பாரத்பூர் நகரத்திற்கு சிறந்த சாலை இணைப்பை அமைக்கக் கோரி ராஜஸ்தான் முதல்வர் அசோக் கெலாட், மத்திய போக்குவரத்து அமைச்சர் கட்கரிக்கு கடிதம் எழுதியுள்ளார்.
ஆல்வார்-பாரத்பூர் (97 கிமீ) சாலையை தேசிய நெடுஞ்சாலையாக அறிவித்து நான்கு வழிச்சாலையாக மேம்படுத்துவதுடன், பனியாலா மோட் மற்றும் தில்லி-மும்பை விரைவுச்சாலையை மாநிலத்தின் பரத்பூர் வரை நீட்டிக்குமாறு கெலாட் தனது கடிதத்தில் கேட்டுக் கொண்டார்.
அந்த கடிதத்தில், பாரத்பூரில் உலகப் புகழ்பெற்ற பறவைகள் சரணாலயம் உள்ளது. இங்கு நகரத்தில் பல்வேறு மாநிலங்களிலிருந்து ஆயிரக்கணக்கான பார்வையாளர்களை வருகின்றனர்.
தில்லி-மும்பை கிரீன்ஃபீல்ட் விரைவுச்சாலை மற்றும் ராஜஸ்தானில் புதிதாக கட்டப்பட்ட அம்பாலா-நர்னால்-பனியாலா மோட் தேசிய நெடுஞ்சாலை ஆகியவை இந்தியத் தேசிய நெடுஞ்சாலை ஆணையத்தால் பனியாலா மோட்-அல்வார்-படோடாமியோ வழியாக இணைக்கப்படுகின்றன என்று அவர் எழுதிய கடிதத்தில் தெரிவிக்கப்பட்டுள்ளது.
தில்லி-மும்பை விரைவுச்சாலை மற்றும் அம்பாலா-நர்னால்-பனியாலா விரைவுச்சாலையில் இருந்து வரும் போக்குவரத்து எதிர்காலத்தில் பாரத்பூர், ஆக்ரா மற்றும் மதுராவை அடைய எளிதான மற்றும் அணுகக்கூடிய பாதை தேவைப்படும் என்று முதல்வர் தனது கடிதத்தில் கூறியுள்ளார்.
மேலும், பணியாலா மோட் முதல் தில்லி-மும்பை விரைவுச்சாலை வரையிலான சாலையை பாரத்பூர் வரை நீட்டிக்க வேண்டும் என்றும், ஆல்வார்-பாரத்பூர் சாலையையும் தேசிய நெடுஞ்சாலையாக அறிவிக்க வேண்டும் என்றும், அதை நான்கு வழிச்சாலையாக மேம்படுத்துவது அவசியம் என்றும் கூறினார்.
முதல்வர் கெலட்டின் கூற்றுப்படி, இது இந்த பகுதியில் வளர்ச்சியை அதிகரிக்கும் மற்றும் வேலை வாய்ப்புகளை வழங்கும் என்றார் அவர்.