் தீர்ப்பு வழங்குவதில் தாமதம் ஆவதாக உச்ச நீதிமன்ற தலைமை நீதிபதி என்.வி. ரமணா தெரிவித்துள்ளார்.
ஹைதராபாத்தில் தெலுங்கானா மாநில நீதித்துறை அதிகாரிகள் மாநாட்டை தொடங்கி வைத்து பேசிய நீதிபதி ரமணா, தலைமை நீதிபதியாக பதவியேற்றவுடன் காலியிடங்களை நிரப்பவும், நீதித்துறையின் உள்கட்டமைப்பை மேம்படுத்தவும் நடவடிக்கை எடுத்து வருவதாக கூறியவர், இந்திய நீதித்துறை அதிக சுமை கொண்டதாகவும் கூறினார்.
"காரணம், போதுமான எண்ணிக்கையிலான நீதிமன்றங்கள் மற்றும் நீதித்துறையின் உள்கட்டமைப்பை மேம்படுத்தி, காலிப் பணியிடங்களை நிரப்பினால் மட்டுமே, அனைத்து குடிமகனுக்கும் நீதி கிடைப்பது சாத்தியமாகும்," என்று அவர் கூறினார்.
நீதிமன்றங்களில் நாளுக்கு நாள் வழக்குகளின் எண்ணிக்கை அதிகரித்து வருவதாகவும், ஒரு வழக்கிற்கு தீர்ப்பு கிடைப்பதற்கு எத்தனை ஆண்டுகள் ஆகிறது என தனக்குத்தானே கேள்வி எழுப்பிக் கொண்டவர், உயர்நீதிமன்றங்கள், உச்ச நீதிமன்றம் அல்லது மாவட்ட நீதிமன்றங்களில் நிலுவையில் உள்ள காலிப் பணியிடங்கள் எதுவும் இல்லை என்று நிலையை பார்க்க விரும்புவதாக நீதிபதி ரமணா கூறினார்.
நாட்டின் பல்வேறு பகுதிகளில் நீதித்துறை உள்கட்டமைப்பு போதுமானதாக இல்லை என்று கூறியவர், தெலங்கானா வழக்கில், நீதிபதிகளின் எண்ணிக்கையை 24 இல் இருந்து 42 ஆக உயர்த்துவதற்கான நிலுவையிலுள்ள கோப்பை எந்த தாமதமும் இன்றி அனுமதித்ததாக தெரிவித்தார். வழக்குரைஞர்களுக்கு இணக்கமான சூழலை உருவாக்கவும், மனித அம்சங்களை எப்போதும் நினைவில் வைத்திருக்க வேண்டும் என நீதித்துறை அதிகாரிகளை கேட்டுக்கொண்டவர், "சட்டம் சமத்துவத்திலிருந்து வெகு தொலைவில் இருக்க முடியாது. உங்கள் விருப்புரிமையைப் பயன்படுத்துவதற்கான வாய்ப்பு கிடைக்கும் போதெல்லாம் நீதித்துறையின் மனித முகத்தை முன்னிறுத்துவது முக்கியம்" என்று கூறினார்.
வெவ்வேறு தேவைகளைக் கொண்ட சிறார்கள், பெண்கள் மற்றும் மாற்றுத்திறனாளிகள் உள்ளிட்ட தரப்பினரின் பல்வேறு பாதிப்புகளை நீதித்துறை அதிகாரிகள் உணர்ந்து, அனைவரையும் மரியாதையுடன் நடத்த வேண்டும். அரசியலமைப்புத் திட்டத்தில் நீதித்துறை அதிகாரிகள் வகிக்கும் குறிப்பிடத்தக்க பங்கை எடுத்துரைத்தவர், அதிகாரிகள் தங்கள் முன் சமர்ப்பிக்கப்பட்ட பொருள்களில் தங்கள் மனதை சுயாதீனமாகப் பயன்படுத்த வேண்டும் என்றார்.
நீதித்துறை அதிகாரிகள் தங்களைத் தாங்களே புதுப்பித்துக் கொள்ள வேண்டும், மேலும் அவர்கள் தங்களுக்கு முன் இருக்கும் வழக்குகளுக்கு மாறும் சட்டம் மற்றும் முன்மாதிரிகளைப் பயன்படுத்த முடியும் மற்றும் அவர்கள் அறிந்தால் மட்டுமே நீதியை உறுதிப்படுத்த முடியும், என்றார்.
நீதித்துறை அதிகாரிகள் எவ்வித அச்சமும் இன்றி தமது கடமைகளை நிறைவேற்ற வேண்டும் என வலியுறுத்தியவர், "நீதிபதிகள் மீதான உடல்ரீதியான தாக்குதல்கள் அதிகரித்து வருவதை அறிவதாகவும், இதுபோன்ற சம்பவங்களைத் தடுக்க என்னால் முடிந்த அனைத்தையும் செய்து வருகிறேன். நீதிமன்ற அறைகளுக்கு உள்ளேயும் வெளியேயும் நீதித்துறை அதிகாரிகளின் பாதுகாப்பை மேம்படுத்த உத்தரவுகள் வழங்கப்பட்டுள்ளன."
நல்வாழ்வின் நிதி முக்கியத்துவத்தை ஒப்புக்கொண்டு, "நீங்கள் நிதி கவலைகளிலிருந்து விடுபட்டால் மட்டுமே, உங்களால் முடிந்ததைச் செய்ய முடியும்.
கரோனா தொற்று பாதிப்பின் குறைந்துள்ளதால் நீதிமன்றங்கள் முழு திறனுடன் செயல்பட்டு வருகின்றன. வழக்குகள் தேங்கி கிடப்பதைக் கையாள்வதற்கான முயற்சிகளின் ஒரு பகுதியாக, வழக்கமான நீதிமன்ற நேரத்தைத் தாண்டி, நீதிமன்றத்திற்கு கூடுதல் நேரத்தை ஒதுக்க நேர்மையான முயற்சிகளை நீதித்துறை அதிகாரிகள் மேற்கொள்ள வேண்டும் என்று வலியுறுத்தினார்.
சிபிஐ, அமலாக்கத்துறை போன்ற புலனாய்வு அமைப்புகள் ஆய்வுக்கு உள்படுத்தப்பட வேண்டும்.அவர்கள் எவ்வித அழுத்தத்திற்கும் உள்படாமல் சுதந்திரமாக வேலை செய்வதை உறுதி செய்ய வேண்டும் என்று ரமணா வலியுறுத்தினார்.
மேலும் தெலங்கானா மாநிலத்தில் நீதித்துறையின் செயல்பாடுகளை எளிதாக்குவதில் முதல்வர் கே.சந்திரசேகர் ஆற்றிய செயல்களுக்கு பாராட்டு தெரிவித்தார்.
பின்னர், தலைமை நீதிபதி ரமணாவுக்கு தெலங்கானா மாநில பார் கவுன்சில் மற்றும் தெலங்கானா உயர்நீதிமன்ற வழக்குரைஞர்கள் சங்கம் சார்பில் உயர்நீதிமன்ற வளாகத்தில் பாராட்டு விழா நடத்தப்பட்டது.
இந்நிகழ்ச்சியில் பேசிய தலைமை நீதிபதி ரமணா, நாடு முழுவதும் உள்ள நீதிமன்றங்களில் உள்ள நீதித்துறை உள்கட்டமைப்பு பிரச்னைகளுக்கு தீர்வு காண்பதற்காக அவர் முன்மொழிந்த நீதித்துறை உள்கட்டமைப்பு கழகம் குறித்த மாநாடு தில்லியில் ஏப்ரல் 29 மற்றும் 30 ஆகிய தேதிகளில் நடைபெறுகிறது. இந்த மாநாட்டில், பிரதமர், மத்திய சட்ட அமைச்சர், மாநில முதல்வர்கள் மற்றும் உயர்நீதிமன்ற தலைமை நீதிபதிகள் ஆகியோர் கலந்து கொள்கின்றனர். இதில் நீதித்துறை உள்கட்டமைப்பு பிரச்னைகளுக்கு முடிவெடுத்து, அதற்குரிய முன்மொழிவு வெற்றி பெற்றால், நீதிமன்றங்களில் அடிப்படை வசதிகள் பிரச்னைக்கு தீர்வு கிடைக்கும்.
நீதிபதிகளின் காலிப் பணியிடங்களை நிரப்புவதற்கான தனது முயற்சிகள் குறித்துப் பேசியவர், இந்த ஆண்டு மே மாத இறுதிக்குள் சுமார் 200 உயர்நீதிமன்ற நீதிபதிகளை நியமனம் செய்வதற்கான முன்மொழிவுகளை அனுப்ப உள்ளதாகவும், 'உலகத் தொழிலாளர்களே ஒன்றுபடுங்கள்' என்ற கார்ல் மார்க்ஸின் புகழ்பெற்ற மேற்கோளைத் திருத்தியபோது, மக்களைப் புரட்சிக்காகத் தூண்டுவதாக சமூக ஊடகங்களில் தாக்குதலுக்கு உள்ளானதாக தலைமை நீதிபதி ரமணா கூறினார்.